¹ ۔ ( زبور از داؤد ۔ تذکرتاَ)َ ² ۔ اَ ےخُداوندتُو اپنے غضب سے مُجھے نہ جھِڑک۔ اَور اپنے غُصّے سے مُجھے تنبیہہ نہ کر۔ ³ ۔ کیونکہ تیرے تیر مُجھ میں لگے ہَیں۔ اَور تیرا ہاتھ مُجھ پر بھاری ہَے۔ ⁴ ۔ تیرے غضب کے باعِث میرےجِسم میں ذرا بھی صحِت نہیں۔ اَور میرے گُناہ کے سبب سے میری ہَڈّیوں میں سے ایک بھی سالم نہیں۔ ⁵ ۔ میری خطائیں میرے سر سے گُزر گئی ہَیں۔ اَور بھاری بوجھ کی طرح مُجھ پر نہایت بھاری ہَیں۔ ⁶ ۔ میری نادانی کے باعِث میرے زخم بَدبُو دار اَور سڑے ہُوئے ہَیں۔ ⁷ ۔ مَیں کُبڑا اَور بہُت ہی جھک ہوگیا ہُوں۔ مَیں دِن بھر ماتم کرتا پھِرتا ہُوں۔ ⁸ ۔ کیونکہ میری کَمر میں سوزِش ہی سوزِش ہَے۔ اَور میرے جِسم میں ذرا بھی صِحت نہیں ⁹ ۔ مَیں بے حس اَور نہایت کُچلا ہُوا ہُوں۔ مَیں دِل کی بے قراری کے سبب سے کراہتا ہُوں۔ ¹⁰ ۔ اَے خُداوند میرا پُورا اِشتیاق تیرے سامنے ہَے۔ اَور میرا کراہنا تُجھ سے چھُپا نہیں۔ ¹¹ ۔ میر ا دِ ل دھڑکتا ہَے ۔میری طاقت مُجھ سے جاتی رہی ہَے۔ یہاں تک کہ میری آنکھوں کی روشنی بھی ختم ہوگئی ہَے۔ ¹² ۔ میرے مُحِبّ اَور رفیق میری بَلا میں الگ ہوگئے ہَیں۔ اَور میرے رِشتہ دار دُور جا کھڑے ہُوئے ہَیں۔ ¹³ ۔ میری جان کے خواہاں میرے لئے جال بِچھاتے ہَیں۔ میری بربادی کے طالِب ہلاکت کی باتیں بولتے۔ اَور ہر وقت فریب کے منُصوبے باندھتے ہَیں۔ ¹⁴ ۔ پر مَیں بہرے کی مانند سُنتا ہی نہیں۔ مَیں گونگے کی مانند مُنہ کھولتا ہی نہیں۔ ¹⁵ ۔ مَیں ایک ایسے آدمی کی طرح بنا ہُوں جو سُنتا نہیں۔ اَور جس کے مُنہ میں جَواب ہی نہیں۔ ¹⁶ ۔ کیونکہ اَے خُداوند مُجھے تُجھ ہی سے اُمّید ہَے۔ تُو جَواب دے گا۔ اَے خُداوند میرے خُدا۔ ¹⁷ ۔ کیونکہ مَیں کہتا ہُوں کہ کہیں وہ مُجھ پر خُوش نہ ہوں۔ اَور جب میرا پاؤں پھِسلے تو میرے خلاف تکبُّر نہ کریں۔ ¹⁸ ۔ کیونکہ مَیں پھسلنے کے قریب ہُوں۔ اَور میرا غم ہر وقت میرے سامنے ہَے۔ ¹⁹ ۔ کیونکہ مَیں اپنی خطا کا اعتراف کرتا ہُوں۔ اَور اپنے گُناہ کے باعِث غمگین ہُوں۔ ²⁰ ۔ پر جو بے وجہ میرے مُخالف بنے ہوئے ہَیں وہ زور آور ہَیں۔ اَور جو بے سبب مُجھ سے کینہ رکھتے۔ وہ بہت زیادہ ہَیں۔ ²¹ ۔ اَور جو نیکی کے بدلے بَدی کرتے ہَیں۔ وہ مُجھے اس لئے ستاتے ہَیں کہ مَیں نیکی کا پیرو ہُوں۔ ²² ۔ اَے خُداوند۔ مُجھے نہ چھوڑ۔ اَے میرے خُدا۔ مُجھ سے دُور نہ رہ 23۔ اَے خُداوند۔ اَے میری نجات۔ میری مدد کے لئے جلدی کر۔