زبُور
دُشمنوں کی شِکسَت کے لئے دُعا
] نشیدِ دَرج[
1
۔میری جوانی ہی سے اُنہوں نے مُجھے بُہت ستایاہَے۔
(اِسرؔائیل یُوں کہے)۔
2
۔میری جوانی ہی سے اُنہوں نے مُجھے بُہت ستایا ہَے۔
لیکن وہ مُجھ پر غالِب نہیں آئے۔
3
۔ہَلواہوں نے میری پیٹھ پر ہَل چلائے۔
اُنہوں نے اپنی لمبی لمبی کیاریاں بنائیں۔
4
۔لیکن صادِق خُداوند نے۔
شریروں کے رَسّوں کو کاٹ ڈالا ہَے۔
5
۔صیون کے جِتنے کِینہ وَر ہَیں۔
وہ سب رُسوا ہو کر پَسپا ہوں۔
6
۔وہ چھتوں کی اُس گھاس کی مانند ہو جائیں۔
جو اُکھاڑے جانے سے پیشتر ہی سوُکھ جاتی ہَے۔
7
۔جس سے نہ کوئی کاٹنے والا اپنی مُٹّھی۔
اَور نہ کوئی پُولے باندھنے والا اپنا ہاتھ بھرتا ہَے۔
8
۔اَور کوئی راہ گُزر نہیں کہتا۔
کہ"خُداوند کی برکت تُم پر ہو۔
ہم خُداوند کے نام سے تُجھے مُبارَک کہتے ہَیں"