] نشیدِ دَرج[ ¹ ۔اَے خُداوند داؔؤدکی خاطر۔ اُس کی تمام فِکر مندی کو یاد کر۔ ² ۔کہ کِس طرح اُس نے خُداوند سے قَسم کھائی۔ اَور یَعقُوبؔ کے قادِر کے آگے مَنّت مانی۔ ³ ۔"مَیں اپنے دارِ سکوُنت میں ہر گز داخِل نہ ہُوں گا۔ اَور نہ اپنے سونے کے پلنگ ہی پر جاؤُں گا۔ ⁴ ۔مَیں اپنی آنکھوں میں نِیند۔ اَور اپنی پلکوں میں اُونگھ آنے نہ دُوں گا۔ ⁵ ۔ جب تک کہ مَیں خُداوند کے لئے مقام۔ اَور یعقوُبؔ کے قادرِ کے لئے مسکن نہ پالوں"۔ ⁶ ۔دیکھو ہم نے اُس کی خبر اِفراؔتامیں سُنی۔ ہمیں یہ جنگل کے میدان میں ملی۔ ⁷ ۔آؤ ہم اُس کے مَسکِن میں داخِل ہوں۔ اُس کے پاؤں کی چوکی کے آگے سجدَہ کریں۔ ⁸ ۔اَے خُداوند اپنی آرام گاہ میں جانے کو اُٹھ۔ تُو اَور تیری عظمت کا صندُوق۔ ⁹ ۔تیرے کاہِن راستی سے مُلبّس ہوں۔ تیرے مُقدّس خُوشی کے نعرے ماریں۔ ¹⁰ ۔اپنے بندے داؔؤد کی خاطِر۔ اپنے ممسُوح کا چہر ہ نامنظوُر نہ کر۔ ¹¹ ۔خُداوند نے داؔؤد سے قَسم کھا کر۔ ایک مُستحکم وعدہ کِیا ہَے جس سے وہ پھِرے گا نہیں۔ کہ مَیں تیری صُلب کی اولاد میں سے ۔ تیرے تخت پر بٹھاؤں گا۔ ¹² ۔اگر تیرے فرزند میرے عہد وپیمان پر۔ اَور اُن شہادتوں پر عمل کریں جو مَیں اُنہیں سِکھاؤُں گا۔ تو اُن کے فرزند بھی ہمیشہ ۔ تیرے تخت پر بیٹھیں گے۔ ¹³ ۔کیونکہ خُداوند نے صیون کو چُنا ہَے۔ اُس نے اُسے اپنی مَسند کےلئے پسند کِیا ہَے۔ "یہی ہمیشہ کے لئے میری آرام گا ہ ہَے۔ ¹⁴ ۔مَیں یہیں رہُوں گاکیونکہ مَیں نے اِسے چاہا ہَے۔ ¹⁵ ۔مَیں اُس کے رِزق میں خُوب برکت دُوں گا۔ اُس کے مِسکینوں کو روٹی سے آسُودہ کرُوں گا۔ ¹⁶ ۔اُس کے کاہِنوں کومَیں نجات سے مُلبّس کرُوں گا۔ اَور اُس کے مُقدّس خُوشی کے نعرے ماریں گے۔ ¹⁷ ۔وہیں مَیں داؔؤد کے لئے ایک سیِنگ پیدا کُروں گا۔ اپنے ممسُوح کے لئے ایک چراغ تیار کُروں گا۔ ¹⁸ ۔اُس کے دُشمنوں کو مَیں حیرانگی سےمُلبّس کرُوں گا۔ مگر اُس پر میرا تاج چمکے گا۔ "