¹ Isaleli uapangele vungendhi na vioshe viendi viakele navio uaile ku Mbeleseva. kuje vene endi na hanene cikombelela kuli Njambi ya ishe Isake. ² Njambi ua handekele na Isaleli mu vimona ku vutzhiki," nguavio, " Yakomba, Yakomba,'' ³ Endi nguendi,'' Njambi, Njambi ua isho. Keci uvue lova lia kushelela ku Ingito, Muomu okuo ange ndjika ku puitha muyati uakama. ⁴ Ange njikashelela nove ku Ingito, ange na cili nyeka kuhiluitha lalo na Yosefe akoshoka mesho ove na livoko liendi vavenia.'' ⁵ Keho honi, Yakomba ua katukile kutunda ku Mbelesova. Vana vaya Yakomba vatualele ishe yavo Yakomba, vanike vavo, na vakentu. mumatemba aje atumine Falao aka muambate. ⁶ Avo vatambuile vingombe via uona vufuko vuavo vuva uanene mucifuti calie ndi hoshe. ⁷ Endi uava nehele ku Ingito vana vendi, na vana vanana vendi, vana vendi vavakentu navana vava na vendi vavakentu, na limo liendi lioshe. ⁸ A akeo mazhina avana vaIsaleli vaje vezhile ku Ingito: Yakomba na limo liendi. Luvene, mbeli ya Yakomba; ⁹ Vana va Luvene, Hanoke, Pala, Hezelone, na Kalimi; ¹⁰ Vana va Simeona, Yamuele, Yamine, ohande, Yakine, Zohale, Shaulu, muna ua mukentu mu ka Kanana; ¹¹ Navana va Levi, Ngeleshone, Kohata, na Melali. ¹² Vana va Yunda vakele Eli, Onana, Shelaha, Peleza, Na Zelaha, ( Vuno honi Elena Onane va tzile mucifuti ca Kanana). Vana va Peleze vakele Hezelone na Hamulu. ¹³ Vana va Isakate vakele Tola, Peuaha, Lombena Shimelone; ¹⁴ Vana va Zembulone vakale Selende, Elone, na Yahelele. ¹⁵ Ava vakele vana va Leiaha vaje vathemuuikilekuli Yakomba mu Pandane Alame, mumo lika na mona ua mukentu Ndina vana vendi vava mala na vana vendi vava kentu kuvatanda mukumi Atatu-na-vatatu. ¹⁶ Vana va nganda vakele Zefone,Hangi, Shuni, Ezembone, Eli, Alondi, Aleli. ¹⁷ Vana va Ashele vakele Iminaha, Ishivaha, Ishivi, na mukentu. Vana va Mbeliyaha vakele Hembele na Nalikiyele. ¹⁸ Ava vakele vana va Zilipa, uje uahanene Lambane kuli munendi ua mukentu Leya. Vana vendi ava athemene kuli Yakomba- Voshe likumi-na-vatanu-na-umo. ¹⁹ Vana va Lakele mukentu ua Yakomba vakele Yosefe na Mbenjamini. ²⁰ Mu Ingito Manase na Efalini ua themukile Yosefe kuli Asenata, muna Potifela, Sasendote ua One. ²¹ Vana va Mbenjamini vakele Mbela, Mbekele, Ashembele, Ngala, Namana, Ehi, Loshe, Mupini, Hupini, na Alende. ²² Ava vana va Lakele vathe mukile kuli Yakomba- Voshe likumi na vauana. ²³ Muna Ndane uakele Hushini. ²⁴ Vana va Nafitali Yahaziyele, Nguni, Yezele, na Shileme. ²⁵ Ava vakele vana va Yakomba vathe mukile kuli Mbiliha, uje yahanene Lambane kuli munendi ua mukentu Lakele voshe vatanu na vavali. ²⁶ Ava voshe vaje vaile na Yakomba ku Ingito, likelio liakele limo liendi kuva tandeleko vakentu va Yakomba, voshe vapuile makumi atanu na vatanu naumo. ²⁷ Na vana va Yosefe vavali vathemukile kuli ikeye mu Ingito, na vakakuli vanda kana kuvushoko vuendi vaje vaile ku Ingito voshe vapuile makumi atanu na avali. ²⁸ Yakomba uatumine Yunda kulutue luendi kuli Yosefe aka mulekethe ngila kulutue luendi yaku Ngosene. ²⁹ Yosefe uaku tilile litemba liendi akali uane naishe Isaleli ku Ngosene, Endi uamu muene, na mu vumbatelele kuthzingo yendi, na kulilila kuthzingo yendi thimbu yalaha. ³⁰ Isaleli ua kuaniene kuli Yosefe." Nahano njithze lika. Omo njina mono cihanga cove, nguange ove nolo uli na muomu." ³¹ Yosefe ua handekele na munaina kunjivo ya Ishe," Ange njiya njikaleka Falao, nguange, Vamuna nana na njivo ya Tata, Vaje vakele mucifuti ca kanana, vaneja kuli yange. ³² Vamala ovo tunuingi, muomu vaka kunyunga vimbombe. Avo vana neha matanga avo, vimuna viavo, na vioshe vivakele navio. ³³ Mukutua omo muvikeja, Falao omu mua kamithana na kumihula, " Vipanga vieni vika? ³⁴ Muka handeka ngueni," Vakakuku pangela vapuako vakutaka metha vingombe tunde voshe, na vatata yetu. " Vilingeni vene ngoco linga mukale mucifuti ca Ngosene, muomu muka kutametha uapua cizhila kuli vaka Ingito.