¹ Achino nomba, izini tuleke inthandiko ya mazwi yakwe ;Kilisitu nukuya inkholelo kuwukuzi.Tutayika nupya ulufula lwakualapa ukufuma kumilimo iyifwe nisuwilo muli Leza, ² pamwi ulufula lwakusambilizya ivya luwatizyo, ukuyikapenepo kwamakasa, ukuzyuka kwa wafwe, nuwupinguzi wamuyayaya. ³ Naswekwene tulachita vikwene ndi Leza akuzunilizya. ⁴ Pakuti chitanga chiwombwe kuli yano yasumvile isuwilo lyawo, yano yawonzile ichawupi chakwiyulu, yano yali ayakankhanya ya mupasi uwutiswe, ⁵ nayano yawonzile uwusuma wizwi lyakwe Leza na maka ya nkhulo yino yikwiza, ⁶ kwene nomba ayaweni yano yaponyile ukutali-ichatale ukuwawezyezyamo nupya ukukulapa. Chii apamulandu wakuti yakusamika mwana Leza kuli woliwo nupya, nukusonzya insonyi pa wanthu. ⁷ Muno insi ikamwela imvula yino yikayiza paliyoliyo akavule, nupya yikapapizya ivimelwa ivyakulondwa kuli yala yano yawomvizye umusili-wuu umusili wuno wukapochelela uwupolelelwe ukufuma kuli Leza. ⁸ Kwene ndiwupapa imyunga na kankholowe, ichawula intchito nupa chili ukupipi kulutipo. Uwumalilo wakwe ukupya. ⁹ Kwene tuvwichisya pavinthu ivisuma ivyakulingana na mwemwe, mweyakundwe, ivinthu ivyakulingana nukuwupususi, napano wuli tukavwanga ndivikwene. ¹⁰ Pakuti Leza ataya uwawula uwulungamane. Atalilila intchito zyinu nulukundo luno mwalanjizizye pizina lwakwe, pamulandu wakuti mwawawombelanga ayanthu yakwe ayatiswe, nanomba muchili mukuwawombela. ¹¹ Tukulondesya ukuti wensi wakwe mwemwe alanjizya ichangwi ukufichila pawumalilo, umwakuti uyike isuwilo lyako pawumolimo. ¹² Chili ndivikwene ukuti mutize muye mwe yakata, kwene yamatolela yakwe yano umwisuwilo numulufukwe yapyana ilayano. ¹³ Pakuti lino Leza wapanga ilayano lyakwe kuli Abulahamu, wayilapile umwenecho, pakuti atanga alapile muli muze umukalamba. ¹⁴ Wavwanzile ati, ''ndikupolelela umwapambali nukupa ayaluko ayavule.'' ¹⁵ Munzila yii, Abulahamu wazanyile chino walatilwe lino walindilila umwakufwasa ¹⁶ Pakuti ayanthu yakalapa ukupitila muli wumwi umukalamba ukuchila woliwo. Pawumalilo pali vyonsi ukupusana kwawo, ichilapo chikawomba ngati ichisimichizyo. ¹⁷ Pano Leza welenginye umwakufikapo ukulanjizya apatiswe kuwampyani kwi layano ilyawula ukuchinja umwata wa ntchito yakwe, walikomizye nichilapo. ¹⁸ Wachisile chii umuvinthu vili ivinthachinja-nachino chisi ichipepuke kuli Leza ukuyipa uwufi-sweswe, sweyano tutuchile kuze, tulipelwa amaka pakulemesya itayilo lino lili pankholelo pitu. ¹⁹ Tuli na chii ngati ichichinjililo nichakulondwa sana pawumi, tayilo lino likayinjila mukasi nkhani mwa malo yakunsizi kwa chimwenda ichakuchinga, ²⁰ kwii Yesu, wino watukolelile sweswe, ayinjile bmumasyo yalya mumalo mwitu. Ati aya umukalamba wamapepo uwape nape lino Mekedezeki wafumapo.