¹ Pri wryuu wũquetyen, Esterat jayuiot yui, jasog-jee rey sugsujuletee, rey ot pauú. naa Rey jatgli jateg-ot jaá, ja-ottja. ² Rey-at jalugbat naa Reina Ester jasoli jaijabet ijéijamin-řyu. Jat onog jrř oro-con iligli jalag-uu jrn jalica. Esterat janařg. jatmapai jajuprt naa cetro. ³ Oyat rey mog jan ¿Brilig imajeo Reina Ester? ¿Brilig ima řnsug ? jajamaiya isibrgman naa icuiyu. ⁴ Ester-mog, rr-amog-u Rey-at, jaliř Rey-at, Amán yug-u siru-u, itrn cayewairiprn amin-ř Rey-at. ⁵ Oyat rey-mog, jayauřyug Amán mowaini, jabimin-řg-jee oje Ester mojani. Ooshrndi rey, Amán conogli cayewairiprna naa Esterat imin-řlig. ⁶ Jayugsicon jri, jawũg caconjrřcat, oyat rey-mog Esterat ¿Brilig-jan imajea? ¿Brilig-jan imarn? jajamai naa icuyu isibrg-man. ⁷ Esterat jayerog Wauřg: Naala ijeu amat: ⁸ Jatmin-řu itdug-jet reg-at, jatdiřu reg-at, jatsibrg-ya naa in-jan-u, jasijei jan-u naa ijeu. mauyug rey Amán nan moyewairiprnteja naa isimin-řya brlende yãn, ooshrtjri jarog asiwařg-ya naa rey. ⁹ Amán jayrgli jijaijet, jaji-jei. Oyat Amanat jalug-bat Mardoqueo, jayeé ja-porton naa rey, jalig yau ja-juimiliprn jaubata, Amán jajuitundi monrnyu-jet Mardoqueo ubata. ¹⁰ Oyat Amán jajei, janog jaot teja. Catja-ágeui jajrot, cajuibag-jee jau-jet zeres. ¹¹ Amanat jaipin ja-riquezas, brř-jalig-u catog jatriot, wrijín jajet naa rey-at ibrjan, wrijín catja jón-ř mali wrijín ja-oficialot, wrijín ja-epinda-ot naa rey. ¹² Amán mog: naa Reina Ester yaula catja aliprn brt epin-ot, anwi-tep, binog-jee rey-jet jrn caye-wairiprna jrř itmin-řg. jai aság brlen, atshriag jasrm, alig-jee rey-jet. ¹³ Wrijín oo naa jamiteg řibrg-an, jalugsicon naa Mardoqueo Judio iteg rey otyee. ¹⁴ Camog-jan zere-ra maú, wrijín nat majrot: jatcumin-ř itrn mayósiwrliprn cincuenta codo jashrnyu, pijicap jayat naa rey jawrnjee naa Mardoqueo jajaá, oyen yaunog jijei-jet rey-jet, cayewai-wairiprna, oshrndi jajijei Amán , jatmiřli naa moyesicawrliprn.