1
Ngoco njamuene cidthivitho ca muilu, cakama na vikomoketho: Kuakele mapaketho atungelu atanu na avali, Akeo mapaketho akumanetha, akeo akamanethaho na vukalu vua Kalunga.
2
Njamuene via lingiuile vikale cixali xamakende akulixova na tuhia. Vamaneneko vaje vavulile uje kathitu na cifua na numelu ya cimuetho ca lidthina liendi. Avo vakuatelele vitua viavahanene Kalunga.
3
Ngoco vembile muaso ua Mosesa, vandonge va Kalunga, na muaso ua muna injui: "Vipanga viove viakama vikomoketha, Muene Kalunga. Vingila viove via sungama viacili, Muene ua vifuti vioxe.
4
Yiya ou ajeneka kukutewa yove, Muene, na kuxangala lidthina liove? Yove lika lika liove uajela. Vifuti vioxe vikeja vika kulemetha yove mukonda vucili vua vipanga viove vana vujombolola."
5
Kunima yevi njamuene, na ngeleka ili na tende ya vumbangi vayixokoluele muilu. Keho
6
tungelo vatanu na vavali ava vakele mumapaketho atanu na avali avo vatuhuka mu tembele. Vadthalele vithala via kuviakula, viakutoka avo vana lipatakana dthinkata via Olu havintulo viavo.
7
Hakati katuthitu vaje vahanene tungelu vatanu nava vali malonga aa Olu akuxula avukalu vua Kalunga, uje ua miaka yoxe.
8
Ngeleka yaxulile namuinthi na vumpau vua Kalunga na kundthili yendi. Naumo uahi akovela mutembele ao mapaketho atanu na avali atungelu vatanu na vavali anapumo.