¹ Munima ya viuma evi ange njovuile vimo viohiele ngeci mua lijui lia mbunga yakama ya vantu muilu kuthana, "Haleluya. Kuovoka, Vumpau, na ndthili via kundama kuli Kalunga ketu. ² Vihitho viendi viacili vua vuaha, omuo ikeye nahitha lipangala uje uakama ou ua vihithile hanthi na vupangala vuendi. Ikeye ualinguile maninga, avingamba viendi na mavoko end." ³ Avo vahandekele nthimbu ya mucivali: "Hallelujah! muinthi ua tuhukile kumiaka na miaka." ⁴ Keho makumi avali na vauana avakuluntu na tuthitu vauana vamuono vauile na kulemetha Kalunga, uje ua tumamene ha mangu. Avo vahandekele nguavo, "Amen. Hallelujah!" ⁵ Kuatundile lijui honi kumangu, ngualio, "Thsimanetheni Kalunga ketu, eni voxe vaka kumupangela, eni vaka kumuvuila liova muvavoxe ava kavaxilivila na ava vaka ndthili." ⁶ Keho ange njovuile kuohia kumo nguehoni lijui lia kama lia mbunga ya vantu, ngue citheto ca mema a engi, oku ngue cikumo ca muhiato, ngualio, "Hallelujah! Ngoco muene atumina, Kalunga ketu ua ndthili. ⁷ Tukaleni muacili na kujolela na kumuhana vumpau! Ngoco kulithzemba na vulo vua muna injui cinaheteho, namukentu vene nalivuahethela endi vavenia. ⁸ Endi vamutavethele athale via kuviathimina nevi via kutoka vintanga via kuvuaha" (Ngoco vintanga via kuvuaha vikevio vaka kupanga via cili viavantu vaka vucili vua Kalunga). ⁹ Keho kangelo ua handekele nange nguendi, "Thona evi: Vana vethuka ava vavanathana kukulia kuvulo vua muna injui." Endi uahandekele nange nguendi; "Aa majui avicili a Kalunga." ¹⁰ Ange nja uililile ku mahindi endi ku mulemetha yendi, vunohoni endi uahandekele nange nguendi, "Keci ulinge evi! ange njimu kakupangele mumolika nove keho na njimukuenje kove tuli na kulihanena vumbangi vua Yesu. Lemetha Kalunga, omu lia vumbangi vua Yesu ikeye cithithimbi ca vupolofeto." ¹¹ Keho njamwene lilu linaxokoloka, ange na njatalamo muakele na kakambe ua kutoka. Ou umo ualondeleho uakuluka muka vucili na muka kusungama. Cikeco na kuvuaetha a handekela na kuhana ndhzita. ¹² Mexo endi a lifua na mulengi ua tuhia, nakumutue uendi kuli vilongo viavingi. Endi ali na lithina liva nasoneka hali yendi olio naumu uahi alithiva kamane endi vavenha. ¹³ Endi nathala vithala viaku thivilika mumaninga, na lithina liendi vamulukile likelio lijui lia Kalunga. ¹⁴ Vakandhzita vamuilu vamushikuile hatukambe vakutoka, vathalele vintanga viacili, viakutoka na viakukuxa. ¹⁵ Mukanua kendi muatuhukile muele uakuhomona ukeuo uakaveta nauo vifuti, nendi a kavatumina na mulamu uacikungu. Endi a kalialela likina liakutshena viniu naku nhengua ca vukalu vua Kalunga uahelu lia vioxe. ¹⁶ Endi ali na lithina liakusoneka ha vithala viendi na ha litafu liendi: "Muene ua vimiene naxukulu ua vaxukulu." ¹⁷ Ange njamuene kangelu nemana halitangua. Endi uathanene na lijui liakama kututhila voxe vakupululuka vamuilu, "Ijeni, kungulukeni livandakaneni omu lia kuliacakama ca Kalunga. ¹⁸ Ijeni mulie mbunda ya vimiene, mbunda ya vakakutumina, mbunda ya vamala vaka vukama vuoxe. mbunda ya tukambe na vaje valondeleho, na mbunda ya vamala voxe, na mbelela ya vakacinthemua na vindungo, na vaje kuvaxilivila na vaka ndhzili." ¹⁹ Ange njamuene kathitu na vimiene va hanthi na vaka ndhzita vavo. Avo valikungile nakulinga navo ndhzita na uje ualondele hakakambe na vakandhzita vendi. ²⁰ Vakuatele kathitu mumo lika nendi kapolofeto ua vixaki ou ualingile vimuetho kulutue luendi. Na vimuetho ua kuithile vaje vatambuile ciyhivitho ca kathitu na vaje va lemethele mundi. Voxe vavali vavombilile na miono mulixali lia tuhia liakuxuama na kapalu. ²¹ Ovo vathaleleho vava thzihile na muele uje uatuhukile mukanua ka uje ualondele hakakambe. Tuthila voxe valile mbunda ya vivimbi viavo.