¹ Walinji awikwene Mekizedeki , umwene wa Salemu, simapepo wakwe Leza umukalamba, wino wakomenkhine na Abulahamupano wawelanga ukufuma kuno yakomanga yamwene nukumupolelela. ² Kwalinji akuli weliwe kuno Abulahamu watwazile ichikumi chakwe vyonsi vino wakweti. pakutalika, ukupiliwula kwizwi lii likusula ukuti,''Mwene uwawulungamane''; kapya waya swinya ''Mwene wa salemu,'' akuli kuti, ''Mwene wa mutende.'' ³ Wali uwawula tata, uwawula mayo, uwawula yakuku, nanthi ukunthandiko kwa manda pamwi ukusila kwa wumi. ⁴ Lolini ukuchindama kwa munthu wino wino kuku witu Abulahamu wamupile ichikumi chakwe vyonsi vino waposile ukunkhondo. ⁵ Ayamuluko lwakwe Levi yano yapochelile simapepo yaya ninsambu ukuyana nisunde ukusenda chonga pali chila ikumi ukfuma kuyanthu,achino,ukufuma kuyanyina,napano nawo,kwene, yafuma kuli Abulahamu. ⁶ Kwene Mekizedeki, wino uluko lwakwe lutamanyikwe ukufuma kuli woliwo, wapochelile ichikumi ukufuma kuli Abulahamu, nukumupolelela, wenga wino walinji ni vilayo. ⁷ Kutaya ukukaninkhana ukuti umunthu uwapansi angapolelelwa numunthu umukalamba. ⁸ Pali chino,ayanthu yano yakafwa ayano yakapoka ichikumi, kwene pamulandu wulya ichisimichile ukuti wikala uwawumi. ⁹ Nupya, mukavwanjile kamuchinzi,Levi,wino wapochelile ichikumi, nawekwene wayikanga ichikumi ukupitila muli Abulahamu, ¹⁰ pamulandu Levi wali umumwili wakwe yisikulu pano Mekizedeki wakomenkhine na Abulahamu. ¹¹ Nomba ndi umulimo wali uwakufikapo ukupitila ku wusimapepo wakwe ya Levi (pakuti pansi pakwe ayanthu yapochelile isunde), ivhani chakukontchelela penepo chino chalondekwanga kuli simapepo wamutundu wuu ukuti alolechele pamiyele yakwe Mekezediki, nukuti mutamwelenganyizizya nukuyana nimiyele yakwe Aloni? ¹² Pakuti ndi uwusimapepo wukuchinja, nisunde kwene lifwile lichinje. ¹³ Pakuti umunthu wino ivinthu vii vikalandwa ivya mutundu wuze, muno mutatala mufumwe nanthi wenga uwakuwomba pansaka. ¹⁴ Nomba chamanyikwa chifumile kuli Yuda ukuti uwumwene witu wakwasilwe, umutundu wuno Mozesi asitela akate kweneko ukuyana naya simapepo. ¹⁵ Vino tukulanda vili apatiswe lelo ndi simapepo muze wiza umukolane na Mekezediki. ¹⁶ Chitalinji ichakukontchela pi sunde lyakulonda kwa mwili ukuti aye asimapepo, kwene mumalo mwakwe chakonchelile umumaka ya wumi wamuyayaya. ¹⁷ Pakuti amawaliko yakuyichila uwukamboni: ''Wesimapepo wamuyayaya ukuyana ninthanthiko yakwe Mekezediki.'' ¹⁸ Pakuti isunde ilikali lyayikwa pambali pamulandu wakuti lisinamaka nupya ilyawula umulimo, ¹⁹ (pakuti isunde litawomvile chimwi ichilondoloke), nupya itayilo ilisuma lyizile penepo, muno tukapitila mwenemo pakupalamila kuli Leza. ²⁰ Nupya chitali ichawula ichilapo! Yamwi yizile ayaya asimapepo ukwawula ichilapo chimwi, ²¹ kwene wizile aya asimapepo lino Leza wamuvwanzya, ''Mwene alafile nupya atalichinja penepo amelengwi yakwe: 'Wesimapepo wa muyayaya.''' ²² Pali chii Yesu nawe wapela ichisimichizyo ichilayano ilisuma. ²³ Yasimapepo yakali yavule mumphendwa, pano imfwa yawatasizye ukupitilizya ukuwomba. ²⁴ Kwene pamulandu wakuti Yesu wapitilile ukwikala umuyayaya, waya nuwusimapepo wamuyayaya. ²⁵ Alikuti waya sile namaka ayakupususya ukwemecho yawo yano yakapalamila kuli Leza ukupitila muli weliwe, pamulandu wene lyinsi wikala umukuwavwanjila. ²⁶ Pakuti chali ichakulondwa ukuti tuye na simapepo umukalamba, wino umutiswe,umutele,uwakayele,wayipawula kuwayembu nukutumphulwa kupela kwiyulu. ²⁷ Weni asilonda, ukupusana naya simapepo ayakalamba,ivyakuyipa, ukutalika kumaluyembu yakwe nakumaluyembu ya wanthu. wawomvile chino lyonga pawumi wakwe pano wayisangwile umwenecho. ²⁸ Pano isunde likasola yasimapepo ayakalamba yano yaya nivyakusoweka. Kwene izwi lwachilapo lino lizile pachisila pisunde, chasozile umwana wino yamupa nzi ukuya uwakufikapo pe na pe.