[ ہلّلُویاہ] ¹ ۔ اَے میری جان خُداوند کی حمد کر۔ ² ۔مَیں اپنی زِندگی بھر خُداوند کی حمد کرُوں گا۔ جب تک ہُوں اپنے خُدا کی مَدح سرائی کرُوں گا۔ ³ ۔اُمراء پر بھروسا نہ کرو۔ یعنی اِنسان پر جس سے نجات نہیں مِل سکتی۔ ⁴ ۔جب اُس کی رُوح نِکل جاتی ہَے تو وہ اپنی مٹّی میں لَوٹ جاتا ہَے۔ اَور اُسی دَم اُس کی سب تدبیریں فنا ہو جاتی ہَیں۔ ⁵ ۔مُبارَک ہَے وہ جس کا مددگار یَعقُوبؔ کا خُدا ہَے۔ اَور جس کی اُمّید خُداوند اپنے خُدا پر ہَے۔ ⁶ ۔جس نے آسمان اَور زمین اَور سمنُدر کو۔ اَور اُن کے اندر کی سب چیزوں کو بنایا ہَے۔ جو اَبداً وفادار ہَے۔ ⁷ ۔اَور مظلُوموں کا حَق محفُوظ رکھتا ہَے۔ اَور بھُوکوں کو روٹی کھِلاتا ہَے۔ خُداوند قیدیوں کو رِہا کرتا ہَے۔ ⁸ ۔خُداوند اَندھوں کی آنکھیں کھولتا ہَے۔ خُداوند کُبڑوں کو سیدھا کر دیتا ہَے۔ خُداوند صادِقوں سے مُحبّت رکھتا ہَے۔ ⁹ ۔خُداوند پردیسیوں کی حفاِظت کرتا ہَے۔ وہ یتیم اَور بیوہ کو سنبھال لیتا ہَے۔ پر خطا کاروں کی راہ کو اُلٹ دیتا ہَے۔ ¹⁰ ۔اَے صیون۔ خُداوند یعنی تیرا خُدا۔ اَبدُالآباد تک پُشت در پُشت سَلطنَت کرے گا۔