[ہلّلُویاہ] ¹ ۔ آسمان پر سے خُداوند کی حمد کرو۔ عالم ِبالا پر اُس کی حمد کرو۔ ² ۔اَے اُس کے تمام فرِشتو! اُس کی حمد کرو۔ اَے اُس کے تمام لشکرو! اُس کی حمد کرو۔ ³ ۔اَے سُورج اَور چاند! اُس کی حمد کرو۔ اَے تمام روشن سِتارو! اُس کی حمد کرو۔ ⁴ ۔اَے فَلک اُلاَفلاک! اُس کی حمد کرو۔ اَور تُو بھی اَے پانی جو فضا کے اُوپر ہَے۔ ⁵ ۔یہ خُداوند کے نام کی حمد کریں۔ کیونکہ اُس نے حُکم دِیا اَور وہ پیدا ہو گئے۔ ⁶ ۔اُس نے اُنہیں اَبدُالآباد کے لئے قیام بخشا۔ اُس نے ایسا قانُون ٹھہرایا جو ٹلے گا نہیں۔ ⁷ ۔زمین پر سے خُداوند کی حمد کرو۔ اَژدھاؤ اَور سمُندر کے سب گہراؤ۔ ⁸ ۔آگ اَور اَولو۔ برف اَور کُہر۔ طوُفانی ہَوا جو اُس کے کلام کی تعمیل کرتی ہَے ۔ ⁹ ۔پہاڑو اَور سب پہاڑیو۔ میوہ دار درختو اَور سب دیودارو۔ ¹⁰ ۔درِندو اَور سب چِرندو۔ کیڑے مکوڑو اَور پرَدار پرندو۔ ¹¹ ۔زمین کے بادشاہو نیز تمام اقوام ۔ اُمراء اَور زمین کے کُل حُکام۔ ¹² ۔جو انان بلکہ دوشیزگان بھی۔ اَے ضعیفو اَور اَے بّچگان۔ ¹³ ۔یہ خُداوند کے نام کی حمد کریں۔ کیونکہ اُسی اکیلے کا نام ممتاز ہَے۔ اُس کی حشمت زمین اَور آسمان سے بُلند ہَے۔ ¹⁴ ۔اُس نے اپنی اُمّت کے سِینگ کو بُلند کِیا ہَے۔ اُس کے تمام مُقدّسوں کی طرف سے۔ یعنی اُس کی مُقّرب قوم اِسرؔائیل کی طرف سے یہ اُس کی حمد ہو۔