¹ Nomba infundo yako vino tukuvwanga ayii: Tuli na simapepo umukalamba wino wikala kwikasa lyakwe ndilo kumupando wamukalamba wamwiyulu. ² Umuwomvi wa mumalo ayatiswe, ichipitu chawumolimo chino Mwene, munthu pole, wayisile. ³ Pano umukalamba nkhani wakwe yasimapepo wasozilwe kuti ayika vyonsi ivyawila ni vyakuyipa. Alino afwile aye na chimwi ichakupa. ⁴ Nomba ndi Kilisitu wayanga pansi yapansi, ngali atalinji penepoasimapepo, amuno pali yawo yano yakapa ivyawila ukuyana nisunde. ⁵ Yakawomba intchito nivinzungwani muvinthu vya kupela. Chili sile ngati a Mose wino Leza wamuchenjezizye lino wali papipi pakukula ichipitu: Leza ati, ''Losechesya ukuti chonsi wachipanga ukuyana na vino waweni pa mwamba.'' ⁶ Kwene nomba Kilisitu wapochelela intchito iyisuma sana, ndivino nawe umuwomvi wakwe fingo ilizima, lino lili pamalayano ayasuma. ⁷ Ndi chakuti ifingo ilyakutalika lyayanga ilyawula inthazi, ngali patalinji ukulondwa kwa fingo lyakwe chili. ⁸ Nga lino Leza wazana inthazi na yanthu, watili, ''Lolini amanda yakwiza-Mwene wavwanzile-pano ndipanga ifingo ning'anda yakwe Izilayeli ning'anda yakwe Yuda. ⁹ Litaliya ngati ipanganmo lino napanzile naya kuku yakwe pawanda wuno nawasenzile namakasa yawo ukuti yawakolelele kunsi yaku Ijiputi. Muno yatawuvwilanga yakukuyane mnuwusaka, nupya nawasuzile- Mwene wavwanzile. ¹⁰ Luu ulufingo luno ndachita mung'anda yakwe izilayeli ndiyapita amanda yalya-Mwene wavwanzile. Ndiyika amasunde mumelengwi yawo, nupya ndiwawalika mumyenzo yawo. Ndiya ne Leza wawo, nupya yaliya ayanthu yane. ¹¹ Yatalisambilizyanyanga wenga numuze pawupalamani nupya wumwi numunyina, ukulanda, 'Umumanye Mwene.' Pano wonsi yalimanya nene, ukufuma pa wantche wawo ukufika kuwukalamba. ¹² Apano ndiya ne waluse kumilimo yawo iyiyipe, namaluyembu yawo nthaliwizuka nanthi uwanda.'' ¹³ Mukwama ulufingo luu ''ichipya'' wafumizye ulufingo ulwaklali ukuya ulukali, nupya yano yizile yaya ayakali kupya kwene chilafumapo.