¹ Umo uavaje tungelo vatanu navavali uje ua kuatelelele lilonga lia mucitanu na avali uethile na kunjileka ange, ''Ija, ange njika kuleketha vihitho via lipangala uje ua kama uje na tumama hamem a engi. ² Na uje vimiene vahanthi valingile nendi vupangala, na viniu kuvupangala vuendi vaje vakala hanthzi vakoluele. ³ Mukemuo kangelo uanjambatele mu spilitu uanjambatele mu vindinda, lalo njamuene mukentu na tumama ha kanthitu ua kuvenga uje uaxulile na mathina akuxaula. Kathitu uakele namitue itanu naivali na vimbinga likumi. ⁴ Mukentu uathalele via kuthivuluka nevi via kuvenga ualifuikile na na olu, mavue akuvuaha, na makayi. Endi ua kuatelelele mulivoko liendi nganja ya Olu yaxulile na viuma viakuviha na viakujuala na vupangala vuendi. ⁵ Haluholo luendi vathoneneho lithina lia kulanguluka mu vuxueke: ''Mbambilone yakama, iua ya mapangala na viuma via kuviha via hanthzi.'' ⁶ Ange njamuene mukentu uye uakoluele na maninga a vantu vakulela va njambi na maninga a vimbangi via Yesu. Omuo munja mumuene yendi, ange njakomokele muakama. ⁷ Vunohoni kangelo uahandekele nange, Mukonda vika ove ukomokela? Ange njika kulomboluela vulanguluke via kuxueka vua mukentu navuakanthitu uje ali na mitue itanu na ivali navimbinga likumi ⁸ Kanthitu uje iuamuene ua keleko, kakakalakona, navuithililo vuendi aka tundilila kucina ku cakele na mavanda. Keho endi akaya kukunonga.Ovo vakala hathi, Ovo mathina avo kuva athanene mumukanda ua muono tunde kuluvula lua livu-avo vakakomoka omo vakamona kathitu mukonda endi uakele lumo, mualolo uahiko nolo akeja. ⁹ Eni vavithana via mana aje ali navithinganyeka. mitue ije itanu naivali inapu mikinya itanu naivali hakeho hatumamene mukentu. ¹⁰ Vakevo lalo vimiene vatanu navavali. Vimiene vatanu vauile umo kuahi, mukuavo kanda eje, omuo ikeye eja, endi akali langaho kanthimbu kakandende. ¹¹ Kathitu uje uakele lumo lika, mualolo uahimo, nolo endi ali muene ua mucitanu na vatatu. Endi uakundama kuli vaje vatanu na vavali nakuya kukunonga cendi. ¹² Vimbinga likumi vije viuamuene vikevio likumi lia vimiene vaje kanda valambuile vumuene, Vunohoni avo vaka vatavethela kupua vimiene ha ola imo mumolika na kathitu. ¹³ Ava valina mana amo lika, keho vana hana ndhili na nakutavethela kuli kathitu. ¹⁴ Avo vaka hana fueto yanthita luitha muna injui. Keho honi muna injui aka va vula mukonda ikeye shukulu yavashukulu namuene wavimuene keho vaje voshe vali nendi vaka vatumbula vakuhangula navaka kutshelela. ¹⁵ Kangelo ua handekele nange,"mema ava muene, oho hatumamene lipangala, akeo vantu, vimpunga, vifuti, na malaka. ¹⁶ Vimbinga likumi viuamuene-avo vakevo tuthitu vaje vathindile lipangala. Avo vaka mupuntha mupolangwa na mixenga xenga , avo vakalia mbunda yendi, kumana vaka muthzimika uoxe natuhia. ¹⁷ Omo Kalunga nahaka muvimbunge viavo kuambatelamo cipanga cendi mukulitava kuva hana ndhili yavo yakutumina kathitu noho majui a Kalunga akapuemo. ¹⁸ Mukentu u uamuene ikeye mbongi yakama yi li na ndhili kutumina helu lia vimuene vaha nthi.