زبُور
بے اِنصاف مُنصف کی تنبیہہ
1
( میر مغّنی کے لیے۔ " ہلاک نہ کر ۔" از داؤد۔ مِکتام)
۔ اَے حاکمِو۔ کیا تُم در حقیقت اِنصاف کرتے ہو۔
اَے بنی نَوع اِنسان۔ کیا تُم دُرست عدل کرتے ہو؟
2
۔ بلکہ تُم دِل ہی دِل میں شرارتیں کرتے ہو۔
زمین پر تُمہارے ہاتھ بے اِنصافی بانٹتے ہَیں۔
3
۔ماں کے بطن ہی سے شریر کج رفتار ہوتے آئے ہَیں۔
رحِم ہی سے جھُوٹ بولنے والے گُمراہ ہوتے آئے ہَیں۔
4
۔ اُن کا زہر سانپ کا زہر ہَے۔
اُس بہَرے اَفعی کے زہر کی طرح جو کان بند رکھتا ہَے۔
5
۔تاکہ سپیروں کی آواز۔
بلکہ ماہر افسُوں گر کا افسُوں بھی نہ سُنے۔
6
۔ اَے خُدا تُو اُن کے دانت اُن کے مُنہ میں تو ڑ ڈال۔
اَے خُداوند۔ شیر ببروں کی ڈاڑھیں رِیزہ رِیزہ کر۔
7
۔ وہ بہتے پانی کی طرح غائب ہو جائیں۔
جب وہ اپنے تیر چلائیں ۔تو یہ گویا کُند پیکان ہوں۔
8
۔وہ پگھلنے والے گھُونگے کی طرح گُھل جائیں۔
بلکہ عورت کے اِسقاط کی طرح جس نے سُورج نہیں دیکھا۔
9
۔اِس سے پہلے کہ تمہاری ہانڈیوں کو کانٹوں کی آنچ لگے۔
جب کہ وہ ہرے ہی ہوں تو اُنہیں بگولا اُڑالے جائے۔
10
۔ صادِق اِنتقام دیکھ کر خُوش ہوگا۔
وہ اپنے پاؤں شریر کے خُون میں دھوئے گا۔
11
۔ تب لوگ کہیں گے کہ بے شک صادِق کے لئے اَجر ہَے۔
یقیناََ خُدا ہے اَور وہ زمین پر اِنصاف کرتا ہَے۔