ہلّلُویاہ ¹ ۔خُداوند کا شُکر کرو کیونکہ وہ نیک ہَے۔ کیونکہ اُس کی رحمت اَبد تک ہَے۔ ² ۔خُداوند کی قُدرت کے کام کو ن بیان کر سکے گا۔ یا اُس کی پُوری سِتائش کون سُنائے گا؟ ³ ۔مُبارَک ہَیں وہ جو عدل پر چلتے ہَیں۔ اَور ہر وقت صداقت کے کام کرتے ہَیں۔ ⁴ ۔اَے خُداوند مُجھے اُس کرم کے مُطابِق یاد کر جو تیری اُمّت پر ہَے۔ اپنی نجات مُجھے عنایت فرما۔ ⁵ ۔تاکہ مَیں تیرے برگُزیدوں کی اِقبال مندی سے خُوش ہُوں۔ اَور تیری اُمّت کی شادمانی کے باعِث شاد ہُوں۔ اَور تیری مِیرَاث کے ہمراہ فخر کرُوں۔ ⁶ ۔ہم نے اپنے باپ دادا کی طرح گُناہ کیا۔ ہم نے بَدی کی۔ ہم نے شرارت کی ہَے۔ ⁷ ۔مِصؔر میں ہمارے باپ دادا نے۔ تیرے عجائبات پر غور نہ کِیا۔ تیری رحمتوں کی کثرت کی یاد نہ کی۔ بلکہ بُحر قُلزؔم پر حَق تعالی ٰ سے برگشتہ ہو گئے۔ ⁸ ۔پر اُس نے اپنے نام کی خاطِر اُنہیں بچایا۔ تاکہ اپنی قُدرت کو ظاہر کرے۔ ⁹ ۔اَور اُس نے بُحر قُلزؔم کو ڈانٹا تو وہ سُوکھ گیا۔ اَور اُنہیں موجوں میں سے ایسے نِکال لایا جیسے بیابان میں سے۔ ¹⁰ ۔اَور کیِنہ ور کے ہاتھ سے اُنہیں بچایا۔ اَور دُشمن کے ہاتھ سے اُنہیں چھُڑایا۔ ¹¹ ۔اَور پانی نے اُن کے مُخالفوں کو چھُپا لِیا۔ یہاں تک کہ اُن میں سے ایک بھی نہ بچا۔ ¹² ۔تب اُنہوں نے اُس کے کلام کا یقین کِیا۔ اَور اُنہوں نے اُس کی حمد و ثناء کی۔ ¹³ ۔وہ جلد ہی اُس کے کاموں کو بھُول گئے۔ اَور اُس کی مشورت کا انتظار نہ کِیا۔ ¹⁴ ۔اَور اُنہوں نے بِیابان میں حِرص۔ اَور صحرا میں خُدا کو آزمایا۔ ¹⁵ ۔تو اُس نے اُن کی درخواست پُوری کر دی۔ پر اُن میں لاغری بھیجی۔ ¹⁶ ۔اُنہوں نے خَیمہ گاہ میں مُوسؔیٰ پر۔ اَور خُداوند کے مخصُوص ہارُوؔن پر حسد کِیا۔ ¹⁷ ۔زمین پھٹی اَور داتن کو نِگل گئی۔ اَور ابیراؔم کے گروہ کو ڈھانپ لِیا۔ ¹⁸ ۔اَور اُن کے مجمع میں آگ بھڑکی۔ شُعلے نے شریروں کو جَلا دِیا۔ ¹⁹ ۔ اُنہوں نے حورؔب پر ایک بچھڑا بنایا۔ اَور سونے کی ڈھالی ہُوئی مُورت کی پُوجا کی۔ ²⁰ ۔اَور اُنہوں نے اپنے جلا ل کو۔ گھاس کھانے والے بَیل کی شکل سے بدل ڈالا۔ ²¹ ۔وہ اُس خُدا کو بھُول گئے جس نے اُنہیں بچایا تھا۔ اَور جِس نے مِصؔر میں مُعجزے کِئے تھے۔ ²² ۔یعنی حاؔم کی سَرزمین میں عجائبات۔ اَور بُحر قُلزمؔ پر تعُّجب انگیز کام کئے۔ ²³ ۔ اَور وہ کہنے لگا کہ مَیں اِنہیں فنا کر دیتا۔ اگر میرا برگُزیدہ مُوسؔیٰ۔ میرے حضُور بیچ میں نہ آتا۔ کہ میرے غضب کو اُنہیں فنا کرنے سے روک دے۔ ²⁴ ۔اَور اُنہوں نے اُس دِل پذیر سَرزمین کو حقِیر جانا۔ اَور اُس کے کلام کا یقین نہیں کِیا۔ ²⁵ ۔اَور اپنے خَیموں میں کُڑ کُڑائے۔ اَور خُداوند کی اِطاعت نہ کی۔ ²⁶ ۔اَور اُس نے اپنا ہاتھ اُوپر اُٹھا کر قَسم کھائی۔ کہ مَیں اُنہیں بِیابان میں پست کُروں گا۔ ²⁷ ۔اَور اُن کی نسل قوموں میں پراگندہ کُروں گا۔ اَور اُنہیں مُمالِک میں مُنتشر کُروں گا۔ ²⁸ ۔وہ بَعلَ فغور کو پوجنے لگے۔ اَور بتوں کے ذبیحے کھائے۔ ²⁹ ۔اَور اُنہوں نے اپنے اعمال سے اُسے غُصّہ دِلایا۔ تو وَبا اُن پر ٹوٹ پڑی۔ ³⁰ ۔تب فیِخاؔس اُٹھا اَور عدالت کی۔ تو وَبا موقُوف ہو گئی۔ ³¹ ۔اَور یہ اُس کے لئے پُشت در پُشت۔ اَبداً اَجر کا باعِث محُسوب ہُؤا۔ ³² ۔اَور اُنہوں نے اُسے مریؔبہ کے چشمے پر بھی غُصّہ دِلایا۔ اَور اُن کے سبب سے مُوسؔیٰ کو نُقصان پُہنچا۔ ³³ ۔کیونکہ اُنہوں نے اُسے ناگوار کر دِیا۔ اَور وہ اپنے لبوں سے بے جا بول اُٹھا۔ ³⁴ ۔اُنہوں نے اُن غیر قوموں کو ہلا ک نہ کِیا۔ جِن کی بابت خُداوند نے اُنہیں حُکم دِیا تھا۔ ³⁵ ۔بلکہ وہ غیر قوموں ہی سے مِل گئے۔ اَور اُن کے سے کام سِیکھ لئے۔ ³⁶ ۔اُنہوں نے اُن کے بُتوں کی پرستش کی۔ اَور یہ اُن کے لئے پھندا ٹھہرا۔ ³⁷ ۔اُنہوں نے شیاطِین کے لئے۔ اپنے بیٹوں اَور بیٹیوں کو قُربان کِیا۔ ³⁸ ۔اَور معصوُم خُون بہایا۔ یعنی اپنے اُن بیٹوں اَور بیٹیوں کا خُون جنہیں اُنہوں نے کِنعاؔن کے بُتوں کے لئے قرُبان کِیا۔ اَور زمین خُون سے ناپاک ہو گی۔ ³⁹ ۔اَور وہ اپنے اَعمال سے غلیظ ہو گئے۔ اَوراپنے اَفعال سے زِنا کار ٹھہرے۔ ⁴⁰ ۔ اَورخُداوند کا غضب اُس کی اُمّت پر بھڑکا۔ اَوراُسے اپنی مِیرَاث سے کراہّیت آئی۔ ⁴¹ ۔اَور اُس نے اُنہیں غیر قوموں کے ہاتھ میں کر دِیا۔ اَوراُن سے نفرت رکھنے والے اُن پر مُسلّطِ ہو گئے۔ ⁴² ۔ اَوراُن کے دُشمنوں نے اُنہیں تنگ کِیا۔ اَور وہ اُن کے ہاتھ کے ماتحت ذِلیل ہو گئے۔ ⁴³ ۔اُس نے اکثر اوقات اُنہیں چھُڑایا۔ لیکن اُنہوں نے اپنی مشورتوں سے اُسے غُصّہ دِلایا۔ اَور وہ اپنی بَدیوں کے سبب سے پست ہو گئے۔ ⁴⁴ ۔لیکن اُس نے اُن کی فریا دسُن کر۔ اُن کی مُصِیبت پر نظر کی۔ ⁴⁵ ۔اَور اُن کی خاطر اَپنے عہد کو یاد فرمایا۔ اَور وہ اپنی رحمت کی فراوانی کے مُطابِق پچھتایا۔ ⁴⁶ ۔اَور جِنہوں نے اُنہیں اسیر کِیا تھا۔ ⁴⁷ ۔اُن سب کے دِل میں اُن کے لئے رحم ڈالا۔ اَے خُداوند ہمارے خُدا۔ ہمیں بچا۔ اَور قوموں میں سے ہمیں فراہم کر۔ تاکہ ہم تیرے قُدُّوس نام کا شکُر کریں۔ اَور تیری حمد و ثنا پر فخر کریں۔ ⁴⁸ ۔خُداوند اِسرؔائیل کا خُدا۔ اَبدُالآباد تک مُبارَک ہو۔ اَور ساری اُمّت کہے آمین۔ ہلّلُویاہ