¹ Munima ya viuma ovio ange nja muene kangelu mukuavo eja axuluka muilu. Endi uakele na vutavethelo vuakuma, nahanthi hoxe hatuile ceke ca vumpahu vuendi. ² Endi uatambekele na lijui liakama, nguendi, "Inau, inau mbambilone yakama! Ina himpuka muhela ua vindemone, na vuleuelo vua vinthinthimbi via viakujuala na tuthila vaku vihilila. ³ Omuo vifuti vioxe vina kolua vinyu via vipanga viendi. Vimiene vahanthi valingile nendi vupangala. Vaka mavenda vahanthi vafukile kutundilila kunthili yamaxungu endi." ⁴ Keho njovuile lijui likuavo litunda muilu ngualio " Tuhukeni mutunde kuli ikeye, vantu vange, linga keti mulikuate kumo muvupi vuendi, linga na keti mutambule kutuyando tuendi. ⁵ Vuvi vunahete na muilu vene, keho Kalunga navuluka vipanga viendi via kuviha. ⁶ Mufueteni ngue muekufueta vakuavo, mufueteni luvali ngue kuvipanga viendi, munganja yaxingile, muxingileniyo luvali. ⁷ Muoxe mualixangalele endi vavenia nakukala muvia vungoco, muhaneni yendi via kayando navia kulila mukonda ahandeka mumbunge yendi," Ange njina tumama ngue lixano, ange keti njicimbumba, kunji kamono na kulinyengula." ⁸ Mukemuo honi litangua limo kayando kendi kakeja: kuthsa, kulinyengula, na njala. Keho vaka muthsimika to na tuhia, mukonda Kalunga muene muka ndhili na muka kumuhitha. ⁹ Vimiene vanthi vapangele vupangala na kumu talatala yendi vakalila naku linyenyeta omo yendi muvakamona muinthi ua kuuema kuendi. ¹⁰ Avo vakemanena halehale, kujaja kayando kendi, nguavo," Cikele, cikele kumbongi yakama, Mbambilone, mbongi ya ndhili! mu ola imolika kaxitiko kove kakeja." ¹¹ Na vaka mavenda vahanthi valila na kulinyengula omo yendi mukonda uahi akalanda vindeho lalo. ¹² Vindeho via olu, napalata, na mavue acili, na makayi, na ntanga ya cili, yakuthivuluka, na senda, na yakuvenga, na viti vioxe via kunika muacili, na vindeho vioxe via vimbinga via njamba, na vindeho vioxe viva napanga na viti via cili, vunengu, vikungu na mavue, ¹³ Sinnamone, na vihemba via viakutova, na vihemba via kuthimika, na mathi akunika muacili, vinyu, mathi, vunga vua kuhia nthatu, na tiliku, na vingombe na vindjui, tukambe, na makalu na mivila, na miono ya vantu. ¹⁴ Keho via kuima vije viana yonguole muono uove vina kutundu. Vioxe viove via senga na via mutupu vina xavangana, kuviuana kuahi lalo. ¹⁵ Vaka mavenda aviuma evi, vaje vafukile omo yendi vakemanene hale nendi mukonda liova lia kayondo kendi, kulila na kulinyenga navua navua. ¹⁶ Vakahandekele nguavo, "likele, likele mbongi ije yakama ije inathala ntanga ya cili, 3 yakuthivuluka, yakuvenga, uali fuikile na na olu, 3 mavue acili na makayi! ¹⁷ Mukonda ku ola imo ika vufuko vuoxe vuna viha." Uoxe kapitau ua vuato, mumala uoxe muka vuato, vaka kujavula, na uoxe, na voxe vaje vekuuana via kuyoya navio mu mema akalunga vemanene hale. ¹⁸ Avo vatambekele mu vamuene muithzi uaku uema kuendi. Avo nguavo, "mbongi lika inalifu ngue mbongi yakama?" ¹⁹ Avo vaxokomuene likungu hamitue yavo, na kutambeka, kulila na kulinyenyeta, "cikele, cikele mbongi ije yakama kukekuo voxe vakamato ku mema aKalunga va vukile ku vufuko vuendi. Omo ku ola imo lika vufuko vuna viha." ²⁰ "Jolela omo yendi, ove lilu, eni vantu vakulela na va Postolu na vapolofeto, mukonda Kalunga naneha kupangula kuove hali yendi!" ²¹ Kangelo ua dhzili uanonene livue ngue liakama lia kutua vunga ua liumbilile mumema aKalunga, nguendi, "ngacije vene, Mbambilone, mbongi yakama, vaka yumbila na muyoyo kuva kaimono na nahamo hahi. ²² Na lijui lia vakakunthika vinthanzi, vakakuimba, 3 vakatulialia na maluneta, viancia kuvakovu na kukanua kavo. Nambe umo nkulungu ua nkala ovio kuvaka muuana muliove. Na lijui lia kutua kua vunga lia miaka kuvakovu na muli yove. ²³ Na ceke ca kandiyelu kuli kaxuama na muli yove na. Na lijui lia vavenia vulo neli lia muali liamia kuvakovu na muli yove nakumo kuahi. muomu vakama venda voxe na vimiata viahathzi, na vifuti viove ua vikuithile na vulothi vuove. ²⁴ Muli yendi maninga a vapolofeto na aa a vantu vaku jela va Kalunga va auanene, na maninga a voxe vava thzihile vahathzi.