Kujombolola Muhato 4
1
Munima yevi ndjakele nacimo cikuavo, ndjamuene cikolo cakuxokoloka muilu. Lijui liakulivanga liacindindimo liakulifua ngohoni cipembo, lijui lije ndjovuile liahandekele kuli yange hakulivanga, liahandekele ngualio ija kuno kuilu, ndjikakumuetha viuma vikajomboloka kunima yevi.
2
Haje vene ndjakele mumputhzi muje muilu ndjamuene citumamo nauje uatumameneho.
3
Cihanga cendi califuile ngohoni mavue aseho ndjasipa nakanelia. Kucitumamo kuoxe kuathengelekele nkongolo. Yalifuile ngohoni livue lia Emalinde.
4
Kucitumamo cije kuathengelekele vitumamo vikuavo makumi avali navituamoviuana vije viva tumamene vakuluntu, makumi avali navakuluntu vauana vathalele vuthalo vuakutoka, vathalele vilongo viangolinde kumitue yavo.
5
Kucituamo cije kuatundile vieka viamuhiato, nacindindimo nakuthima caKalunga. Vieke viamitetango itanu naivali viakele nakuxukuma kulutue luacituamo , eyi inapu mithithimba itanu naivali yaKalunga.
6
Kulutue kuakele mema aKalunga akulifua ngohoni cixali cakuviathima, hakati kacituamo kuathengelekele vikaxama vauana kuyoya vakele namexo kulutue nakunima.
7
Cikaxama uakulivanga uafuile ngohoni Ndumba uamucivali ngohoni muna ngombe, uamucitatu uakele nacihanga ngue camuntu, uamuciuana ualifuile ngohoni Ngonga uakupulula.
8
Kuumo kuumo uavaje vikaxama uakele navimbava vitanu naimo, oxe akele namexo mukati nahandja. Vakevo kovalikelele kuimba vuthsiki namutania nguavo uakujela ,uakujela, uakujela. Ikeye xukulu Kalunga ndjambi muka ndthzili yoxe, uje uakeleko, uje aliko, nauje akendja.''
9
Vaje vikaxama vauana vakuyoya vemba miaso yavumpahu nakathingimiko nakukandelela kuli uje natumama hacituamo, ou ayoya kumiaka yoxe yayaye,
10
vaje vakuluntu makumi avali navauana vakulumana kulutue lia uje natumama hacituamo nakulemetha uje ayoya kumiaka yoxe. Vombila vilongo viavo kulutue luacituamo nakuhandeka nguavo,
11
''Muene uetu naKalunga ketu! Yove uafuila kutambula vumpahu nakathingimiko nandthzili, muomu yove uatangele viuma vioxe, kucithango cove viahuile kutanga."