¹ Naa rey, Amán jet canagli cayewairiprna Reina Ester-jet. ² Jacaulou wryu, jacretsicon vino Rey mog Esterat,¿ Bri-rig-jan imarm, Reina Ester? naa-tete jaá mabig-masag. ¿brřnijan naá imarn? jajamaite naa icuiyu imajeu. ³ Reina Esterat jayerog-wauř, jamalug-u ijei mabig-jet rey, maji jeiu, naa ajuyu jamaubrg-an, oola naa ijeu, japri rm-majet ayánat. ⁴ Oyat ivendeřprn-otjín, an, ayánpri, jatnanjee, bitca-riř-jee, bitcabeřg-jee, bitcaca vendeřg-uli, oje esclavo-ot-ni mot, detpat, on acutetdigwrn on, bricug-rút-on mo-jishrnyu, ojwei naa olijani, woja jasaneug-ř jan-u naa rey. ⁵ Rey Asuero mog Esterat naa Reina: ¿Brř-jan? ¿Brn jairu jere epin jajuitun-řř maji, jaimin-řjee bririg jalig-u?. ⁶ Ester mog, naa bon inrm, oola mobat, oola iig-prnjín Amán, oyat Amán jabigsayu ed-di rey ubata, Reina pri. ⁷ Naa rey janrndi, jajuimigli jrryat vino jawacat, ja-nog jrn japalacio-ja, Amán jalipag jat-rnjee jajuyu-jaá Reina Esterat, japsi jawagli naa ied-itmnřg-li majaá ⁸ Rey jauprt palacio-teat, jrn jatbatali naa vino, Aman jalrgli deřbrtdiprn-jaá, jrn jalicali naa rey mog-li, jabiwauřya naa Reina, atanja-á jrn alei ot-teja, oyen oo naa moyerog jayrgli jayeat naa rey, wrijín nat jaepin-ot. ⁹ Oyat Harbona, capei nat oficialot nat iminřlatdi oje jamo jani naa rey, itrn motcawrndiprn cincuenta codo jasrnyu, jatmin-řmali Amán ot mau-u jajai jami-řmali Mardoquewat, naa iyatdi jai-ijeujee naa rey, rey mog: yayao wrn oo. ¹⁰ Ooli it wrn Amán, naa it min-řli Mardoquewat ooshrndi janrn rey-jet.