زبُور
گیت اَور تلوار سے خُدا کی حمد
1
[ ہلّلُویاہ]
خُداوند کے لئے ایک نیا گیت گاؤ۔
مُقدّسوں کی جماعت میں اُس کی حمد گُونج اُٹھے۔
2
۔اِسرؔائیل اپنے خالِق سے شادمان ہو۔
فرزندان ِصیون اپنے بادشاہ کے سبب سے شادمان ہوں۔
3
۔یہ رقص کے ساتھ اُس کی حمد کریں۔
خنجریوں اَور بربط کے ساتھ اُس کی مَدح سرائی کریں۔
4
۔کیونکہ خُداوند اپنی اُمّت کو عزیز جانتا ہَے۔
اَور غریبوں کو فتح مندی سے آراستہ کرتا ہَے۔
5
۔مُقدّسیِن جلال سے خُوش ہوں۔
وہ اپنے بستروں پر خُوشی سے للکاریں۔
6
۔خُدا کی سِتائش اُن کے گلے میں ہو۔
دو دھاری تلواریں ان کے ہاتھ میں ہوں۔
7
۔تاکہ قوموں سے اِنتقام لیں۔
اَور اُمّتوں کو تنبیہہ کریں۔
8
۔تاکہ اُن کے بادشاہوں کو بیڑیوں سے
اَور اُن کے شُرفاء کو لوہے کی ہتھکڑیوں سے باندھیں۔
9
۔تاکہ اُن پر فتویٰ مکتُوب جاری کریں۔
اُس کے تمام مُقدّسیِن کا یہ فخر ہَے۔
ہلّلُویاہ