[از بنی قورؔح۔ مزمُور ۔ گیت] ¹ ۔ جو بُنیاد اُس نے مُقدّس پہاڑوں پر رکھّی۔ ² ۔خُداوند اُسے یعنی صیون کے پھاٹکو۔ یَعقُوبؔ کے تمام مَساکِن کی نِسبت۔ زیادہ عزیز جانتا ہَے۔ ³ ۔اَے خُدا کے شہر۔ تیری بابت۔ اچھّی سے اچھّی باتیں کہی جاتی ہَیں۔(سلِاہ) ⁴ ۔مَیں اپنے پہچاننے والوں کے درمیان۔ رہؔب اَور بابؔل کا ذِکر کرُوں گا۔ دیکھو فِلستین اَور صُوؔر اَور کُوشؔ کے باشِندے۔ "یہ شخص وہاں پیدا ہُؤا" ⁵ ۔ اَور صیون کی بابت کہا جائے گا۔ کہ "اِنسان سب کے سب اُس میں پیدا ہوئے۔ اَور حَق تعالیٰ نے خُود ہی۔ اُسے قیام بخشا ہَے۔" ⁶ ۔خُداوند اقوام کی کِتاب میں یُوں لِکھے گا۔ کہ "یہ شخص وہاں پیدا ہُؤا۔"(سلِاہ) ⁷ ۔اَور سب رقص کرتے ہوئے گائیں گے۔ کہ "میرے چشمے تُجھ ہی میں ہَیں۔