زبُور
خُداوند اُمّت کا رِہائی دہندہ
[نشیِد دَرج۔ از داؔؤد]
1
۔اگر خُداوند ہمارے ساتھ نہ ہوتا۔
(اِسرؔائیل یُوں کہے)
2
۔اگر خُداوند ہمارے ساتھ نہ ہوتا۔
جس وقت آدمی ہمارے خلاف اُٹھے۔
3
۔تو وہ ہمیں زِندہ ہی نِگل جاتے۔
جس وقت اُن کا غضب ہم پر بھڑکا۔
4
۔تو پانی ہمیں ڈبو لیتا۔
سیلاب ہم پر سے گُزر جاتا۔
5
۔طُغیانی ہم پر سے گُزر جاتی۔
6
۔خُداوند مُبارَک ہو جس نے ہمیں
اُن کے دانتوں کا شِکار نہیں ہونے دِیا۔
7
۔ہماری جان چڑیا کی طرح۔
شکاریوں کے پھندے سے چھُوٹی۔
پھندا ٹوٹا اَور ہم بچ نِکلے۔
8
۔ہماری مدد خُداوند کے نام سے ہَے۔
جس نے آسمان اَور زمین کو بنایا۔