زبُور
خُدائے تعالیٰ کے نام کی تعریف
ہلّلُویاہ
1
۔اےخُداوند کے عابِدو! ثنا گاؤ۔
خُداوندکے نام کی حمد کرو۔
2
۔اِس وقت سے لے کر ہمیشہ تک۔
خُداوند کانام مُبارَک ہو۔
3
۔آفتاب کے جائے طُلُوع سے اُس کی جائے غرُوب تک۔
خُداوند کا نام مَمدُوح ہو۔
4
۔خُداوندسب قوموں پر بُلند وبالا ہَے۔
اُس کا جلال اَفلا ک سے اعلیٰ ہَے۔
5
۔خُداوندہمارے خُدا کی مانند کون ہَے۔
جو عالمِ بالاپر تخت نشِین ہَے۔
6
۔پھر بھی فروتنی کر کے۔
آسمان اَورزمین پر نِگاہ کرتا ہَے۔
7
۔وہ مِسکین کو خاک سے اُٹھا لیتا ہَے۔
اَور مُحتاج کو گندگی کے ڈھیر سے اُٹھا کراسے اُونچا کر دیتا ہَے۔
8
۔تاکہ اُسےاُمراء کے ساتھ۔
ہاں اپنی اُمّت کے امُراء کے ساتھ بٹھائے۔
9
۔وہ بانجھ عورت کو گھر میں بساتا ہَے۔
اُسے بچّوں کی ماں ہونے کی خُوشی بخشتا ہَے۔