¹ Keho Yesu mua hitile ua muene mumala ua kapuputua kutunda muva muneha. Vandongethi vendi vamuihuile. ² "Mulongithi, iya uavulumuna, ou mumala ndi vakuluntu vendi, vikale nguavo vamuthema kapuputua?" ³ Yesu uava kumbulula ," keti ou mumala , ndi vakuluntu vendi, nkumacho linga vipanga vua Kalunga via liyombolola muli yendi. ⁴ Tunapande kuyombolola vipanga vua uje ua njitumine nthimbu kuchili cheke cha mutania muthithi uneja keho uahi lalo apanga . ⁵ Nthimbu njili mulifuti, yange cheke cha lifuti." ⁶ Muamanene Yesu kutumbula viuma evi, ua yekuilile hathsi, uamungile lindova na mate , keho uamu haka olio lindova mumesho. ⁷ Ua kuaniene nendi,"Kaye, katane muchishali cha Silomi.(china langunuka "Wakutuma"). Keho uje mumala uayile ko, uakatanene, keho uaka hilukile amona. ^{8 9} Keho vaje valihatele navo mumala uje na vaje vamumuene kunima muakele mukua kulombalomba vakuaniene, " ou mumala keti ikeye uakele kulombolomba?" ⁹ Vamo va kuaniene," ikeye ou" vakuavo va kuaniene," kuahi, vunoni ualifua nendi," keho uakuaniene ,"yange uno". ¹⁰ Vakuaniene kuli yendi, Keho mesho ove vati ana kushuka?" ¹¹ Uava kuaniene, " mumala auku tumbula Yesu uapangele lindova uanjihaka lio mumesho ange na kukuanie nange," kaye ku Salomi ukatane ,keho njaya njaka tana, oshe njina uana kumona ," ¹² Uakuaniene nendi,"kuiko ali?" ua vakuaniene, " kunje dthivukile," ¹³ Vanehele mumala uye uakele kapuputua kuva Faliseu. ¹⁴ Ngoco viakele litangua lia Thapalalo omu mua lingile Yesu lilondova eshule mesho endi. ¹⁵ Keho lalo vaFaliseu va muihuile vati mua uanene kumona cendi. Wava kuaniene, "Nanji hakele lindova mumesho, njakatana, keho oshe njimona ngeci." ¹⁶ Vamo va vaFaliseu vakuaniene, "mumala ou keti ua kuli Kalunga mukonda keku niunga Thapalalo." Vakuavo vakuaniene, "Vati mumala muka vupi muapanga vimuetho viacifua oco?" Keho kuakele ku lihangunuka mukati kovo. ¹⁷ Keho vehuile lalo uje mumala ua kapuputua, "Vika uhandekako kuli yakeye, mukukala nguavo mesho ove?" Mumala uakapuputua ua kuanieneko, "ou kapolofeto." ¹⁸ Oho va Yunda nolo kuva vitavele via kutuala kuli yakeye nguavo uakele kapuputua ngoco nauana kumona kuendi kamane vathanene vithemi va uje ua uanene kumona kuendi. ¹⁹ Vehuile vithemi vendi, "Ou yakeye muneni yomuamuene uathemukile kapuputua? vati honi muamona ngechi?" ²⁰ Keho vithemi vuendi uava kuaniene, "Tuna vhithivuka nguove ou munetu lalo nguavo ua themukile kapuputua. ²¹ Omu muali nakumono ngechi kututhivuka nou lalo neshula mesho endi, kutuithiva muihuleni, mukuluntu ou katha kuli kuaniena endi vavenia." ²² Vithemi vendi va kuaniene vilinge evi, mukonda vakele naliova lia vaka Yunda vakele laja nakulitava nguavo uoshe amuitava kukala kilisitu vamumbila hanja ya sinangoge. ²³ Mukonda lievi vithemi vendi va kuaniene," mukuluntu muihuleni." ²⁴ Nahaje luamu chivali va thanene mumala uje uakele kapuputua nakukuania nendi, "Hana vishangala kuli kalunga. tunethiva nguavo mumala ou muka vupi; " ²⁵ Keho uje mumala ua va kuaniene, "konji vi thivuka amba endi muka vupi. chuma chimo njithevuka; njakele kapuputua; vunoni ngechi njimona." ²⁶ Keho uamu kumbuluile," Vika viana kupanga? Vati neshula mesho ove?" ²⁷ Ua kumbuluile." njina mileke laja, lal komua tolilile! Vika muyonguela kuvivua lalo? kumuyongola kukala vandonge vendi neni, ndi muyongola? ²⁸ Vamu shiluile nakumuleka," Ove undonge yendi vunini etu vandonge va Mosesa. ²⁹ Tunethivuka nguetu Kalunga ua kuaniene na Mosesa vunoni, kutuathivukile uakuiko mumala ou." ³⁰ Mumala uje uava kuaniene nakuvaleka," Ovu vuchili, nguavo kumuithiva kuiko kuatunda, vuno nolo neshula mesho ange, ³¹ Munethiva nguavo kalunga kekutolila mukua vupi, vunoni nga umo nalikuminia nakushuama mashiko endi, aka mutolila. ³² Kutunda ha kuvalekakua lifuti kuva viuvuile lumo nguavo umo neshula mesho a muntu ua themuka kapuputua. ³³ Nga mumala ou keti ua kutunda kuli Kalunga, nga kapangele navimo viahi," ³⁴ Vamu kumbuluile kumuleka," Ove uathemukila muvupi vua venia,kumana utulongetha," keho vamumbilile hanja. ³⁵ Yesu ua viuvuile nguavo, vana mutuhula hanja lia sinangonge. ua muuanene na kukuanianendi." una tava umona muntu?" ³⁶ Ua kumbuluile na kukuania," ikeye yiya, Muene,kamane njimu tave?" ³⁷ Yesu uamulekele," ua mumona, lalo ikeye ai naku kuania nove," ³⁸ Mumala uje ua kuanieneko," Muene, njinatava," lalo vamu shangalele. ³⁹ Yesu uakuaniene," lia kupangula njethila hanhi linga voshe kuvekumona vamone navaje vakamono vajeneke kumona," ⁴⁰ Vamo vava Faliseu vaje vakele nendi vovuile viuma evi naku muihula," Netu tu tupuputua?" ⁴¹ Yesu ua kuaniene," Ngamuakele tupuputua, nga kumuakele na vupi, vuno ngechi mukuania "tumona; keho vupi vueni vunakalelela."