¹ Vunoni mumala umo, lithina liendi, Lasalu, muka mbetanija. Uakele naku vavala, likelio limbo lia Malija mukuluntu uaMata. ² Malija ikeje uje vene ua vuavuethele muene Mathi. Keho ua hundile kuma hindi endi na vinkambu viendi, Lathalu, uje ua kele nakuvavala. Ikeje mukuluntu uendi. ³ Ngotjo vakuluntu vendi vatumine kulikeje, nguavo, muene uje joua jongola. Ali nakuvavala. ⁴ Vunoni jesu muovuileko, uahandekele, nguendi, vuvethi ovu ketji vuakutha. Vunoni vuaku jombolola vumpahu vuakalunga, linga vathumba ngeje munakalunga navukevuo. ⁵ Vunoni Jesu ua jonguele Mata, namukuluntu uendi Lathalu. ⁶ Ngotjo vene ua vuileko matangua avali lalo kuje kuakele. ⁷ Keho wahandele navandongesi guendi, injeni tuakuje kuvaJundeja lalo. ⁸ Vandongesi vandokele nendi nguendi, nguavo mulongisi mualolo vene vaJundeja vathetela kukuashamavye. Keho ukuja kuje lalo ndi? ⁹ Jesu uahandekele nguendi, kumutana kuakala likumi nathivali thathi ola. Ngaumo endamumutana kalemana, muomu amona mutana uahano hamavu. ¹⁰ Vunoni ngaumo endavuthiki, alemana. Moumu mutana uahimo muliikeje. ¹¹ Uahandekele evi, keho uahandekele nava vonguendi, mukuetu Lathelu naimutulo. Vunoni njija, linga ndjimunjangumune mutulo. ¹² Ngotjovene vandongesi vahandekele nendi, nguavo muene nganai mutulo, nga aka kanguka. ¹³ Vunoni Jesu autumbuile kuthatjendi, vunoni vathingana njekele ngahoni natumbula kuhuimakutulo. ¹⁴ Keho Jesu uavalekele mpundu,nguendi lathalu nathi. ¹⁵ Keho angendji jolelo omo jeni moumu konjakeleko linga muthelele, vunoni injeni juakujekuli ikeje. ¹⁶ Ngotjo Thomasi, ujeivatumbula vana vamapange. Uahandekele navandongesi vakuavo, nguendi tujeninetu tuthehamo nendi. ¹⁷ Ngotjo omo jesu uahete. Ua uanene ngatjije Latha nakala matangua a uana mutjihilo. ¹⁸ Vunoni Mbetanija jakele muhiehi na Jelusalema. Nguehoni vimeta likuminaitanu. ¹⁹ Keho vaJundeja vavengi vethile kuli Mata naMalija mukuvalembetheka, muomu lia mukuluntu uavo. ²⁰ Ngotjovene Mata muovuile ngatjije Jesu jouenja. Uaile nakumushesha, vunoni Malija kathi uatumamene mundjivo. ²¹ Ngotjovene Mata uahandekele naJesu nguendi, muene ngaunakele kuno. Ngamukuntu uetu kathile. ²² Nangetjivene ndjinathivuka ngatjije vioshe viakalomba kuli Kalunga. Kalunga akakuhana vio. ²³ Jesu uamulekele nguendi, munanoko akashituka lalo. ²⁴ Mata uahandekele nendi nguendi , ndjinathivuka ngatjije akashitukaka lalo hakushituka tjahahali tangua lia kumanethela. ²⁵ Jesu uamulekele nguendi, jange tjisangukilo namuono. Ou andjithelela nambe atha kathi aka joja. ²⁶ Keho uoshe ajoja nakundjithelela. Kalikatha kumiaka joshe kuhua kuahi, oveuthelela ngatjije ndi? ²⁷ Uamulekele nguendi, eua jaja mukemuo ndjinathelela ngatjije jove uKilisitu. MunaKalunga uje nenjahano hamavu. ²⁸ Keho muanahandekele ngatjije uaile, uathanene mukuluntu uendi Malija muvushueke. Nguendi mulongisi nahete, ²⁹ keho linakukuthana. Keho ikeje muovuileko uakatukile vuathi uaile kuli ikeje. ³⁰ Vuno Jesu tekanda ahete muimbo, vunoni uakele kuje kualiuanene naMata. ³¹ VaJundejava vaje vakelehamo nendi mundjivo nakumulembetheka. Movamumuene Malija uakatukile vuathi keho uatuhukile vamukavele. Muomu vathinganjekele ngatjije uaile kumbumbo mukulila kuje. ³² Ngotjo vene Malija uethilekuje kuakele Jesu. Keho uamu muene ua uile kumianja nakuhandeka ndi? Nguendi muene nga jove uakele kuno ngamukuluntu uetu kathile. ³³ Ngotjo vene Jesu uamumuene joualila, navajundeja vaje vethile hamo nendi valilile lalo. ³⁴ Keho uahandukile mu tjithithimba tjendi, uamuene kalua. Keho uahandekele guendi, kuiko muna muhaka, vamulekele nguavo muene inja utale. ³⁵ Jesu ua lilile. ³⁶ Ngotjo va jundeja vahandekele, nguavo taleni muamu jongola. ³⁷ Vunoni vamo va hakati kavo, vahandekele nguavo, ounemuitha mesho auje mukakutha mesho kathele kulinga ngatjije ou katjiathe ndi? ³⁸ Ngotjo Jesu uavinjokele lalo mumbunge jendi, ua shuenene kumbumbo. Ikeje jakale tjina tjamundundu nalivue liakele kutjikolo. ³⁹ Jesu uahandekele nguendi, tunditheniko livue, Mata. Mukuenje ua mukakutha ua handekele nendi nguendi, muene mualolo anika, moumu hanathila hanahiti matangua auana. ⁴⁰ Jesu uamulekele nguendi, kanjalekele nguange, ngauthelela ukamona vumpahu vua Kalunga ndi? ⁴¹ Ngotjo vatundithileko livue, keho Jesu ua anduile mesho endi kuilu uahandekele nguendi, tata ndjinakushangala moumu una njuvu. Keho ndjinathivuka ove uekundjivua thimbu joshe. ⁴² Vunoni njahandekele ngatjije mbunga ei inemana kuno, linga vathelele ngatjije jove uandjituma. ⁴³ Keho muamanene kuhandeka evi, uatambekele nalijui lia kama nguendi, Lathalu tuhuka. ⁴⁴ Muthi uatuhukile ua kumanga kumavoko nakumuanja nantanga na lilesu. Jesu uavalekele nguendi, muvutuleni aje. ⁴⁵ Ngotjo vaJundeja vavengi vethile kuli Malija movamuene vije vialingile, vamuthelelele. ⁴⁶ Vunoni vamo hakati kavo vaile kuli vaFalitheo vavalekele vioshe vianalingile Jesu. ⁴⁷ Ngotjo vakuluntu vavaSasendote navaFalitheo vakunguluile mbunga javo. Keho vahandekele nguavo, etu tulinga vati, moumu muntu ou alinga vithivukitho via vingi. ⁴⁸ Ngatumuethela ngotjo, voshe vakamuthelela. Keho vaLoma vakenja vakatupuanja muhela uetu, namujati uetu. ⁴⁹ Vunoni umo hakati kavo kajaFase uapuile Sasendote uakama muaka uje ua valekele nguendi, eni kamuthivuka navimo viahi. ⁵⁰ Nambe kamue kujongola tjami vuahela ngamuntu umo akathila vantu, ketjimujati uoshe ukanonge. ⁵¹ Vunoni evikavihandekele via kumbunge jendi vavena, vunoni muomu uapuile Sasendote uakama kumuaka uje. Uambuluile vupolofeto ngatjije Jesu akathila mujati uje. ⁵² Keho ketji nguehoni mujati umo lika, vunoni linga aka kungulule hamolika vana vaKalunga voshe vaka kushandoka kueka nakueka. ⁵³ Ngotjo kutunda halitangua lije valijonguele hamo kumuthiha. ⁵⁴ Ngotjo Jesu kendanganene nguehoni kukalahakati kavaJundeja. Vunoni uatundile kuje, uaile kutjifuti muhie nathindundu, kumbongi jakutumbula Efalimi. Keho ua tumamene kuje hamo navandongesi vendi. ⁵⁵ Vuno tji uano tjakulia tjava Jundeja tja Pasovala tjashuenene mu hiehi. Keho vavengi vatundile kufuti. Vakandukile ku Jelusalema mukulijeletha thimbu tji uano tja Pasovala kanda tjihete. ⁵⁶ Ngotjo vakevo vathetelele Jesu, keho valihandekethele umo namukuavo movemanene mutembele. Nguavo muthinganje kavati, kenjakokutji uano ndi? ⁵⁷ Vunoni vakuluntu vavaSasendote nava Falitheo vavalekele ngatjije nga umo nathivuka oku kuakele avaleke linga vakamukuate.