¹ Mardoqueo vat japisiwag wrijín naa itmin-ř, jatwau-ř jayui-ot, jatdiř deřprt, jayrg moyán. Teat, jawrag jijog-jet, jíshrnjet. ² Jaleiwi inog rey otyejaá, jatsandiřdi caluglig ca-yui-ot cilicio-jet. ³ Wrijín cayán-tojani on ja-orden-dica naa decreto naa rey jaminogli, jaligli cajisrndi nat judiot-tee cayesanwairi cajisrn, cabagli capet nat iyeg-sog-ot. ⁴ Nat detpat detrtda-ot, nat jacolira-ot naa Ester cayag jalica, camog-jan, reina-jri jajísrn. jatbrnog jan jayui-ot Mardoqueo-wat (jat dru-jee jrř jasilicio) oyat jri yau jatjeuliprn. ⁵ Ooprnat Esterat jaá Hatac, capei nat oficialot rey pinit, jatbrg mali orden janog-jee Mardoqueo lica brjalig-u jalig, brř jamoyu jalig-u. ⁶ Hatac nog Mardoqueo lica jrn plaza-ja rey portón yabatye. ⁷ Mardoqueo-wat jaipin brřjalig-u jalugli, brřjalih.u jatog jrř plata otjamoli Amán, jatdiřjeli jatesoro tee naa rey, catca řiřg-jee nat judio-ot. ⁸ Jatpribrgli itrn copia naa decreto, naa jtrgli Susa-a jet catcabeřcali nat judio-ot, jatmin-řlig naa Hatac-cat jatatřjeli Esterat, janog-jeri Rey-lica jatpin-řjee jaubit jalug jee jayán. ⁹ Hatac nog, jamog Essterat, brřjalig-u Mardoqueo mog. ¹⁰ Ester yat Hatac-jet, jamog-jan maucuprt Mardoqueo-lica. ¹¹ Japri mog-jan: wrijín nat rey epin-ot, jayán naa rey, japisibiwag brř jalig-u bon, irug ja-patio naa rey, jatrndawi naa ley řg-bisibrg : Bisiř-i. ¹² Hatacat jaipín jayerug naa Ester Mardoqueowat ¹³ Mardoqueo-wat jabrnog naa moyerog, jamasan-crřg mabig-masag-u molig-jee japalacio naa rey macutwrn cajaá wrijín nat judio-ot. ¹⁴ On malig-u oo naa tiempo-tee casijeiya jan-u nat brt juido-ot, oyat mai jasi-beg-ya. ¹⁵ oyen Esterat jabrnog naa mensaje Mardoqueowat. ¹⁶ Maunog cajaimaubeřya wrijín judio-ot irig-ot Susa-tee mayecapriwaiya ashrn. Mayeeupriwaiya macupri wotya pri, ojeya pri bit-u biyesisan waiya anjri asinog-ya Rey-lica, brřsanditya ley ubata. ¹⁷ Mardoqueo nog jatmin-ř Ester mojani.