¹ Pakuti isunde ali chisawo cha vinthu vyonsi vino vikwiza, suwukolane uwenecho uwavinthu vivyo. Yawo yano yakapalamila Leza yatanga yapangwe ukufikapo ni finga izilizimwi zino yasimapepo yakaleya umwana nu mwaka. ² Limwi, ifinga zitaleka ukutwala? Pamulandu yasimapepo yatanga yawaswefya lyonga nukuti yataya namelengwi ayaluyembu. ³ Kweni ni finga zyawo kuli ukukumbusanya amaluyembu umwaka nu mwaka. ⁴ Pakuti chitanga chichitike uwazi wankhambaku ni mbuzi ukufumyapo amaluyembu. ⁵ Lino Kilisitu wiza munsi, watili, ''ifingo ni vyawupi mutavilondanga, kweni umwili wuno muli nawo wamphekanyizizye nene; ⁶ nivyawupi ivyakocha nivyawupi vyamaluyembu mutasechelela navyo. ⁷ Apano natili, ''Lola, indi pano-ngati muno yawalichilavyakwe nene mwikope -ukuwomba ukulonda kwinu.'''' ⁸ Pakutandika watili, ''Sumulandu uwazyafinga, pamwi ivyawupi pamwi ifingalyonsi ilyakocha, pamwi ifinga lyamaluyembu lino mwalondanga. pamwi mwasechile navyo.''' Ifinga zii zyatwalwanga ukulingana ni sunde. ⁹ Alino watili,''Lolini, indi pano pakuwomba ukulonda kwinu.'' Wafumizye ulwezyo lwakutalika ukuti ayike lwakwe chili. ¹⁰ Pamulandu wakulonda kulya, twasepa ukupitila muchawupi cha mwili wakwe Yesu Kilisitu lyonga pali vyonsi. ¹¹ Uwanda nu wanda simapepo wonsi kayimilila nukutumichila imilimo kuli Leza. Akayika ifingo kayilikayili-ifinga zino zitanga vifumyepo amaluyembu. ¹² Kweni lino Kilisitu wayipela ifinga lyonga kunsita vyonsi pamulandu wamaluyembu, wikala kwikasa lyakwe ndilo lyakwe Leza. ¹³ Akulindilila mpaka ayalwani yakwe yize yapangwe ichakulyatapo amatamba yakwe. ¹⁴ Amuno nifinga lyonga wazifwa kumanda wonsi kuyano ayaswepe. ¹⁵ Umupasi uwutiswe nawo watusimichile. Pakutandika watili, ¹⁶ ''Lii ilayano lino ndipanga nawo ndi amanda yalya yapita, Mwene wavwanzile. Ndayika amasunde yane mumyenzo yawo, nukuti ndawawalika mumyenzo yawo.'' ¹⁷ Apano wonjelezizye, ''Amaluyembu yawo nintchito zyawo iziyipe nthalivyizuka nupya.'' ¹⁸ Nomba pali ukutetelwa kumwi pali vii, kutaya nupya ifinga yaluyembu. ¹⁹ Alino, yanji, tuli nisuwilo ilyakwinjila kumalo ayatiswe ayapapela ukupitila muwazi wakwe Yesu. ²⁰ Yiyo inzila impya niyawumi yino yayulike muli sweswe ukupitila pa chimwenda ichakuchinda, ali kuti, munzila yamwili wakwe. ²¹ Pamulandu wakuti tuli nasimapepo umukalamba pang'anda yakwe Leza, ²² tuyini tufike ni myenzo iyakusimichilaiya suwilo,pakuya nimyenzo iyifulwe ukufuma kumelengwi ayayipe nukufula imwili yitu na manzi ayaswepe. ²³ Tuyani nupya tulemasye kwiitayilo ukwawula ukutentha lino tukalipila,pakuti wino walayizizye umusuwilwa. ²⁴ Tuyini twelenganye muno tungapanjila wenga numuze ukukunda nukuchita ²⁵ ivisuma.Tuyini tutaleka ukukongana ponga ,ngati muno yamwi yachitila. Kwene, komelezyini wenga numuze sana na sana namuno mukulolela ukuvula amanda yakupalamila. ²⁶ Pano ndi kukononela umufulo lino twapochelela ukumanya kwa uchumi, imfinga izyaluyembe zitalisyalichila nupya. ²⁷ Mumalo mwakwe ,kuli sile ukulindilila kwa ukwa wupinguzi, nuwukali wamoto wuno wakwe Leza wuno wulonona ayalwani yakwe Leza ²⁸ Wensi wino wakana amsunde yakwe Mozesi akafwa ukwawula uwila pawusimichilo wakwe yayili nanthi yatatu yakamboni. ²⁹ Chingakula wuli ichilambu ccchino mukwelenganya ukuti chingamuyana wino walyatila pansi mwana Leza, wino wasendile ukuti uwazi uwalayano wutal uwuswepe-uwazi wuno waswefizye- nukutuka umupasi wawila? ³⁰ Pano twamanya wenga wino watili,''Ichilanduzi chili muli nene; ndilifya.''Nupya,''Mwene alapingula ayanthu yakwe.'' ³¹ Ichinthu ichitinye sana ukupona mumakasa yakwe Leza wa wumi! ³² Kwene yizukini amanda yachisila, lino mwalola uwutiswe, muno mwajimbile nukulwa ukukalamba muvyakuwaya. ³³ Mwavwanzile apatiswe umwakususyana nupya mwankhananga nayano yapisile mukuchula ndi kuu. ³⁴ Pano mwali nuluse kli yano yanyepwe, nupya mwazumilizizye ni nsansa nukupokwa kwa vyuma vyinu mwamanyile ukuti mwemwe mwenga muli ni chuma cha muyayaya. ³⁵ Nomba mutati musumbe isuwilo linu, lino lili ni chawupi ichikalamba. ³⁶ Pano chikulonda ukujimda ndi pano ukuwomba ukulonda kwakwe Leza, ulapochelela vino mwalayana. ³⁷ Pano munsita yinono sana, weni wino akwiza aliza nukuti atamachelwa ³⁸ Umulungamane wane alikala mwisuwilo. Ndiakuwelela ichisila, umwenzo wane utalasechelela nawe.'' ³⁹ Kweni tusingati yalya yano yakuwelela ichisila nukononeka, kweni tuli muli yalya yano yali nisuwilo nukusunga imipasi yawo.