¹ Nomba isuwilo likuya ilyachumi muyatayilwe nupya ivinthu vimwi muli vii visiloleka. ² Apano pamulandu wakwe chii ayakali yawasimichizizye umusango wisuwilo lyawo. ³ Mwisuwilo amuno tukusimichila ukuti insi yelewilwe nu wupinguzi wakwe Leza, apano vino vikuloleka vitapanzilwe ukufuma ku vinthu vino vyalolekanga. ⁴ Mwalinji amwisuwilo pano Abelo wamupile Leza ichawila ichisuma ukuchila Kayini, muli chii wakweziwe ukuya umulungamane, nupya Leza wavwanganga ivizima vyakwe weliwe pamulandu wavyawupi vyakwe, nupya Abelo achili akavwanjila mwisuwilo, napano wuli wafwa. ⁵ Chalinji amwisulilo ukuti Enoki asendwe ukuya kupela ukuti atalola nimfwa. ''Atazanikwe, pamulandu wakuti Leza wamusenzile.'' Pano lino atani asendwe ukuya kupela, chasimichizikwe ukuti wamusechelesisye Leza. ⁶ Nomba ukwawula isuwilo chitanga chiye ichakumusechelesya. Pakuti ichakulondwa ukuti wensi wino akwiza kuli Leza afwile asuwile ukuti aliko nukuti ali kapa wavilipwa kuli yano yakamulonda. ⁷ Mwali amwisuwilo ukuti Nowa, kuya ukupelwa ilandwe ilya kumuchenjezya ilya vinthu vino itani viloleke, nisuwilo lyakwe ilyemulileza wakuzile ingalawa ukuti apususye ayamung'anda yakwe. Pakuwomba chii, wayisuzile insi nukuya uwampyani wayalungamane chii chali ukuyana nisuwilo. ⁸ Mwali amwisuwilo ukutin Abulahamu, pano wamilwe, wuvwilile nukuya kumasyo yano wafwile ikupochelela uwumpyani. Wayile kunzi, ukwawula ukumanya kuno akuya. ⁹ Mwali amwisuwilo ukuti wikazile munsi yilayano ngati amwiza. Wikalanga muvisakasa na Isaki na Jakobo. Ayampyani yawuze ayilayano lili limwi. ¹⁰ Pano walolanga kunkholelo kwamusumba namalufula, wino welenginye nukuzenga a Leza. ¹¹ Mwali amwisuwilo, napano wuli Sala weni wenga wali a chumba, nukuti Abulahamu wapochelile amaka ayakupapa umwana. Chii chachitike napano wuli wali umukote sana, pano wamuyisile umusuwilwe wino wamupile ilayano. ¹² Alino, ukufuma kumunthu wenga wii-nupya wafwile kali-yapafilwe ayaluko ayavule ngati inthanda mupela nupya awulaukupendeka ngati ansenga mumbali muli yemba. ¹³ Chali amwisuwilo ukuti wonsi yaa yafwile ukwawula ukupochela ilayano. Mumalo mwakwe. ukukonkha pakuwalola nukuwalamuchila apatali, yazumilizizye ukuti yali ayamwiza nupya achilendo pansi yapansi. ¹⁴ Pakuti yawo yano yakavwanga ivinthu ndi vii chikawuvwika ukuti umolimoyakulonda apakwikala. ¹⁵ Ndiyayanga ayakuti yakwelenganya ivynsi wuno yafumile mwenemo, ngali yali nulongoulwakuwelela. ¹⁶ Kwene munoviyelile, yakakumbwa insi izima, yino, akupela. Alino Lewza asikusonzwa insonyi ukuti ayamwa ukuya a Leza wawo, muno awapekanyizizye umusumba ukuya uwawo. ¹⁷ Mwali amwisulo ukuti Abulahamu,pano weziwe, wayipile Iysaki. ¹⁸ Walinji umwanakwe wenga mutupu wuno wayipile. Weliwe wino wapochelile ilayano.Wali a Abulahamu wino vyavwanzilwe kuli weliwe, ''Amuli Isaki muno uluko lwako lulamilwa.'' ¹⁹ Abulahamu welenginye ukuti Leza walingine ukumukatusya Isaki kumfwa, mumelengwi watili, ukufuma kuliwoliwo ukuti wamupochelile nupya. ²⁰ Chali nupya mwisuwilo pavyankholelo ukuti Isaki wamupolelile Jakobo na Esawu. ²¹ Chali amwisuwi ukuti Jakobo, pano wafwanga, apolelile ayana wonsi yakwe Jakobo. Jakobo wapefile, ukuseyamila papela pa nsonzo yakwe. ²² Chali amwisuwilo ukuti Jozefu, pano uwumalilo wakwe wali papipi, wavwanzile ivyakuma kwa yana aya Izilayeli ku Ijiputi nukuti wawasunzile ivyamafupa yakwe. ²³ Chali amwisuwilo ukuti Mose, lino wapapwa, ayakwasi yamufisile pamyezi yitatu pamulandu wakuti yaweni ukuti walinji umwana umuzima. Yatatinanga isunde lyakwe mwene. ²⁴ Chali amwisuwilo ukuti Mose, lino wakula, wakanyile ukuti ayamwa mwana wakwe mwana Falawo. ²⁵ Wasozile ukuyimba ponga nayanthu yakwe Leza ukuchila ukufwasa muwuchononyi pansita yinono. ²⁶ Welenginye ukuti inthazi izyamukukonkha Kilisitu zyali izikankhala sana ukuchi ichuma icha Ijiputi . Pakuti weni walolechesyanga amanso yakwe pachilambu chakwe. ²⁷ Chali anmwisuwilo ukuti Mose wafumile mu Ijiputi. Atatinanga ukuska kwakwe mwene, pakuti walinji ngati akumulola wino asiloleka. ²⁸ Chalinji amwisuwilo ukuti wasile pasaka nukuzwa kwa wazi, ukuti yano yamononanga katote yatafwile yamulemeka katote wakwe ya Izilayeli. ²⁹ Chalinji amwisuwilo ukuti wapisile muliyenba wamatete ngati amumusili uwume sana. Lino aya Ijiputi yezya ukupanga chii yadwivile. ³⁰ Chali amwisuwilo ukuti amaluwumba ya Jeliko yaponyile pansi, ukufuma lino yazingulukwa pamanda yasano nayayili. ³¹ Chali amwisuwilo ukuti Lahabu malaya atafwile ponga nayano yatuvwilanga, pakuti wapochelile yakanengula mumutende. ³² Ningavwanga ivivule wuli? Pakuti insi yimansilila ndiningavwanga vyakwe Gidiyoni, Balaki, Samusoni, Jefuta, Davidi, Samuwelo, nupya nivya ntchimi. ³³ Chali ichakupitila mwisuwilo ukuti yasenzile amawufumu, yawomvile muchumi, nupya yapochile malayano. ³⁴ Yayazile imilomo ya nkhalamu, yazimizye umoto uwamaka, yawapususizwe kuchanzo chakukoma, yapoziwe kuzyandwala, ayaya ayamaka kukulwa, nupya yawachimvizye ayasilika yamwiza. ³⁵ Ayanachi yaposilwe kumfwa pakuzyuka. Yamwi yachuzile, pakunthawazumilizya ukufuma, ukuti yasimichile ukuzyuka ukusuma. ³⁶ Yamwi yeziwe mu mukuwalanganya nukuwachapa, nukuwanyepa niminyololo nupya nukuwayalila mung'anda zyaminyololo. ³⁷ Yumizwe na mawe. Yawaputwile pakasi. yawakomile nichanzo. Yapitananga pano yazwite imikwela yang'onzi ni yambuzi. Yali muwupina, munthazi, yuvwisyanga uluse. ³⁸ Insi yitali iyisuma kuli woliwo. Lyonsi yali yapitananga mumapoli namumyamba, namumphako namuviwina vyamunsi. ³⁹ Nanthi wuli ayanthu wonsi yasozilwe na Leza pamulandu wisuwilo, yatapochelile ilayano. ⁴⁰ Leza welenginye chimwi ichizima chakwe sweswe, ukuti ukwawula sweswe, vitalipangwa ukuya ivisuma.