زبُور
اِسرؔائیل میں خُداوند کے تعُّجب اَنگیز کام
ہلّلُویاہ
1
۔ مَیں صادِقوں کی مجلِس میں اَور جماعت میں۔
اپنے سارے دِل سے خُداوند کا شُکر کرُوں گا۔
2
۔ خُداوند کے کام عظیم ہَیں۔
اُن سب کے لئے قابِل تفتیش ہَیں جو اُن میں مسرُور ہَیں۔
3
۔اُس کے کام جلالی اَور پُر حشمت ہَے۔
اَوراُس کی صداقت اَبد تک قائم ہَے۔
4
۔ اُس نے اپنے عجائبات کو قابِل یاد ٹھہرایا ہَے۔
خُداوند رحمان اَور رحیم ہَے ۔
5
۔ اُس نے اپنے ڈرنے والوں کو خُوراک دی۔
وہ اپنے عہد کو اَبد تک یاد رکھّے گا۔
6
۔ اُس نے اپنے کاموں کی قُوّت اپنی اُمّت پر ظاہر کی۔
جب اُس نے غیر قوموں کی مِلکیّت اُنہی کو دی۔
7
۔اُس کے ہاتھ کےکام عدل اَور صِدق کے ہَیں۔
اُس کے تمام قواعد پائیدار ہَیں۔
8
۔ وہ ابدالآباد تک قائم رہتے ہَیں۔
وہ صداقت اَور اِنصاف سے بنائے گئے۔
9
۔اُس نے اپنی اُمّت کے لئے مُخلِّصی بھیجی ہَے۔
اُس نے اپنے عہد کو ہمیشہ کے واسطے ٹھہرایا ہَے۔
اُس کا نام قُدُّوس اَور مُہَیب ہَے۔
10
۔ خُداوند کا خوف حِکمَت کا آغاز ہَے۔
جو اُس پر عمل کرتے ہَیں وہ سب صاحبِ اِمتیاز ہَیں۔
اُس کی حمد اَبداً قائم ہَے۔