Ao director do coro. Salmo de David ¹ Escoita, ó Deus!, a miña queixa, garda a miña vida do terror do inimigo. ² Agáchame dos plans secretos dos malvados, e do tumulto dos que obran iniquidade, ³ que afían como espada a súa lingua, e lanzan como frecha palabras amargas. ⁴ para ferir en oculto ao recto, de súpeto, disparan sobre el e non temen. ⁵ Agárranse a propósitos malignos, falan de poñer trampas en secreto, e din: quen as verá? ⁶ Traman inxustizas dicindo: Estamos preparados cunha boa trama, pois os pensamentos do home e o seu corazón son profundos ⁷ Pero Deus lanzaralles con frecha, e de súpeto serán feridos. ⁸ A súa lingua fai que eles mesmos tropecen. Todos os que os vexan abanarán a cabeza. ⁹ Entón todos as persoas temerán, e anunciarán a obra de Deus e considerarán os seus feitos. ¹⁰ O xusto alédase no Señor, e nel terá refuxio, e todos os de corazón recto gloriaranse.