( میر مغّنی کے لیے۔ تار دار سازوں کے ساتھ۔ زبور گیت) ¹ ۔ خُدا ہم پر رحم کرے اَور ہمیں برکت بخشے۔ وہ اپنا چہرہ ہم پر جلوہ گر فرمائے۔(سِلاہ) ² ۔ تاکہ زمین پر اُس کی راہ کی۔ اَور تمام قوموں میں اُس کی نجات کی پہچان ہو۔ ³ ۔ اَے خُدا۔ قومیں تیری سِتائش کریں۔ سب قومیں تیری سِتائش کریں۔ ⁴ ۔ اُمّتیں شادہوں اَور خُوشی منائیں۔ کیونکہ تُو راستی سے قوموں پر حُکومت اَور زمین پر اُمّتوں کی ہدایت کرتا ہَے۔(سِلاہ) ⁵ ۔ اَے خُدا قومیں تیری ستائش کریں۔ سب قومیں تیری ستائش کریں۔ ⁶ ۔ زمین نے اپنی پیداوار دے دی ہَے۔ خُدا ہمارے خُدا نے ہمیں برکت بخشی ہَے۔ ⁷ ۔ خُدا ہمیں برکت عطا فرمائے۔ اَور کُل حُدُودِ جہان اُس کا خوف کھائیں۔ اَے خُدا قومیں تیری ستائش کریں۔ سب قومیں تیری ستائش کریں۔