¹ ۔مُبارَک ہَیں وہ جن کی راہیں بے الزام ہَیں۔ اَور خُداوند کی شریعت پر چلتے ہَیں۔ ² ۔مُبارَک ہَیں وہ جو اُس کی شہادتوں کو مانتے ہَیں۔ اَور اپنے سارے دِل سے اُس کی تلاش کرتے ہَیں۔ ³ ۔یعنی وہ جو بَدی نہیں کرتے۔ بلکہ اُس کی راہوں میں چلتے ہَیں۔ ⁴ ۔تُو نے اپنے قواعد اِس لئے دیئے ہَیں۔ کہ جی جان سے مانے جائیں۔ ⁵ ۔کاش میری راہیں ایسی مُستِقل ہوں۔ کہ مَیں تیرے قَوانین کو مانُوں۔ ⁶ ۔جب مَیں تیرے سب اَحکام پر نِگاہ کرُوں گا۔ تو مَیں پریشان نہیں ہُوں گا۔ ⁷ ۔مَیں دِل کی راستی سے تیرا شُکر کرُوں گا۔ جب تیری صداقت کے احکام کو سیِکھ لُوں گا۔ ⁸ ۔مَیں تیرے قَوانیِن کو حفِظ کرُوں گا۔ تاکہ تُو مُجھے ہر گز ترک نہ کرے ⁹ ۔نَوجوان اپنی رَوِش کو کِس طرح پاک رکھّے گا؟ تیرے کلام کی تعمیل سے۔ ¹⁰ ۔مَیں اپنے سارے دِل سے تیری تلاش کرتا ہُوں۔ مُجھے اپنے اَحکام سے گُمراہ نہ ہونے دے۔ ¹¹ ۔مَیں تیرا قول اپنے دِل میں رکھتا ہُوں۔ تاکہ تیرے خلاف کوئی خطا نہ کُروں۔ ¹² ۔اَے خُداوند تُو مُبارَک ہَے۔ اپنے قَوانِین مُجھے سِکھا۔ ¹³ ۔مَیں اپنے لبوں سے ۔ تیرے مُنہ کے تمام احکام بیان کرتا ہُوں۔ ¹⁴ ۔مَیں تیری شہادتوں کی راہ سے اِس قدر خُوش ہُوں۔ جس قدر کہ ہر طرح کی دولت سے۔ ¹⁵ ۔مَیں تیرے قواعد پر غور کرتا رہُوں گا۔ اَور تیری راہوں پر نِگاہ کرتا جاؤں گا۔ ¹⁶ ۔مَیں تیرے قَوانیِن کے سبب سے مسُرور ہُوں گا۔ مَیں تیرے کلام کو فراموش نہ کرُوں گا۔ ¹⁷ ۔ اپنے بندے پر اِحسان کرتاکہ مَیں زِندہ رہُوں۔ اَور تیرے کلام پر عمل کرُوں۔ ¹⁸ ۔میری آنکھیں کھول۔ تاکہ مَیں تیری شریعت کے عجائبات پر غور کرُوں۔ ¹⁹ ۔مَیں زمین پر ایک مُسافِر ہُوں۔ اپنے اَحکام مُجھ سے نہ چُھپا۔ ²⁰ ۔تیرے احکام کے لگاتار اِشتیاق میں۔ میرا دِل تڑپتا رہتا ہے۔ ²¹ ۔تُو نے مغروُروں کوڈانٹا ہَے۔ ملُعون ہَیں وہ جو تیرے اَحکام سے بھٹکتے پھرتے ہَیں۔ ²² ۔ملامت اَور ذِلّت مُجھ سے دور کر۔ کیونکہ مَیں تیری شہادتوں کو مانتا ہُوں۔ ²³ ۔دولت مند مجلس بھی کریں اَور میرے خلاف کہیں۔ پر تیرا بندہ تیرے قَوانِین پر غور کرتا ہَے۔ ²⁴ ۔کیونکہ تیری شہادتیں میری خُوشی کا باعِث۔ اَور تیرے قَوانِین میرے صلاح کار ہیں۔ ²⁵ ۔ میری جان خاک میں مِل گئی ہَے۔ پس تُو اپنے کلام کے مُطابِق مُجھے حیات عطا کر۔ ²⁶ ۔مَیں نےاپنی رَوِش کا اِظہار کِیا اَور تُو نے میری سُن لی۔ اپنے قَوانِین مُجھے سِکھا۔ ²⁷ ۔مُجھے اپنے قواعد کے راہ کی تربیت کر۔ اَور مَیں تیرے عجائبات پر غور کرُوں گا۔ ²⁸ ۔غم کے مارے میری جان آنُسو بہاتی ہَے۔ اپنے کلام کے مُطاِبق مُجھے قائم کر۔ ²⁹ ۔جھوُٹ کی راہ سے مُجھے دُور رکھّ۔ اَور اپنی شریعت مُجھے عنایت فرما۔ ³⁰ ۔ مَیں نے حَق کی راہ کو پسند کِیا ہَے۔ مَیں نے تیرے احکام اپنے سامنے رکھّے ہَیں۔ ³¹ ۔مَیں تیری شہادتوں سے لپٹا رہتا ہُوں۔ پس اَے خُداوند مُجھے شرمِندہ نہ ہونے دے۔ ³² ۔مَیں تیرے اَحکام کی راہ میں دوڑُوں گا۔ جب تُو میرے دِل کو کُشادہ کرے گا۔ ³³ ۔اَے خُداوند مُجھے اپنے قَوانِین کی راہ بتا۔ اَور مَیں ہُو بہُو اُس پر چلوں گا۔ ³⁴ ۔مُجھے فہم عطا کر کہ مَیں تیری شریعت پر عمل کرُوں۔ اَور اپنے سارے دِل سے اُسے حفِظ کرُوں۔ ³⁵ ۔مُجھے اپنے اَحکام کی راہ میں چلا۔ کیونکہ اُسی میں میری خُوشنوُدی ہَے۔ ³⁶ ۔میرا دِل اپنی شہادتوں کی طرف مائِل کر۔ نہ کہ لالچ کی طرف۔ ³⁷ ۔میری آنکھیں جھوٹ پر نظر کرنے سے باز رکھّ۔ اپنی راہ کے ذریعے سے مُجھے حیات عطا کر۔ ³⁸ ۔اپنے بندے کے لئے اپنا وہ قول پُورا کر۔ جو تُجھ سے ڈرنے والوں کے لئے دِیا گیا۔ ³⁹ ۔جس ملامت سے مُجھے ڈر ہَے اُسے مُجھ سے دفع کر۔ کیونکہ تیرے احکام مُسرّت کا باعِث ہَیں۔ ⁴⁰ ۔دیکھ مَیں تیرے قواعد کا مُشتاق ہُوں۔ اپنی راستی کے مُطابِق مُجھے حیات عطا کر۔ ⁴¹ ۔اَے خُداوند تیری رحمتیں اَور تیری نجات۔ تیرے قول کے مُطابِق مُجھے نصیب ہوں۔ ⁴² ۔تب مَیں اپنے ملامت کرنے والوں کو جَواب دے سکُوں گا۔ کیونکہ مَیں تیرے کلام پرتوکُّل کرتا ہُوں۔ ⁴³ ۔حَق کی بات میرے مُنہ سے جُدا نہ کر۔ کیونکہ تیرے احکام پر میرا اِعتماد ہَے۔ ⁴⁴ ۔اَور میں ہمیشہ ہر وقت بلا ناغہ تیری شریعت کو حفظ کرتا رہوں گا۔ ⁴⁵ ۔ اور میں کشادہ راہ میں چلتا رہوں گا کیونکہ میں تیرے قواعد کا طالب رہا ہوں۔ ⁴⁶ ۔اَور مَیں بادشاہوں کے حضُور تیری شہادتیں بیان کرُوں گا۔ اَور شِرمندہ نہ ہُوں گا۔ ⁴⁷ ۔اَور مَیں تیرے اَحکام سے جو کہ مُجھے عزیز ہَیں۔ مُسّرت حاصِل کرُوں گا۔ ⁴⁸ ۔اَور مَیں اپنےہاتھ تیرے اَحکام کی طرف اُٹھاؤں گا۔ اَور تیرے قَوانِین پر غور کرُوں گا۔ ⁴⁹ ۔ جو کلام تُو نے اپنے بندے سے کِیا ہَے۔ اَور جس سے تُو نے مُجھے اُمّید دِلائی ہَے۔ اُسے یاد کر۔ ⁵⁰ ۔میری مُصِیبت میں یہ میرے لئے تسلی کا باعِث ہَے۔ کہ تیرا قول مُجھے حیات عِنایت کرتا ہَے۔ ⁵¹ ۔مغرُور میرا بشِدّت ٹھٹّھا اُڑاتے ہَیں۔ لیکن مَیں تیری شریعت سے نہیں مُڑتا۔ ⁵² ۔اَے خُداوند مَیں تیرے قدیم احکام کو یاد کرتا ہُوں۔ اَور مُجھے تسلّی ہوتی ہَے۔ ⁵³ ۔مَیں اُن شریروں کے باعِث سخت طیش میں آیا ہُوں۔ جو تیری شریعت کو ترک کرتے ہَیں۔ ⁵⁴ ۔میری مُسافِرت کی سرائے میں۔ تیرے قَوانِین میرا گیت رہے ہَیں۔ ⁵⁵ ۔مَیں رات کو تیرا نام یاد کرتا ہُوں۔ اَور مَیں تیری شریعت پر عمل کرُوں گا۔ ⁵⁶ ۔یہ مُجھے اِس لئے حاصِل ہُؤا ہَے۔ کہ مَیں نے تیرے قواعد کو مانا ہَے۔ ⁵⁷ ۔اَے خُداوند مَیں نے کہا ہَے۔ کہ تیرے کلام کی تعمیل میر ا بخرہ ہَے۔ ⁵⁸ ۔مَیں سارے دِل سے تیرے کرم کا مُشتاق ہُوں۔ اپنے قول کے مُطابِق مُجھ پر رحم کر۔ ⁵⁹ ۔مَیں نے اپنی رَوِش پر غور کِیا۔ اَور تیری شہادتوں کی طرف اپنے قدم پھیرے۔ ⁶⁰ ۔مَیں نے تیرے اَحکام کی تعمیل میں۔ جلدی کی اَور دیر نہ لگائی۔ ⁶¹ ۔شریروں کے رَسّوں نے مُجھے گھیر لِیا ہَے۔ پر مَیں نے تیری شریعت کو فراموش نہیں کِیا۔ ⁶² ۔مَیں تیرے عادِلانہ احکام کے لئے۔ آدھی رات کو تیرا شُکر کرنے کے لئے اُٹھتا ہُوں۔ ⁶³ ۔مَیں اُن سب کا دوست ہُوں۔ جو تُجھ سے ڈرتے اَور تیرے قواعد کو مانتے ہَیں۔ ⁶⁴ ۔اَے خُداوند زمین تیری شفقت سے معمُور ہَے۔ مُجھے اپنے قَوانِین کی تعلیم دے۔ ⁶⁵ ۔اَے خُداوند تُو نےا پنے کلام کے مُطابِق اپنے بندے کے ساتھ بھلائی کی ہَے ⁶⁶ ۔مُجھے اِمتیاز اَور دانِش سِکھا۔ کیونکہ تیرے اَحکام پر میرا اِعتبار ہَے۔ ⁶⁷ ۔مَیں مُصِیبت میں پڑنے سے پیشتر گُمراہ تھا۔ پر اَب تیرے قول کا حفیظ ہُوں۔ ⁶⁸ ۔تُو نیک اَور کریم ہَے۔ مُجھے اپنے قَوانیِن کی تعلیم دے۔ ⁶⁹ ۔مغروُر مُجھ پر بُہتان باندھتے ہَیں ۔ پر مَیں اپنے سارے دِل سے تیرے قواعد کو مانتا ہُوں۔ ⁷⁰ ۔اُن کا دِل چربی کی مانند موٹا (سخت) ہو گیا ہَے۔ مگر مَیں تیری شریعت سے مُسّرت پاتا ہُوں۔ ⁷¹ ۔میرے لئے یہ اچھّا ہَے کہ میں دُکھی ہُوں۔ تاکہ تیرے قَوانیِن کو سِیکھ لُوں۔ ⁷² ۔میرے لئے تیرے مُنہ کی شریعت ۔ سونے اَور چاندی کے ہزار ہا سِکْوں سے بھی افضل ہَے۔ ⁷³ ۔مَیں تیرے ہاتھوں کا کام اَور ساخت ہُوں۔ مُجھے فہم عطا کر تاکہ مَیں تیرے اَحکام سِیکھُوں۔ ⁷⁴ ۔تُجھ سے ڈرنے والے مُجھے دیکھ کر خُوش ہوں گے۔ اِس لئے کہ مَیں نے تیرے کلام کی اُمّید کی ہَے۔ ⁷⁵ ۔اَے خُداوند مَیں جانتا ہُوں کہ تیرے احکام راست ہَیں۔ اَور کہ تُو نے اپنی سچْائی کے مُطابِق مُجھے دُکھ دِیا ہَے۔ ⁷⁶ ۔اُس قول کے مُطابِق جو تُو نے اپنےبندے سے کِیا ہَے۔ تیری شفقت میرے لئے تسلّی کا باعِث ہو۔ ⁷⁷ ۔تیری رحمتیں مُجھ پر نازِل ہوں تاکہ مَیں جِئیوں۔ کیونکہ تیری شریعت میری مُسّرت کا باعِث ہَے۔ ⁷⁸ ۔مغرُور پریشان ہُوں۔ اِس لئے کہ ناحَق مُجھے دُکھ دیتے ہَیں۔ مَیں تیرے قواعد پر غور و خوض کرتا رہوُں گا۔ ⁷⁹ ۔جو تُجھ سے ڈرتے اَور تیری شہادتوں کا لحاظ کرتے ہَیں۔ وہ میری طرف رجُوع ہوں۔ ⁸⁰ ۔تیرے قَوانیِن میں میرا دِل کامِل رہے۔ ایسا نہ ہو کہ مَیں شرمِندہ ہو جاؤں۔ ⁸¹ ۔میری جان تیری نجات کے اِشتیاق سے غش کھاتی ہَے۔ مَیں تیرے کلام پر اُمّید رکھتا ہُوں۔ ⁸² ۔میری آنکھیں تیرے قول کے اِشتیاق سے دُھند لا جاتی ہَیں۔ تُو کب مُجھے تشفی بخشے گا؟ ⁸³ ۔اگرچہ مَیں دُھوئیں میں رکھّی ہوئی مَشک کی مانند ہو گیا ہُوں۔ تو بھی مَیں نے تیرے قَوانیِن کو فراموش نہیں کِیا۔ ⁸⁴ ۔تیرے بندے کے ایّام ہَیں ہی کِتنے؟ تُومیرے ستانے والوں پر کب فتویٰ دے گا؟ ⁸⁵ ۔جو مغروُر تیری شریعت کے مُطابِق نہیں چلتے۔ اُنہوں نے میرے لئے گڑھے کھودے ہَیں۔ ⁸⁶ ۔تیرے سب اَحکام سچّائی کے ہَیں۔ وہ ناحَق مُجھے ستاتے ہَیں۔ پس تُومیری مدد کر۔ ⁸⁷ ۔قریب تھا کہ وہ زمین پر سے مُجھے فنا کر دیں۔ لیکن مَیں نے تیرے قواعد کو ترک نہیں کِیا۔ ⁸⁸ ۔اپنی شفقت کے مُطابِق مُجھے زِندگی بخش۔ اَور مَیں تیرے مُنہ کی شہادتوں کو حفِظ کرُوں گا۔ ⁸⁹ ۔ اَے خُداوند تیرا کلام اَبد تک قائم ہَے۔ وہ آسمان کی طرح پائیدار ہَے۔ ⁹⁰ ۔ تیرا قول پُشت در پُشت قائم ہَے۔ تُو نے زمین کو نَصب کِیا ہَے اَور وہ مُستحکم ہَے۔ ⁹¹ ۔وہ تیرے احکام کے مُطابِق ہر وقت مُستِقل ہَیں۔ کیونکہ سب چیزیں تیری خدمت گُزار ہَیں۔ ⁹² ۔اگر تیری شریعت میری مُسّرت کا باعِث نہ ہوتی۔ تو مَیں اپنے دُکھ میں ہلاک ہو جاتا۔ ⁹³ ۔مَیں اَبد تک تیرے قواعد کو کبھی نہ بُھولُوں گا۔ کیونکہ اِنہی کے ذریعے سے تُو نے مُجھے زِندگی بخشی ہَے۔ ⁹⁴ ۔مَیں تیرا ہی ہُوں۔ مُجھے بچا لے ۔ کیونکہ مَیں نے تیرے قواعد کی تلاش کی ہَے۔ ⁹⁵ ۔گُنہگار مُجھے تاکتے ہَیں تاکہ مُجھے ہلاک کریں۔ مَیں تیری شہادتوں کا لحاظ کرتا ہُوں۔ ⁹⁶ ۔مَیں نے دیکھا ہَے کہ ہرایک کمال کا اَنجام ہوتا ہَے۔ لیکن تیرا حُکم بے حد وسیع ہَے۔ ⁹⁷ ۔اَے خُداوند تیری شریعت مُجھے کیا ہی عزیز ہَے۔ مَیں دِن بھر اُس پر غور کرتا ہُوں۔ ⁹⁸ ۔تیرے حُکم نے مُجھے میرے دُشمنوں سے زیادہ دانشِمند بنا دیا ہَے۔ اِس لئے کہ وہ اَبد تک میرے ساتھ ہَے۔ ⁹⁹ ۔مَیں اپنے سب اُستادوں سے زیادہ فہم رکھتا ہُوں۔ اِس لئے کہ مَیں تیری شہادتوں پر غور کرتا رہتا ہُوں۔ ¹⁰⁰ ۔مَیں عُمر درازوں سے زیادہ عقل رکھتا ہُوں۔ اِس لئے کہ مَیں تیرے قواعد پر عمل کرتا ہُوں۔ ¹⁰¹ ۔مَیں ہر بُری رَوِش سے اپنے قدم باز رکھتا ہُوں۔ تاکہ تیرے کلام کو حفِظ کُروں۔ ¹⁰² ۔مَیں تیرے احکام سے کنارہ نہیں کرتا۔ اِس لئے کہ تُو نے مُجھے تعلیم دی ہَے۔ ¹⁰³ ۔تیرے اَقوال میرے لئے کیا ہی شِریں ہَیں۔ میرے مُنہ میں شہد سے بھی زیادہ شیریں ہَیں۔ ¹⁰⁴ ۔تیرے قواعد سے مُجھے فہم حاصل ہوتا ہَے۔ اِس لئے مَیں شرارت کی ہر راہ سے نفرت رکھتا ہُوں۔ ¹⁰⁵ ۔تیرا کلام میرے قدموں کے لئے چراغ ہَے۔ اَور میری راہ کے لئے روشنی ہَے۔ ¹⁰⁶ ۔مَیں قَسم کھا کر اِرادہ رکھتا ہُوں۔ کہ مَیں تیرے عادِل احکام کو حفِظ کرُوں گا۔ ¹⁰⁷ ۔مَیں نہایت دُکھی ہُوں۔ اَے خُداوند۔ اپنے کلام کے مُطابِق مُجھے زِندہ رکھّ۔ ¹⁰⁸ ۔ اَے خُداوند میرے مُنہ سے خُوشی کی نذریں قُبول فرما۔ اَور اپنے اِحکام مُجھے سِکھا۔ ¹⁰⁹ ۔ میری جان ہر وقت ہتھیلی پر ہَے۔ لیکن مَیں تیری شریعت کو نہیں بُھولتا۔ ¹¹⁰ ۔گنہگاروں نے میرے لئے پھندا لگا یا ہَے۔ لیکن مَیں تیرے قواعد سے گُمراہ نہیں ہُؤا۔ ¹¹¹ ۔تیری شہادتیں میری اَبدی مِیرَاث ہَیں۔ کیونکہ وہ میرے دِل کی خُوشی ہَیں۔ ¹¹² ۔مَیں نے اپنے دِل کو تیرے قَوانِین کی تعمیل کے لئے۔ ہر دَم ۔ ہُو بہُو مائِل کِیا ہَے ¹¹³ ۔مَیں دو دِلوں سے نفرت رکھتا ہُوں۔ پر تیری شریعت مُجھے عزیز ہَے ۔ ¹¹⁴ ۔تُو میری جائے پناہ اَور میری سِپر ہَے۔ تیرے کلام پر میری اُمّید ہَے۔ ¹¹⁵ ۔اَے شریرو میرے پاس سے دُور ہو جاؤ۔ اَور مَیں اپنے خُدا کے اَحکام پر عمل کرُوں گا۔ ¹¹⁶ ۔اپنے قول کے مُطابِق مُجھے سنبھال تو مَیں زِندہ رہُوں گا۔ اَور مُجھے میری اُمّید سے شرمندہ نہ ہونے دے۔ ¹¹⁷ ۔میر مدد کر تو مَیں بچ جاؤں گا۔ ¹¹⁸ ۔جتنے تیرے قَوانِین سے گُمراہ ہُوئے ہَیں تُو اُن سب کو حقِیر جانتا ہَے۔ کیونکہ اُن کا فریب عبث ہَے۔ ¹¹⁹ ۔تُو زمین کے تمام خطاکاروں سے نفرت رکھتا ہَے۔ اِس لئے مَیں تیری شہادتیں عزیز جانتا ہُوں۔ ¹²⁰ ۔ تیرے خوف سے میرا جِسم کانپتا ہَے۔ اَور مَیں تیرے احکام سے ڈرتا ہُوں۔ ¹²¹ ۔مَیں اپنی رضا اَور عدل کو عمل میں لایا ہُوں۔ مُجھ کو ظُلم کرنے والوں کے حوالے نہ کر۔ ¹²² ۔بھلائی کے لئے اپنے کلام کی ضمانت دے۔ تاکہ مغرُور مُجھ پر ظُلم نہ کریں۔ ¹²³ ۔تیری نجات اَور تیرے عادِل قول کے اِنتظار میں۔ میری آنکھیں دُھندلا گئی ہَیں۔ ¹²⁴ ۔اپنے بندے سے اپنی نیکی کے مُطابِق سلُوک کر۔ اَور اپنے قوانیِن کی مُجھے تعلیم دے۔ ¹²⁵ ۔مَیں تیرا بندہ ہُوں۔ مُجھے فہم عطا کر۔ تاکہ مَیں تیری شہادتوں کو پہچانوں۔ ¹²⁶ ۔خُداوند کے لئے کام کرنے کا وقت آ گیا ہَے لوگوں نے تیری شریعت سے عدُول کِیا ہَے۔ ¹²⁷ ۔مَیں اِسی لئے سونے اَور کُندن کی نِسبت ۔ تیرے اَحکام کو زیادہ عزیز جانتا ہُوں۔ ¹²⁸ ۔مَیں نے اِسی لئے تیرے سب قواعد کو پسند کِیا ہَے۔ اَور ہر ایک جھُوٹی راہ سے نفرت کرتا ہُوں۔ ¹²⁹ ۔ تیری شہادتیں تعجب انگیز ہَیں۔ اِس لئے مَیں اُن پر عمل کرتا ہُوں۔ ¹³⁰ ۔ تیرے کلام کی تشریح روشنی بخش ہَے ۔ وہ سادہ دِلوں کو حکمت دیتی ہَے۔ ¹³¹ ۔مَیں اپنا مُنہ کھولتا اَور ہانپتا ہُوں۔ کیونکہ تیرے اَحکام کا مُجھے اِشِتیاق ہَے۔ ¹³² ۔میری طرف توجُّہ کر اَور مُجھ پر اُس مرضی کے مُطابِق رحم فرما۔ جو تیرے پیار کرنے والوں کے حَق میں ہَے ¹³³ ۔اپنے قول کے مُطابِق میرے قدموں کی ہدایت کر۔ اَور کوئی بَدی مُجھ پر غالِب ہونے نہ پائے۔ ¹³⁴ ۔اِنسان کے ظلُم سے مُجھے چُھڑا۔ اَور مَیں تیرے قواعد کو حفِظ کرُوں گا۔ ¹³⁵ ۔اپنا چہرہ اپنے بندے پر جَلوہ گر فرما۔ اَور اپنے قَوانِین کی مُجھے تعلیم دے۔ ¹³⁶ ۔میری آنکھوں سے پانی کی ندیا ں بہیں۔ کیونکہ اُنہوں نے تیری شریعت پر عمل نہیں کِیا۔ ¹³⁷ ۔ اَے خُداوند تُو عادِل ہَے۔ اَور تیری مرضی راست ہَے۔ ¹³⁸ ۔ تُو نے عدل اَور کامِل وفا کے ساتھ۔ اپنی شہادتوں کا حُکم دیا ہَے ۔ ¹³⁹ ۔میری غیرت مُجھے کھا جاتی ہَے ۔ کیونکہ میرے مُخالف تیرا کلام بھُول جاتے ہَیں ۔ ¹⁴⁰ ۔ تیرا قول بِالکُل خالِص ہَے ۔ اَور تیرا بندہ اُسے عزیز جانتا ہَے ۔ ¹⁴¹ ۔مَیں چھوٹا اَور حِقیر توہُوں۔ لیکن مَیں تیرے قواعد کو نہیں بھولتا۔ ¹⁴² ۔تیرا عدل اَبدی عدل ہَے ۔ اَور تیری شریعت پائیدار ہَے۔ ¹⁴³ ۔تنگی اَور مُصِیبت مُجھ پر آ پڑی ہَیں۔ تیرے اَحکام میری مُسّرت کا باعِث ہَیں۔ ¹⁴⁴ ۔تیری شہادتوں کی راستی اَبدی ہَے۔ مُجھے فہم عطا کر تو مَیں زِندہ رہُوں گا۔ ¹⁴⁵ ۔مَیں اپنے سارے دِل سے پُکارتا ہُوں۔ اَے خُداوند میری سُن لے۔ مَیں تیرے قَوانِین پر عمل کرُوں گا۔ ¹⁴⁶ ۔مَیں تُجھے پُکارتا ہُوں۔ مُجھے بچا لے ۔ تو مَیں تیری شہادتوں کو حفِظ کرُوں گا۔ ¹⁴⁷ ۔مَیں صُبح سے پیش قدمی کرکے آتا ہُوں اَور فریاد کرتا ہُوں۔ مَیں تیرے کلام کا اِعتماد کرتا ہُوں۔ ¹⁴⁸ ۔میری آنکھیں رات کے پہرو ں پر بھی سبقت لے جاتی ہَیں ۔ تاکہ مَیں تیرے قول پر غور کرُوں۔ ¹⁴⁹ ۔ اَے خُداوند اپنی شفقت کے مُطابِق میری آواز سُن۔ اوراپنی مرضی کے مُطابِق مُجھے حیات عطا کر۔ ¹⁵⁰ ۔ میرے ستانے والے بَدی کے خیال سے نزدِیک آتے ہَیں ۔ وہ تیری شریعت سے دُور ہَیں۔ ¹⁵¹ ۔ تُو اَے خُداوند قریب ہَے ۔ اَور تیرے سب اَحکام بَرحَق ہَیں ۔ ¹⁵² ۔شرُوع ہی سے مُجھے تیری شہادتوں کی بابت معلُوم ہُؤا ہَے۔ کہ تُو نے اُنہیں ہمیشہ کے لئے قائم کِیا ہَے ۔ ¹⁵³ ۔میرے دُکھ پر نظر کر اَور مُجھے چُھڑا لے۔ کیونکہ مَیں نے تیری شریعت کو فراموش نہیں کِیا۔ ¹⁵⁴ ۔میرے مُقدمے کی وکالت کر اَور مُجھے رِہائی دے۔ اپنے قول کے مُطابِق مُجھے حیات عنایت کر ۔ ¹⁵⁵ ۔گُنہگاروں سے نجات دُور ہَے۔ کیونکہ وہ تیرے قواعد کا لحاظ نہیں کرتے۔ ¹⁵⁶ ۔اَے خُداوند تیری رحمتیں کثرت سے ہَیں۔ اپنی مرضی کے مُطابِق مُجھے حیات عنایت کر۔ ¹⁵⁷ ۔میرے ستانے والے اَور مُخالف بُہت سے ہَیں۔ لیکن مَیں تیری شہادتوں سے کَنارہ نہیں کرتا۔ ¹⁵⁸ ۔مَیں نے بے وفاؤں کو دیکھا اَور مُجھے نفرت آئی۔ کیونکہ اُنہو ں نے تیرے قول کو حفِظ نہیں کیا۔ ¹⁵⁹ ۔دیکھ اَے خُداوند مُجھے تیرے قواعد عزیز ہَیں۔ اپنی شفقت کے مُطابِق مُجھے زِندہ رکھّ۔ ¹⁶⁰ ۔ تیرے کلام کا اَصل پائیداری ہَے ۔ اَور تیرے عدل کی ہر مرضی اَبدی ہَے۔ ¹⁶¹ ۔ دولت مند مُجھے بے سبب ستاتے ہَیں۔ لیکن میرا دِل تیرے کلام سے خوف کھاتا ہَے۔ ¹⁶² ۔مَیں تیرے قول کے سبب سے ایسے خُوش ہُوں ۔ جیسے بُہت غنیمت پانے والا خُوش ہوتا ہَے۔ ¹⁶³ ۔مَیں بَدی سے نفرت کرتا اَور اُسے مکرُوہ جانتا ہُوں۔ تیری شریعت سے میری مُحّبت ہَے۔ ¹⁶⁴ ۔مَیں تیری عادِل مرضی کے سبب سے۔ دِن میں سات مرتبہ تیری حمد کرتا ہُوں۔ ¹⁶⁵ ۔جو تیری شریعت کو عزیز جانتے ہَیں وہ بڑے اطمینان سے ہَیں۔ اَور اُن کے لئے کوئی ٹھوکر نہیں۔ ¹⁶⁶ ۔اَے خُداوند مَیں تیری نجات کا مُنتطِر ہُوں۔ اَور تیرے اَحکام پر عمل کرتا ہُوں۔ ¹⁶⁷ ۔مَیں تیری شہادتوں کو حفِظ کرتا ہُوں۔ اَور اِنہیں نہایت عزیز جانتا ہُوں۔ ¹⁶⁸ ۔مَیں تیرے قواعد کو حفِظ کرتا ہُوں۔ کیونکہ میری ساری رَوِش تیرے آگے ہَے۔ ¹⁶⁹ ۔ اَے خُداوند میری دُہائی تُجھ تک آئے۔ اپنے کلام کے مُطابِق مُجھے فہم عطا کر۔ ¹⁷⁰ ۔میری مِنّت تیرے حضُور تک پُہنچے۔ اپنے قول کے مُطابِق مُجھے رِہائی دے۔ ¹⁷¹ ۔جب تُو اپنے قَوانِین مُجھے سِکھائے۔ تو میرے ہونٹ ترانہء حمد گائیں۔ ¹⁷² ۔ میری زبان تیرے قول کا گیت گائے۔ اِس لئے کہ تیرے تمام اَحکام راست ہَیں۔ ¹⁷³ ۔تیرا ہاتھ میری مدد کے لئے آمادہ ہو۔ اِس لئے کہ مَیں نے تیرے قواعد کو پسند کِیا ہَے ۔ ¹⁷⁴ ۔اَے خُداوند مَیں تُجھ سے نجات چاہتا ہُوں۔ اَور تیری شریعت میری مُسّرت کا باعِث ہَے۔ ¹⁷⁵ ۔میری جان زِندہ رہے اَور تیری حمد کرے ۔ اَور تیری مرضی میری مدد کریں۔ ¹⁷⁶ ۔مَیں کھوئی ہوئی بھیڑ کی مانند بھٹک گیا ہُوں۔ تُو اپنے بندے کو تلاش کر۔ کیونکہ مَیں تیرے اَحکام کو فراموش نہیں کرتا۔