¹ Tala chithona muli Youano 7:53. Yesu uayile kumukinya ua oleve. ² Ualivangele cimenemene endi uethile lalo mutembele, nambunga yoshe ya vantu yethzile; endi uatumamene ua valongethele. ³ Vaka mathona na vaFaliseu vanehele mukentu uvakuatele alinga vukuithzi. Avo vamuhakele mukati. ⁴ Keho avo vahandekele nendi nguavo, "mulongishi, mukentu ou tuna mukuata alinga vukuithzi. ⁵ Nahano mumashiko, Mosesa uatu tuminine kukmuasha na mavue muntu uangeci; Oveco vika upangako kuli yendi?" ⁶ Avo vahandekele evi mukumutela yendi linga vakauane viuma via kuhitha navio hali ovio, vunoni Yesu uakulumanene uathonene hanthi na mavue. ⁷ Omu avo vashuenetheleko kumuihula vihula, endi uakatukile uemana nakuhandeka navo nguendi, "Umo mukati keni kalingile mulonga, yendi alivange kuasha livue hali yendi." ⁸ Endi uakulumanene lalo, uathonene hanthi na minye yendi. ⁹ Omuo movovuile ngocho, vamuthile umo ku umo, kutamekela uje uakama. Mukumanetha Yesu uathalele lika liendi, na mukentu uje uakele mukati. ¹⁰ Yesu uakatukile uahandekele nendi nguendi, "Mukentu, vevo vaje vana kuneha? Naumo uahi nakuhitha yove?" ¹¹ Endi nguendi, "Naumo uahi, Muene," Yesu nguendi, "Nambe yange kunji kuhitha yove. Ya keti ukalingena mulonga." ¹² Yesu uahandekele lalo navo, nguendi, "Ange yange cheke ca hanthi; ou anjishuama yange kakende mumithithi vunoni akakala namutana uamuono. ¹³ VaFaliseu vahandekele nendi nguavo, "Ove uliambulula mukutuala hazli yove vavenia; Vumbangi vuove keti vuavucili." ¹⁴ Yesu uakumbuluile uahandekele navo nguendi, "Nambe nga ange njambulula viahata kuli hyange vavenya, vumbangi vua vucili. Ange njidthivuka kuje kunjatunda njithivuka nakuje kunjiya, Vunoni eni kumuthivuka okuo kunjatunda nambe okuo kunjiya. ¹⁵ Eni mupangula kutuala mu vuntu; Ange naumo uahi njipangula. ¹⁶ Nga nolo ange njipangula, mpangulo yange yavucili mukonda ange keti likaliange, vunoni ange natata uje uanjituma yange. ¹⁷ Yii ngoco, na mumashikoevi vana vithono nguavo vumbangi vua vamala vavali vua vucili. ¹⁸ Ange yange uje aliambulula mukutuala kuli yange vavenia, na ,tata uje uanjituma yange ambulula via kutuala kuli yange." ¹⁹ Avo vahandekele nendi nguavo, "Kuiko ali isho?" Yesu uakumbuluileko nguendi, "Eni muthzivuka nambe yange nambe tata; Nga yeni munjithzivuka yange, eni muli nakuthzivuka lalo tata." ²⁰ Endi uahandekele majui oo navaka kuhaka vimbongo omuo endi ualongethele mu tembele, naumo uahina uamukuatele mukonda nthimbu yendi nolo kanda ije. ²¹ Ngoco lalo endi uahandekele navo nguendi, "Ange njinai; eni muka njithselela yange mukatsa na mulonga ueni. Okuo kunjijya, eni kumuijako." ²² VaYundeya nguavo, "Akalithsiha endi vavenya? Vikevio viahandeka, 'Okuo kunjiya eni kumuatha kuijako'?" ²³ Yesu uahandekele navo nguendi, "Eni muatunda kuinthi; ange njatunda helu. Eni muvahano hanthi; Ange keti njijuahano hanthi. ²⁴ Mukemuo honi, ange njinahandeka nguenge eni mukatsa na mulonga ueni. Ngoco mpano eni mutave ngueni ange yange, eni mukatsa mumulonga ueni." ²⁵ Avo vahandekele nendi honi nguavo, "Yove yiya?" Yesu uahandekele navo nguendi, "Ovio vio njahandekele neni yange kutunda ku kutameka. ²⁶ Ange njili navia vingi viakuhandeka neni na kupangula kutuala kuli yeni. Nambe ngoco, ou uanjituma yange muka vucili; Naviuma vinjovua yange kutunda kuli yeni vikevio viuma vinjihandeka navaka hanthi." ²⁷ Avo kuvaviuvuile nguavo endi uahandekele navo via kutuala kuli ishe. ²⁸ Yesu uahandekele nguendi, "Omu mumu kakulika muna muntu kuilu, umba mukathzivuka ngueni ange yange, ange njapangele navimo via hali ange vavenya. Ngue munjilongethele yange tata, ange njihandeka viuma evi. ²⁹ Ou uanjiktumine endi ali nange, endi kanjithile likaliange, mukonda ange nthimbu yoshe njekupanga ovio vimuya kumbunge yendi." ³⁰ Omuo muahandekele viuma ovio Yesu, vavengi vatavele muli yendi. ³¹ Yesu uahandekele nava Yundeya vaje vatavele kuyendi nguendi, eni nga mukala mulithzina liange, keho eni muvandonge vange vavucili; ³² Eni na mukazhivuka vucili, na vucili vukamivutula." ³³ Avo vamukumbuluile nguavo, "Etu vana va Avilahama etuna kutuakele kuvundungo vuavamo; Vati uhandeka nguove, eni mukavutuka'?" ³⁴ Yesu uavakumbuluile nguendi, "Cili, cili, njihandeka neni nguange, nkala umo apanga mulonga napu ndungo ya mulonga. ³⁵ Ndungo kakala munjivo nthimbu yoshe, mona akala nanjivo nthimbu yoshe. ³⁶ Mukemo honi nga munendi akamuvutula, mukavutuka muvucili. ³⁷ Ange njimithzivuka nguange eni muvana va Avilahama; eni vathetela kunjithziva mukonda muliyeni muhela ua lijui liange uahimo. ³⁸ Ange njihandeka vije vinjinamono na tata, eni lalo mupanga vije vimunovu kuli ishe yeni." ³⁹ Avo vamukumbuluile vahandekele nendi nguavo, "Tata yetu Avilahama." Yesu uahandekele navo nguendi, "Eni nga muakele muvanike va Avilahama, tenga mupanga vipaznga via Avilahama. ⁴⁰ Nolo nahano muthselela kunjizhiva, muntu uje uamilekethele via vucili vije vinjovua yange via kutundilila kuli Kalunga. Avilahama kapangele via kufua ngeci. ⁴¹ Eni muli nakupanga vipanga via isho yeni." Avo vahandekele nendi nguavo, "Etu kutuathemukilile ku vukuizhi; Etu tukala natata yetu: Kalunga." ⁴² Yesu uahandekele navo nguendi, nga kalunga uakele isho yeni, eni nga munjiyongola yange, angeni njatunda kuli Kalunga njili na hano; Ngoco nambe njeja ange vavenya, vunoni yendi uanjituma. ⁴³ Vati eni kuvua majui ange kuahi? ngeci mukonda eni komuatha kuvua majui ange. ⁴⁴ Eni muli na ishe yeni, Satana, eni na muyongola kupanga viyongola via ishe yeni. Endi muuka kutsiha kutuna kukutamekela endi na kekukala muvucili mukonda muli yike vucili vuahimo. Endi omu muahandeka vishaki ahanndeka viakutunda kuli yendi vavenya mukonda endi muka vishaki na ishe ya vishaki. ⁴⁵ Nolo, mukonda ange nolo njihandeke via vucili, eni kunjitava yange kuahi. ⁴⁶ Iya umo ueni anjipaya yange na mulonga? Nga ange njinhandeka vucili, muo liavika eni kunjijtava yange kuahi? ⁴⁷ Ou muka Kalunga ovua majui viaKalunga; Eni kuvua kuahi mukonda keti muvaka Kalunga." ⁴⁸ VaYunda vamukumbuluile na kuhandeka nendi nguavo, etu kuhandeka vuchili nguetu, ove umuka Samaliya ove uli nandemon endi?" ⁴⁹ Yesu uakumbuluile nguendi, Ange kunja kele na ndemone, Vunoni ange njithingimika tata, enicho kumunjithingimika yange. ⁵⁰ Ange kunjinthelela vumpahu vuange ; kuliumo athelela nakupangula . ⁵¹ Vuchili, Vuchili ange njihandeka neni; nga uoxe ou anyunga lijui liange , endi kamono kutsa." ⁵² VaYunda vahandekele nendi nguavo" nahano etu tunezhiva nguetu uli nandemone. Avilahama na va Polofeto vathsa; vuno honi cho ove nguove, nga umo ou anyunga lijui liange endi kakamakela kuthsa. ⁵³ Ove kuuahamene utuvakane tata yetu Avilahama ou uathsa, umuatha? Vapolofeto lalo, vathsa. Yove iyayaco ulitundithamo ove vavenya omu?" ⁵⁴ Yesu uakumbuluile nguendi, "Nga ange njilithumboka ange vavenya, vumpau vuange vukevuo vuahi vene; ngocohoni tata ikeye anjithumboka yange mukutuala kuli uje vene muana handeka nguendi yendi Kalunga keni. ⁵⁵ Eni kumuthzivuka, vuno honi 'ange njimuthzivuka nga ange njinahandeka nguange ange kunji muthzivuka; Ange nga njilinga ngeci mueni, vaka vishaki mukaco, ange njimuthzivuka njanyunga na lijui liendi. ⁵⁶ Ishe yeni Avilahama ua jolelele muamuene litangua liange endi ualimuene uovua kuvuaha;" ⁵⁷ Vayunda vahandekele nendi nguavo, ove nolokanda upuithe miaka makumi atanu muvukuluntu; uamona vati Avilahama?" ⁵⁸ Yesu uahandekele navo nguendi, "cili, cili, njihandeka neni angue nguange, kulutue Avilahama te uahi, ange yangeou. ⁵⁹ Keho avo vakakuile mavue vamuashange yendi, Vuno honi Yesu uavalekele endi vavenia uatuhukile mu tembele uaile.