¹ Oolou sai yauli jaoliprn naa rey , catjacuri jaepin-ot catcařyug-jee ja-atchivo-ot naa itmin-ř jabet-tee jatddebrgli rey-at notshrg-jet. ² Dimali jajeri-in, naa. Mardoqueo moyu Bagtan-jaá tares, nat icau-ot oficialot rey pini, jawaubrtdi jalug-ya, jat-jeumali i-epcamin-řlig rey Asuero-jet. ³ Rey-at jarm:¿Brilig itmin-řg japisi-iwag-jee naa Mardroqueoat imin-řg?. Nat mot trijulot rey pinit nat ja-epin-ot mog brisandig itmin-řbrg-jan. ⁴ Rey mog: Brřjan irig wat-uu? obat-br jalug Amán japalcio naa rey, jayat-jee jajet, jajaá naa jayrsica-wryu naa bon Mardoqueo naa itmin-řli. ⁵ Nat ja-epin-ot naa rey camogli: Amán jasog wat-uu rey jamog: jayauliř jalug-jee. ⁶ Jalubag Amán, Rey mog-jan:¿ Brjaiř bon naa rey-at ijeu? oyat Amán mog jajiteat ¿Brřwrn řijanonjeirug rey-ot ashrt?. ⁷ Aman mog rey-at: naa bon rey-at ubitday naa ři-jalug. ⁸ Jayauřyug jayui-ot řjetwin, vuiot rey-at iyuiprn-ot itrn caballo jaá jaleg-prndi. ⁹ Oyat nat cayuiolot, naa pri caballo jasinonjeitenog capin nat oficialot rey pinitni, jayauliř jaijayui-jee bonat, naa rey-at řinonjrirug, wrijín nat jaijewet cabog caballo-ot-jaá nan moyántee-jat-rnjee jalig-bat jatminřjee nat rey-at řirug-olat. ¹⁰ Oyat rey mog Amanat, Mawairúg naa yuiot, caballo pinpri, oje mamojani, jamaumin-ř Mardoqueat, naa irig, naa judío irig rey ořyeja. rrira jaitetdrgli naa otmamog. ¹¹ Amanat jaõg naa yuiot caballo-pri. Jatdunog maa Mardoqueo, jabog naa caballo-ja calle-uu naa moyánte jatrm jashrt, oola iimin-ř nat ñi-jalug-olat naa rey-at. ¹² Mardoqueo uprt jamoyeja naa rey-oyat Amán janrn jaot-teja jaubitjalug jajuyapuglig. ¹³ Amán mog zere-at, mau wrijín majr-ot, wrijín naa iminyrg. Oyat nat mot pisimawag-otdi, pisi cawag-jet, mau zeres jamog: Mardoqueo jajuiwrg jalrg-jee oojri judío, jaisancrř-ř jajet, jasitep-drgyawi oicón. ¹⁴ Jayat sicon jajet, caminyug oficiales rey pinit, jatjeu jat-řnogli Amán, cayewairiprna naa Esterat imin-ř.