¹ Achino, pano naswe twazingulukwa ni wumba ilikulu lyakwe yakamboni, tuyini tusye ivinyome vyonsi nuluyembu luno lukutupinzya. Tuyini tutuke umwakujimba ulwilo luno luli inkholelo yitu. ² Tuyini tuteyelezye kuli Yesu, kazana nakazifya wi suwilo. Ninsansa zino zyateyanyiziwe kuli weliwe, wachuzile pauchingane wachisonzizye insonyi, nukuti watenzi kwikasa klyakwe ndilo pachilimba chakwe Leza. ³ Alino mwelenganyini weliwe, wino wachula nukususya kuyaluyembu pali weliwe, ukuti mutaya mweyatonthe nukusya isuwilo. ⁴ Muchili mutani mujimbe pamwi ukulwisya kwa luyembu ukufika kuwazi; ⁵ nupya mwati mwilila yuluchintchizyo luno lukawalamula ngati mwe yana: ''Mwanane, utati wapepula pa melenganyizizye pamuchinzi wakwe Mwene, ndi ukuwasambilizya. ⁶ Muno Mwene akasunda wino amutemilwe, nupya akapanika umwana wensi wino akamupochelela. ⁷ Komenkhinini nukuchula ngati isunde. Leza akulimbana namwenmwe ngati viuno akawomba na yana. Umwana wumwi wayapo wino yisi asimusunnda? ⁸ Kwene ndi musi nikhalo lino, yino ayanthu wonsi yakayankhana, lino mweyamwiza nupya simweyanakwe. ⁹ Ukuchila paa, twaliu na yatata yakumwili yano yatusundanga nga twawachindike. Akanga kano tungayipela kuli Tata wamupasi nu wumi! ¹⁰ Yatata yitu yatusunzile kunsita yinono ndi muno yelenganyizizye. Kwene Leza akatusundila kulongo lwitu, ukuti tungize twankhanywe muwutiswe wakwe. ¹¹ Kusi isunde lino likasechelesya pansita yiyokwene, kwene likawaya. Kwene kunkholelo likaleta ivikomwa vyamutende wawutele kuli yano yasambilizwa nalyo. ¹² Alino komyini amakasa yinu yano yakalelemba pansi na makokola yinu ayafoke. ¹³ Pangini inzila kizyololoke namatamba yinu, ukuti chino chikusintha chitalemala nkhandi chipole. ¹⁴ Londelini umutende umunthu wensi, nuwutiswe, pano ndi wusipo pasi wino angalola Mwene. ¹⁵ Lolecheshini ukuti pataya wumwi wino akusowelwa uluse lwakwe Leza nukuti umusisi uwulule wutakula ukuti wulete inthazi, ukuti ayavule yatakombela nacho. ¹⁶ Nanthi pataya nawumwi uwaluyembu lwa wuchende pamwi umunthu wamisuli ndivino Esawu, wino pamulandu nichakulya chansita yonga wakazizye uwupyani wakwe. ¹⁷ Pano mumanyile kuno inkholelo, lino welenganya ukupyana uwupolelelo, wakanyilwe, pamulandu wakuti atazanyile ulongo lwa kusenuka umwezo, nanthi wumwi wawulondisye na minsozi. ¹⁸ Pakuti mutizile kumwamba wuno wungalemeka, umwamba wakwaka umoto, kumfinzi, ukusisime, nu muza wamaka. ¹⁹ Mutizile kwipenga lino likulila nanthi ukwizwi lino likavwanga amavwi yano yakuvwa kuli yakalenga kuno kutaya nupya izwi lyuze ilyakuvwangwa kuli woliwo. ²⁰ Muno yatanga yakwaniswe pali vino vyapingwilwe: ''Ninyama kwene ndi yalema umwamba yifwile yitamwe na mawe.'' ²¹ Yali imbali inthinye sana yino Mose watili, ''Indi ninthete nupya nkhuzakaza.'' ²² Lyene, mwiza ku Mwamba wa Ziyoni na kumusumba wakwe Leza wawumi, Jelusalemu wakwiyulu nukumakumi ya myanda yawangelo mukusechelela. ²³ Mwiza kwi wungano lyakwe katote, wino wawalikwa mwiytulu. Mwizile kuli Leza, kapingula wakwe wonsi, numupasi wayatele yano yapangwa umwakufikapo. ²⁴ Mwzili kuli Yesu, umufusya wipangano ilipya nukuwazi uwukanyilwe wuno wukavwanga ningo ukuchila uwazi wakwe Abelo ²⁵ Lolini ukuti tutamukana wino akuvwanga. Pano ndi asipuka pano yamukanyile wino wa wasosile pansi ya pansi, ivinono sana vino tungapuchila mwenemo ndi tungamusenuchila wino akutusoka ukufuma kwi yulu. ²⁶ Insita yimwi izwi lyakwe lyatensizye insi. Kwene nomba atilayizizye atili, ''Insite yuze nthalitensya insi yitupu, nkhandi ni yulu kwene. ²⁷ Amazwi yaa, ''insita yuze,'' yakusula ukufumya ivinthu vino vingatenthwa, alikuti, pavinthu vino vyelewulwa, ukuti ivinthu vino vyelewulwa, ukuti ivinthu vino vitanga vitenthe vilasyala. ²⁸ Apano, ukupochelela uwene wuno wutanga wutenthe, izini tuye sweyakutayizya nupya mumisango yiyo kwene tumupepe Leza mumuchinzi numukumutina. ²⁹ Pano Leza witu umoto wakusikisya.