[گیت۔ مزمُور۔ از آسفؔ ¹ ۔اَے خُداوند چُپ چاپ نہ رہ۔ اَے خُدا خاموش نہ رہ۔ بے حرکت نہ رہ۔ ² ۔کیونکہ دیکھ تیرے دُشمن شور مچار ہے ہَیں۔ اَور جو تُجھ سے نفرت رکھتے ہَیں وہ سر اُٹھائے ہَیں۔ ³ ۔وہ تیری اُمّت کے خلاف فریب سے منصُوبے باندھتے ہَیں۔ اَور تیرے بچائے ہوؤں کے خلاف مشورہ کرتے ہَیں۔ ⁴ ۔وہ کہتے ہَیں کہ"آؤ ہم اُنہیں مِٹا دیں تاکہ یہ اُمّت ہی نہ رہیں۔" اَور بعد اَزاں اِسرؔائیل کا نام و نِشان نہ رہے۔ ⁵ ۔ہاں وہ یک دِل ہو کر مشورہ کرتے ہَیں۔ اَور تیرے خلاف عہد باندھتے ہَیں۔ ⁶ ۔اِدوؔم کے خَیمے اَور اِسماعیلی۔ موآؔب کے خَیمےاَور ہاجری۔ ⁷ ۔جبل اَور عّموؔن اَور عمالؔیِق ۔ فِلستؔین اَور صُوؔر کے باشِندے۔ ⁸ ۔بلکہ اسوری بھی اُن کےساتھ مِل گئے ہَیں۔ یہ بنی لوؔط کا بازُو بنے ہُوئے ہَیں۔ (سلِاہ)۔ ⁹ ۔تُو اُن کے ساتھ وہی سلُوک کر جو مِدیاؔن سے کیا تھا۔ یاسیسراسے ۔ یا وادی قیسون پر یابیؔن سے۔ ¹⁰ ۔جو عؔین دور کے پاس ہلاک ہُوئے۔ اَور زمین کے لئے کھاد بن گئے۔ ¹¹ ۔اُن کے اُمراء کو عوریؔب اَور زئیؔب کی مثِل کر۔ اُن کے تمام رئیسوں کو زبح اَور ضُلمنؔع کی مانند۔ ¹² ۔جِنہوں نے کہا تھا کہ "آؤ۔ ہم خُدا کے مَساکِن پر قبضہ کر لیں"۔ ¹³ ۔اَے میرے خُدا اُنہیں بگُولے میں پتّوں کی طرح کر۔ اَور ہوا کے سامنے بُھس کی مانند۔ ¹⁴ ۔جس طرح آگ جنگل کو جَلاتی ہَے۔ اَور جس طرح شُعلہ پہاڑوں کو جُھلس دیتا ہَے۔ ¹⁵ ۔اُسی طرح تُو اپنے طوُفان سے اُن کا تَعاقُب کر۔ اَور اپنی تُند ہَوا سے اُنہیں پریشان کر۔ ¹⁶ ۔اُن کے چہروں کو شرمِندگی سے بھر دے۔ تاکہ اَے خُداوند وہ تیرے نام کے طالِب ہو جائیں۔ ¹⁷ ۔وہ ہمیشہ کے لئے شرمِندہ اَور پریشان ہوں۔ وہ رُسوا ہوں اَور نیست و نابوُد ہوں۔ ¹⁸ ۔اَور جانیں کہ تُو۔ جس کا نام ہی خُداوند ہَے۔ تمام رُوئے زمین پر اکیلا بُلند و بالا ہَے۔