1
۔( زبور از داؤد)
اَے خُداوند تیرے خَیمے میں کون رہے گا۔
تیرے کوہِ مُقدّس پر کون سکونت کرے گا۔
2
۔ وہی جو راستی سے چلتا اَور جس کا کام صداقت کا ہَے
جو اپنے دِل میں سچ سوچتا ہَے۔
3
۔ اَور اپنی زُبان سے بہُتان نہیں باندھتا ۔
وہ جو اپنے ہمسائے سے بَدی نہیں کرتا ۔
اَور اپنے پڑوسی پر الزام نہیں لگاتا ۔
4
۔ وہ جس کے نزدِیک بَد کار حِقیر ہَے۔
پر جو خُداوند کے خائفوں کی عِزّت کرتا ہَے۔
وہ جو قسم کھا کر بدلتا نہیں خواہ نُقصان ہی اُٹھائے
5
۔ جو اپنی نقدی سُود پر نہیں دیتا۔
اَور معصُوم کے خلاف رِشوت نہیں لیتا۔
وہ جو یہ کام کرتا ہَے۔
کبھی جُنبِش نہ کھائے گا۔