[ ہلّلُویاہ] ¹ ۔خُداوند کا شُکر کرو کیونکہ وہ نیک ہَے۔ کہ اُس کی رحمت اَبد تک قائم ہَے۔ ² ۔مَعبُودوں کے مَعبُود کا شکُر کرو۔ کہ اُس کی رحمت اَبد تک قائم ہَے۔ ³ ۔مالِکوں کے مالِک کا شُکر کرو۔ کہ اُس کی رحمت اَبد تک قائم ہَے۔ ⁴ ۔اُس اکیلے نے بڑے بڑے عجائبات کِئے ہَیں۔ کہ اُس کی رحمت اَبد تک قائم ہَے۔ ⁵ ۔اُس نے حِکمَت سے آسمان کو بنایا۔ کہ اُس کی رحمت اَبد تک قائم ہَے۔ ⁶ ۔اُس نے زمین کو پانی پر پھیلایا۔ کہ اُس کی رحمت اَبد تک قائم ہَے۔ ⁷ ۔اَس نے بڑے بڑے نیّر بنائے۔ کہ اُس کی رحمت اَبد تک قائم ہَے۔ ⁸ ۔یعنی آفتاب جو دِن پر حکُومت کرے۔ کہ اُس کی رحمت اَبد تک قائم ہَے۔ ⁹ ۔مہتاب اَور کَواکِب جو رات پر حُکومت کریں۔ کہ اُس کی رحمت اَبد تک قائم ہَے۔ ¹⁰ ۔اُس نے مِصؔر کے پہلوٹھوں کو مارا۔ کہ اُس کی رحمت اَبد تک قائم ہَے۔ ¹¹ ۔اَور اُن کے درمیان سے اِسرؔائیل کو نِکال لایا۔ کہ اُس کی رحمت اَبد تک قائم ہَے۔ ¹² ۔دستِ قادِر اَور بُلند بازُو سے کہ اُس کی رحمت اَبد تک قائم ہَے۔ ¹³ ۔اُس نے بُحرِقُلزؔم کو دو حِصّے کر دِیا۔ کہ اُس کی رحمت اَبد تک قائم ہَے۔ ¹⁴ ۔اَور اِسرؔائیل کو اُس کے بیچ میں سے پار لے گیا۔ کہ اُس کی رحمت اَبد تک قائم ہَے۔ ¹⁵ ۔اَور فِرعُونؔ کو مع اُس کے لشکر بُحرِقُلزؔم میں غرق کر دِیا۔ کہ اُس کی رحمت اَبد تک قائم ہَے۔ ¹⁶ ۔اُس نے اپنی اُمّت کی بِیابان میں رہبری کی۔ کہ اُس کی رحمت اَبد تک قائم ہَے۔ ¹⁷ ۔اُس نے بڑے بڑے سلاطِین کو مارا۔ کہ اُس کی رحمت اَبد تک قائم ہَے۔ ¹⁸ ۔اَور طاقتور شاہوں کو قتل کِیا۔ کہ اُس کی رحمت اَبد تک قائم ہَے۔ ¹⁹ ۔ اموریوں کے بادشاہ سیِحوؔن کو۔ کہ اُس کی رحمت اَبد تک قائم ہَے۔ ²⁰ ۔ اَور بسن کے باد شاہِ عوؔج کو۔ کہ اُس کی رحمت اَبد تک قائم ہَے۔ ²¹ ۔اَور اُس نے اُن کی زمین مِیرَاث کر دی۔ کہ اُس کی رحمت اَبد تک قائم ہَے۔ ²² ۔یعنی اپنے بندے اِسرؔائیل کی مِیرَاث۔ کہ اُس کی رحمت اَبد تک قائم ہَے۔ ²³ ۔اُس نے ہماری پست حالی میں ہمیں یاد کِیا۔ کہ اُس کی رحمت اَبد تک قائم ہَے۔ ²⁴ ۔اَور ہمیں ہمارے مخالفوں سے خلاصی بخشی۔ کہ اُس کی رحمت اَبد تک قائم ہَے۔ ²⁵ ۔وہ ہر بشر کو روزی دیتا ہَے۔ کہ اُس کی رحمت اَبد تک قائم ہَے۔ ²⁶ ۔آسمان کے خُدا کا شُکر کرو۔ کہ اُس کی رحمت اَبد تک قائم ہَے۔