¹ Chili chili ndjimu leka ,ngwange, ou kakovelela kutji kolo tjalimbaa lyavinjui, keho alondela kwako, yikeye mukaku vihitha. ² Keho honi ou akakovela kutjikolo, yakeye kanyungi kavinjui. ³ Muka kunyunga lipito amushokolwela, keho vinjui vhuvua liyi lyendi; keho atumbula mathina avinjui vendi, keho avituala handja. ⁴ Omo natuhula vioxe vendi, avi tuamena keho vinjui vimu xuama; muomu vimuthivuka liyi lyendi. ⁵ Muomu ngendthi kuvamuxuama, momu vamuteua, muomukuvathivuka liyi lya ngendthi. ⁶ Yesu wavalekele chithimo echi keho honi kuva vithivukile vyuma ovyo valekele. Yesu kanyungi uachili. ⁷ Muakama vene yesu uavalekele nawa, nguendi chilichili ndjimileka, nguange yange chikolo chavinjui. ⁸ Vuoshe va vangele kulutue luange vakevo vithi naku vihitho; keho honi vinjui kovava tolilile. ⁹ Yange chikolo, nga umo akovela muli yange, a kovoka keho aka kovela naku tu huka , aka uana kulya kuendi. ¹⁰ chidzi keku puandja ngocho, kuva nga kupuandja naku thsiha naku nongetha, ange ndji nendja ngechiye vakale namuono, keho vakale navo uauingi. ¹¹ Yange kanyungi kachili, kanyungi kachila atula muono uendi omo vinjui. ¹² Ou anyungila fueto, yikeye keti kanyungi vinjui ni keti viendi, amona kangunga eja, keho atha vinjui, ateua, keho kangunga avi kuata, keho avi xandangana. ¹³ Ateua muomu yikeye muka fueto, keho kayongola vinjui. ¹⁴ Yange kanyungi kacili, keho njithivuka vange, na vaznge vanjidthivuka yange, ¹⁵ Ngue tata anjithivuka, nange njimudthivuka tata, keho njitula muono uange omuo vinjui. ¹⁶ Keho vinjui viavio njili navio, keti via limba lino, njinapande kuvaneha lalo, keho vakovue lijui liange, keho vakapua vutanga vumo lika na kanyungi umo lika. ¹⁷ Ngoco vene tata ua njiyongola, muomu njitula muono uange linga nji utambule lalo. ¹⁸ Naumo uahi anjitambulauo, ngoco njiutula ange vavenya, njina dthiliya ku utula, Keho njina dthiliya ku utambula lalo. Lijui lia lixiko lino lionja tambuile kuli tata. ¹⁹ Omo dthinkanda dtha vayundeya vali handekele hakati kavo. ²⁰ Keho vavengi vahahakati kavo vakuanyene, nguavo, ''Ali nampkundthi ya kujuala, nadthaluka, vika mumutolililila''? ²¹ Vavo nguavo, Evi keti vikuanya via muka mpundthi ya kujuala, Mpundthi ya kujuala yatha kuaxula mexo akuthsa ndi? ²² Keho ku Jelusalema kuakele chiuano cakulia cakutoketha tembele. ²³ Cakele cisika, keho Yesu ua nakuendangana mu Tembele kulikeke lia Salomone. ²⁴ Keho honi vaYundeya vamuthe aye kuva mulekele, vakuanyene nendi, nguavo, dthinthimbu dthingahi ukatutha nadthimpata? Nga ove ukilistu, utjuleke kuxungama. ²⁵ Yesu uava kuanyene, nguendi ndjami, neni kumu thselela, vipanga evi vindji linga mulizina lyatale, vikevyo vindji zimbula vukaleho. ²⁶ Keho hani eni kumu thselela muomu eni keti muvanjui vange ²⁷ Vinjui viange vovua lijui lyange, nange njiva dthivuka, keho vandji xuama ange. ²⁸ Keho njivahana muono ku uekuhua ua yaye; ku va kuthi miaka yoxe, keho naumo uahi ava tambula muli voko lyange. ²⁹ Tata uandji hanene vo ikeye ua kama ku voxe; keho naumo uahi avatha ku vatambula muli voko lya tata. ³⁰ Na tata nange tuapua umo lika. ³¹ Keho va Yundeya vanona mavue vamuaxe. ³² Yesu uava kuanyene, nguendi vipanga vua vingi vuachili vuaku tunda kuli tata vindji namileke, mundja xela mavue chipanga chika chevi? ³³ VaYundeya vamu kuanyene, nguavo,kutu kuaxela mavue vipana vua chili, muomu ove umunu keho uli puisa muomu xuku Kalunga'? ³⁴ Yesu uava kuanyene nguendi, keti vana kuthona ku mukanda yalixiko, nguavo, ndja kuanyene nguange eni vaKalunga'? ³⁵ Muomu vavithona laja kutava kuahi kudthimangana. muomu kalunga ua kuanyene nguendi vaKalunga vaye vatambuile lijui lya Kalunga. ³⁶ Eni muomu handeka ou, yixe yatokesele, keho yatumine hano hanthi, ngueni, una xaula Kalunga, muomu ndjina kuanya, nguange, yange muna Kalunga'? ³⁷ Nga kondja pangele vipanga vuaTata, keti mundji thselele. ³⁸ Keho nga vuakevuo vuondji panga nambe komundji thselela yange, Tata muali muli yange nange muli Tata. ³⁹ Vethekele lalo kumu kuata, keho vadthivukile kuli voko lyavo. ⁴⁰ Keho ua yile musina yaYolondau kuje kua xelelele Yowano haku li vanga. hakeho uaka kele oko. ⁴¹ Keho vavengi vanthile kuli yikeye, vakuanya nguavo, Youano kalingile vikomoketho nachimo chahi keho voxe va handekele Yowano via mumala ou viachili. ⁴² Keho vavengi vakele kuya nendi vamuthselelele.