زبُور
یرُوشلیِؔم کے لئے زائرین کی دُعا
[نشیِد دَرج۔ از داؔؤد]
1
۔مُجھے خُوشی ہوئی۔ اِس لئے کہ اُنہوں نے مُجھ سے کہا۔
کہ"آؤ ہم خُداوند کے گھر چلیں"
2
۔اَے یرُوشلیِؔم ہمارے پاؤں۔
اِس وقت تیرے پھاٹکوں میں ہَیں۔
3
۔اَے یرُو شلیِؔم تُو جو شہر کی مانند۔
پُختہ اِتحاد سے تعمیر ہُؤا ہَے۔
4
۔وہاں قبائل یعنی خُداوند کے قبائل ۔
اِسرؔائیل کی شہادت کے مُطابِق جاتے ہَیں۔
تاکہ خُداوند کے نام کا شکُر کریں۔
5
۔وہاں عدالت کے تخت قائم کِئے گئے ہَیں۔
یعنی داؔؤد کے گھرانے کے تخت۔
6
۔یرُوشلیِؔم کی سلامتی چاہو۔
جو تُجھ سے مُحبّت رکھتے ہَیں وہ خُوشحال ہوں۔
7
۔تیری فِصیلوں کے اندر صُلح۔
اَور تیرے محلّوں میں خوُشحالی ہو۔
8
۔مَیں اپنے بھائیوں اَور رفیقوں کی خاطِر۔
کہُوں گا کہ"تُجھ میں سلامتی ہو"
9
۔مَیں خُداوند ہمارے خُدا کے گھر کی خاطِر۔
تیرے لئے بھلائی طلب کُروں گا۔