¹ Matangua mutanu nalimo kulutue lua passovala, Yesu uethile kuMbetania, kuje kuakele Lazalu, ou ua hinduile Yesu kutunda kukuthsa. ² Mukemuo va mupangelele mulalelo kuje, na Malita uakele kukuavela, vunoni Lazalu uakele umo uavaje valithsengelekele kumesa naYesu. ³ Keho Maliya uatambuile lipindilia mathi asende akushilivila analata, na kuvuavuetha nao vikandzi via Yesu. Nakuhunda navikandzi viendi navinkambu viendi. Njijvo yoshe ya shulile nakunika sende. ⁴ Yundasa Ishakalioto, umo ua vandonge vendi, yendi uje umo aka muenda vungungu, nguendi, ⁵ Mukonda vika kutua landethelele mathzi na vihita vitatu via vimbongona kuvihana kuvihutu?" ⁶ Endi ua handekele ngoco, keti ngue mukuyongola vihutu, omuo mukonda endi uakele cidhi. Endi uakele na nkombe ya vimbongo uekupuanja ovio vive kuhamo. ⁷ Yesu uahandekele nguendi," mutualeni ovio navilingila litangua lia kunjishitika. ⁸ Eni matangua oshe mukakala navihutu. Angeco kumukakala nange matangua oshe ⁹ Ngoco mbunga yayingi ya vaYundeya vethivile nguavo Yesu kuaakele kuje, nouo uethile, kuvethilile lika Jesu, Vunoni nakuakutala luhua Lazalu, ou yahinduile Yesu atunde kukuthsa. ¹⁰ Vakuluntu vavaSasendote valikundile linga vaka thsihe na Lazalu; ¹¹ Mukonda omuo honi liendi ngoco vaYundeya vavengi vaile vathselele muli Yesu. ¹² Mulitangua lia kushuamako mbunga ya kama yethile kucilika. Omuo muvovuile nguavo Yesu ueja kuYelusalema, ¹³ avo vatambuile mintago ya viti via tunkoma vatuhukule na kukaliuana nendi naku kolonyoka, "Hosanna! ua vethuka endiou eja mulithina lia muene, muene ua va Isaleli." ¹⁴ Yesu uauana muna chindongi uatumameneho, ngue muvanathona. ¹⁵ Kechi uive liova,muna mukentu ua musiono; tala, muene uove ouo eja natumama ha muongo ua chindongi," ¹⁶ Vandongi vendi kuvovuile viuma evi ha mbangelo; vunohoni Yesu muva mu thukele, Avohoni vavukile nguavo viuma evi vavithonene omo yendi na mukemuo valingila vuima evi kuli ikeye. ¹⁷ Ngocho mbunga ije yakele mumone ndi omu mua nthanene Lazalu atuhuke mu mbumbo nakumu hindula kukutsa ua mukielela vumbangi. ¹⁸ Na omuo lio ovio mukemuo mbunga yayile nakukaliuana nendi, mukonda lia chimuentho che cha alingile. ¹⁹ Mukemuo honi Fafaliseu vali yonguele mukati kavo." taleni navimonene vimuli ngakohia, teni chifuti choxe chinai munima yendi." ²⁰ Ngocho kuakele vangelengu vamo mukakati kavaje vakahandukile mukulementha kuilika. ²¹ Vakevo vaile kuli Filipe iye ua tundililile ku Mbetisainda ya Ngalileye na kukamulomba, nguavo " muata, etu tuyongola kumona Yesu," ²² Filipu uaile uakalekeleko Andeleu uali na Filipu, valekele luhua Yesu. ²³ keho yesu uavakumbulula naku handeka nguendi," nthimbu ineja omu muavaka thimboka muna muntu. ²⁴ Chili,chili ange njihandeka kuli yeni , nona ya tiliku mpano iuela milivu itse luhua, ayo ikakaa halikalia yoti; vunohoni nga ayo matsi ayo ikema vuxuka vuavuingi. ²⁵ Ou ayongola muono uendi akauthimbalentha, vunoni ou athinda muono uendi, muno muchifuti auhaka ku muono ua miaka yoshe. ²⁶ Nga umoanjipangela yange, muecheleni anji kave yange; nokuo kunji kakala, kukekuo lalo kua akakala ngamba yange, nga umo a nji pangela tata aka munthingi mika yange. ²⁷ Hano vene mbunge yange ilikaninga vikana nji kuania? tata nji nyunga kuthibu ino? Vunohoni chitela ocho chikecho china njineha kuthimbu eyi. ²⁸ Tata lizhina liove valizhumboke, " keho lijui lia tundile muilu naku handeka ngualio " ange njinali thumboka, ange njika muthimboka lalo." ²⁹ Keho oyo mbunga yemanene okua vouile muli kalanganja na kuhandeka vamo nguavo," Kangelu na handeka nendi." ³⁰ Yesu ua kumbuluileko na kuhandeka nguendi," Lijui eli kuliezhilile omuo yange, kumani kuli yeni lineja. ³¹ Hano vene kujengula chahathi chineja; mualolo vakombila kuti mune uavaka hathi. ³² Omo muvakanji kulika kuili kutunda hathi, ange nji kakokele nkala uoshe kuli ange vavenia," ³³ Endi uahandekele evi mukuni kila chifua chije chaka tsha yendi. ³⁴ Mbunga vamukumbuluile nguavo." Etu tuo vua viakutunda ku mashiko nguao kilisitu akakala miaka yoshe, vati uhandeka nguove; muna muntu vakamu kulika kuilu? iya honi ouo muna muntu? " ³⁵ Yesu honi uahandekele navo nguendi cheke nolo chili neni kathimbu kakandende. endeni thimbu muchili mu cheke, linga muthithi kechi umituva kane ou mukakuenda mumuthithi kazhi vuka kuje uaaya. ³⁶ Thimbu kanda muli na cheke, taveni mucheke linga mukakale vana vacheke," Yesu uahandekele vuima ovio uatundile kuli vakevo uakavandele. ³⁷ Vututha Yesu uakele nakupanga vileketho via via vingi kulutue liavo nolo kanda vene kuvalavela muli yendi. ³⁸ Kulingila majui a kaPolofeto Isaya a puithemo. ou ahandeka nguendi, "Muene,iya akatava veya kuna yombololokela livoko lia Muene?" ³⁹ Hautela ocho avo kuvatavele,havihandeka via Isaya lalo, ⁴⁰ Endi uahakele kavui vui ha mejo avo, endina nakalunitha vimbunge viavo; ambe ngocho vamona na mexo avo na kuvuana vimbunge viavo, na ku tengulka, ange na kunjikava kanguitha. ⁴³ Isaja uahandekele vuima evi, mukanda endi ua muene vumpahu vua Yesu na kuhandeka viendi. ⁴¹ Vuno honi tenga nguavo, vakatumina vavengi vatavele muli Yesu; vuno honi mukonda lia Vafaliseu, avo kuvalitavelele vio kulingila kechi vaka vasheke muvi sinangonga, ⁴² Vakevo vayonguele muakama vumpahu vuku tunda ku vantu kutu vakana vumpahu vuakutunda kuli Kalunga musikola. ⁴⁵ Yesu ua handekele nalijui liakama nguendi," Ou uoshe atava muliyange katavele lika muli yange vunohoni muli uje uanji tuma yange , ⁴⁴ Nauye na uje namono yange na mono uje uanji tuma yange. ⁴⁶ Ange njetha hano ngue cheke cha hathi ngocho ou uoshe atava muli yange kukakala mumunthinthi. ⁴⁷ Nga umo cho ovua lijui liange vuno honi kuli nyunga kuahi, ange kunji mupangula; muomu ange kunjethilile ku panguitha vaka hathi, vuno honi mukuovola vahathe. ⁴⁸ Ou uoshe anji viana yange nauje kanji tambula majuii ange, kuahi umo aka pangula. Majui anji handeka yange a kamupangula kuli tangua haku manethela. ⁴⁹ Omuo ange kunji handeka viange vavenia, vuno honi viatala uje uanji tuma yange au uanji hanene yange lishiko kuli ovi vinji mileka navi vinji handeka. ⁵⁰ Ange njinethiva nguange lishiko liendi likelio muono ua miaka yoshe ngocho vikevio vinji mileka nguange ngue muahandekele Tata kuli yange mukemuo vene munjina handeka