¹ Njatalele njamuene muna injui nemana hamukinya ua Siono. Kumo lika navantu vakele 144,00 ava vovathona lidthina liendi neli lia ixe hamaluholo avo. ² Njovuile lijui litunda muilu ngue kupupa kua mema amengi na mihiato. Lijui lionjovuile ngue vakakuthika kaumba vathika. ³ Vembile muaso ua uha kumexo amangu ya kupanguila kulutue lua vikamuono viuana na vakuluntu. Naumo uahi ua lilongethele muaso kutundithako ava 144,000 ava vocalandele cifuti. ⁴ Avo vaje vaka kujeneka kuli jualetha na vantu, mukonda kanda vambate lumo avo lalo vekulitakametha. Avo kuxuama muna injui kuoxe kuje kuaya. Avo vakevo vovolamo vantu vakulivanga vaKalunga na muna injui. ⁵ Avo kuvakele navixaki mutunua tuavo; mukonda vasungama. ⁶ Ange keho njamuene kangelo umo apulula muilu, ou uakele na mudthimbu uacili ua miaka yoxe auambulule kuli voxe vakala mucifuti, kumembo, mixovo, nadthindaka, na vantu voxe. ⁷ Endi uathanene na lijui liakama, "Teueni Kalunga na kumuxangala. Mukonda nthimbu ya mpangulo iknahete. Mulemetheni , uje uapangele lilu, uapangele livu, mema aKalunga, na mankimba amema.'' ⁸ Kangelo mukuavo kangelu uamucivali uaxuamene, uakuanyene nguendi, ''Inau, Inau ikeyo Mbambilone yakama, ou uanuitha mixovo yoxe vinyu via ndthili via vukuidthi vuendi.'' ⁹ Kangelu mukuavo ua mucitatu ua vaxuamene, uakuanyene nalijui liakama nguendi, "Nkala ou uekulemetha ou kathitu na cifua cendi akale na cito haluholo nda halivoko, ¹⁰ endi akanua lalo viniu vimo vinyi via Kalunga vukalu, viniu evi viova jeneka kulumba vavixuuila munganja yavukalu vuendi. Muntu ou akavinua vaka mupaketha mutuhia na mumavue kumexo aKalunga na tungelu na kumexo amuna injui. ¹¹ Muinthi ou uekuvayandetha miaka yoxe, avo vuthsiki na mutana kuhuima kuahi kuli kulemetha kathitu na cifua cakathitu, na nkala umo ali na cito calidthina liendi. ¹² Kuno kuli kuthana kua vantu vakakukoletha vakujela vaKalunga, vaje vanyunga maxiko aKalunga na kuthselelela kuavo muli Yesu." ¹³ Njovuile lijui litunda muilu ngualio, "Thona evi: Vavedthuka vaje vakakuthsa vaje vathsila muli muene." "Mukemuo," nguayo Mpunthi, ''ngoco nguayo vakahuima kuvipanga viavo, kuvipanga viavo vika vaxuama." ¹⁴ Ange njatalele, ngoco njamuene lixelua lia kutoka. Halixelua ha tumamene umo ngue muna muntu. Ali na nkata ya olu kumutue uendi na citietho ca kuhomona mulivoko liendi. ¹⁵ Ngoco kangelu mukuavo uatuhukile hanja lia tembele uathanene uje ua tumamene halixelua nalijui lia kama: "Kuata vuino mpoko yove ya kutietha utameke kutia. Mukonda nthimbu yove ya kutia inapumo, vuxuka vuoxe vua mucifuti vunahi." ¹⁶ Ngoco uje uatumamene halixelua uatambuile mpoko yende nakutameka kutia kucifuti coxe, ngoco mbuto yamucifuti coxe ua itiele. ¹⁷ Kangelu mukuavo ua tuhukile mu tembele ya muilu; nendi uakele neci cakutietha cakuhomona. ¹⁸ Kanda kangelu mukuavo ua tuhukile cintako, ou uakele nampoko ya tuhia. Uatambakanene na lijui lia kama kumu kuavo uje uakele na citietho cakuhomona, "Tambula cakutietha cove cije cakuhomona na kukunguiya vuxuka vuoxe vua viniu viamucifuti, mukonda vioxe vinahi." ¹⁹ Ngoco kangelu ua cipupile cindthaliejtho cendi hanthi na kupokola mandjembele aa hanthi. Ua viumbilile munciuua yakama ya kukamuina vinyu via vukalu vua Kalunga. ²⁰ Ngoco nkombe ya kukamuina viniu va cumbilile hanja lia limbo lia kama, maninga ahitile kutunda kuvikevio noho kuilu lia njivo, via 1,600 standiu.