1
Keho ange njamuene kangelu axelela atunda muilu, ali na sapi ya kucina kucakele na mavanda, endi na uakele na vuketanga vuakama mulivoko liendi.
2
Endi ua kuatele candangombe, linoka uje ua laja, yendi ndiavu nambe Satana, uamukutile ntunda ya likulukathi lia miaka.
3
Wamumbilile mucina ca kujeneka mavanda. Wapateleko nakuhakako cithivitho helu liendi. Kulingila keci lalo a kuithe kuithe vifuti noho likulukathi lia miaka linahu. Hanima yaco, vaka muecela kanthzimbu kakandende.
4
Keho ange njamuene vituamo. Hatumamene vaje vavahanene mpoko ya kupanguitha. Ange na njamuene miono ya vaje valivangele kukala vumbangi vua Yesu na lijui lia Kalunga. Avo kuva lemethele kathitu cipue mbundi yendi, avo vana viana kutambula cimuetho ku maluholo avo na mumavoko avo. Avo vakele na muono, avo vatuminine na Kristu miaka likulukathi lia miaka.
5
Vathzi vaje vathaleleko kuva yoyele noho likulukathi lia miaka linahu. Eci cihinduka ca kulivanga.
6
Vavethika valela uoxe kakala kuci hindukilo ca mbangelo! Kuli vakevo kuthza ca mucivali kuci kakala na ndhzili hali vakevo. Avo vakapua vasasendote va Kalunga nava vaKilistu vakatumina nendi likulukathi lia miaka.
7
Omu mu liahetele kukuhua likulukathi lia miaka, Satana vamuecelele atunde mukamenga kendi.
8
Endi aka ya nakukuitha kuitha vifuti muvimbango viuana via hathzi-Ngonge na Mangonge-kuvaneha hamo linga va lue ndhzita. Avo vakelana ngue muxeke ua kukalunga ndonga
9
Avo vaile valixandele mucana hathzi muku thengeleka cilombo ca vantu vaku lela vaKalunga-limbo lia kuyongola .Vunohoni tuhia tuaxelelele kutunda muilu tuava uemekele.
10
Satana, uje uava kuithile kuithile, vamumbilile mulixali lije lixuama na fofo, omuo muvombilile kathitu na kapolofeto ua vixaki. Avo vakayanda mutana na vuthziki miaka yoxe ya yaye.
11
Keho ange njamuene mangu yakutoka na umo na tumamaho. Hathzi na muilu vateuele vaya kutunda kucihanga cendi, vunohoni kuvauanene muhela u vaya.
12
Ange njamuene vaka kuthza-mangongo nava kuvaxilivila-vanemana kulutue lua mangu, namikanda vaifukuiele. Keho vafukuile mukanda ukuavo-mukanda ua muono. Vaka kuthza vavapanguile novio vivasonekele mu mikanda, kutuala kuvipanga viavo.
13
Mema akalunga ahanene vaka kuthza vakele muli ikeye. Kuthza na muhela ua vaka kuthza viahanene vaka kuthza vakele mulivakevo, nava kakuthza vava panguithile mukutuala kuvipanga viavo.
14
Kuthza na muhela va vuimbilile mulixali lia tuhia. Eci cikeco kuthza kuamucivali-lixali lia tuhia.
15
Nga lithina lia umo kuvaliuanene vana lisoneka mumukanda ua muono, Endi vamumbilile mulixali lia tuhia.