¹ Keho Yosefe ua yile nakuleka Falao nguendi. '' Tata nava muina yange vavamala,na vinjui, viavo namatanga avo, na vioshe vyovali navio vatundile kuci futi ca Kanana. Keho taleni, vali mucifuti ca ngosene. ² Ua tambuile vamunaina vavamala vatanu ua valekethele kuli Falao. ³ Falao ua handekele nava munaina vavamala, 'Vipanga vieni vika? ' Vahandekele kuli Falao, " nguavo, vangamba vove tuniungi, etu, lalo vaishe yetu. ⁴ Keho ua handekele na Falao nguavo, Mukulishuka mucifuti tuneja; Mukonda kokuethi muila ua matanga a vangamba vove; mukonda njalayinelana mucifuti ca Kanana; Keho mualolo vene, tua kuvundila, U tave vangamba vove kukala mucifuti ca Ngosene. ⁵ Keho Falao ua handekele na Yosefe, nguendi, '' Isho nava munanoko vavamala vaneja kuli yove. ⁶ Cifuti ca Ingito cili kumesho ove mu cifuti ca kutuvakana tumbika isho nava noko; Keho una thivuka ha kati kavo vamala vamo vaku takama, vapuithe vaka kutumina vafuko vuange. ⁷ Keho Yosefe ua kovelethelemo Ishe Yakomba , na kumuleketha kuli Falao. Yakomba ua vuavuethele Falao. ⁸ Falao ua handekele na Yakomba,'' Miaka yingahi Uovokele?'' ⁹ Yakomba ua handekele na Falao,'' Matangua avu ngendhi vuange 130. Miaka ya vuovoke vuange ya yindende naku vavala. Keho kahetele ku matangua a miaka ya miono ya vatatu kumatangua avungedhi vuavo. ¹⁰ Keho Yakomba ua vuavuethele Falao, Keho ua tuhukile kumesho a Falao. ¹¹ Keho Yosefe ua tumbikile Ishe nava munaina vavamala. Ua va hanene vije via kufuka mu cifuti ca Ingito, ku cifuti ca kutuvakana, ku cifuti ca Lamese, ngue mua lekele Falao. ¹² Yosefe ua nehele via kulia Ishe, va mundina, na limbo lia Ishe lioshe, bgue kuvinjivo viavo. ¹³ keho via kulia via kele viahi muci futicoshe; mukonda kuakele lilumbu lia kama, Keho cifuti ca Ingito na cifuti ca kanana via uemene na njala. ¹⁴ Keho Yosefe ua kungile vimbongo vioshe via kele mu cifuti ca Ingito, na mu cifuti ca Kanana, na mbuto ije ivalandele; Keho Yosefe ua nehele vimbongo vije munjivo ya Falao. ¹⁵ Keho mo vamanethele vimbongo vioshe mucifuti ca Ingito, na mucifuti ca Kanana, vaka Ingito voshe vethile kuli Yosefe nguavo, Tuhane via kulia; mukonda vika tukathsila kumesho ove? mukonda vimbongo vietu viovihua. ¹⁶ Yosefe nguendi." ambe vimbongo vieni vinayi, neheni vimuna vieni; nange njikamila landetha na vimuna vieni, ngavimongo vina hu. ¹⁷ Keho vanehele vimuna viavo kuli Yosefa; Keho Yosefe ua vanehele viakulia nakucinjitha na tukambe, na vinjui, na matanga; na vindongi;keho ua va lithile na viakulia mu ku cinjithana vimuna viavo vioshe ku muaka uje. ¹⁸ Keho muaka uje ua huile, vethile kuli yakeye muaka ukuavo nakuhandeka kuli ikeye. '' Kutu li shueka kuli muene uetu nguavo, vimbongo vietu vioshe vinayi, nama tangua a vimuna akeo a muene uange. kuvanga muvila yetu, na mahia etu. ¹⁹ Vika tuthsila kumesho ove, Etu na mahia etu? tu lande etu na mahia etu kushinta na via kulia, keho etu na mahia etu tukakala vangamba kuli Falao; Keho tuhane muto, tuo voke, na kuthsa kuahi, keho cifuti keti ci kale ngoco.'' ²⁰ Keho Yosefe ua landelele Cifuti coshe ca Ingito Falao. Mukonda vaka Ingito valandethele kumuntu kumuntu lihia liendi mukonda njala yelanene muakama. Mu ngila eyi, Keho mahia akele a Falao. ²¹ Ngue kuvantu ua va puithile vindungo kuoshe kuvia ka tua vingamba via Ingito. ²² Mpano livu lia vasasendeto lika lia jenekele kulanda Yosefe, muomu va sasendote va ua tavethelele vakevo valile via mu mahia aje ava hanene Falao. ²³ Keho Yosefe ua handekele navantu,'' Taleni, Njina milanda yeni na mahia eni lelo via Falao. Ngeci hano mbuto yove, Keho uka kuva muto yove mulihia. ²⁴ Ha kuyangula , ukahana mutambela umo ua micitanu kuli Falao, keho mutambela umo ua muciana ukakala uove, mukakala mbuto ya ku mahia, na viakulia vieni. Nava je vaka njivo yeni navana vove.'' ²⁵ Vahandekele nguavo, '' Unovola miono yetu. Utave tu uane kavumi kumesho ove. Tukakala vundungo via Falao. ²⁶ Keho Yosefe ua vipuithilemo veta ya mahia aku Ingito na lelo, Ngeciye Falao a tambule mutambela uamu citano mahia avasasandeto lika aka yenekele kukala a Falao. ²⁷ Mukemo ngoco mu vatungile va Isaleli mu Ingito, mucifuti ca Ngosene. Vakeuo va livethelela muakama. ²⁸ Yakomba ua tungile mu cifuti ca Ingito muaka makumi atanu nava vali, ukemo Yakomba ua yoyele miaka cihita na likumi avana na itano naivali. ²⁹ Omo Simbu yahetele muhehi kuli Isaleli; a thsa ua sanene munendi Yosefe na kuhandeka nendi nguendi, " Ange nga njina uana ngozhi kumesho ove, kovelesa ma uoko ove mukati kamahindi ange, unji thinge ngove ukanji ukanji lekesa Cilemo na kunjononoka, Keti ukanji citike mo Ingito. ³⁰ Omuo njikandanda na tata, ukanji kakule muno mu Ingito,nakuka nji citikakumo lika nava kukuange kuvihilo vietu.'' Yosefe nguendi,'' Njikapanga ngue mumuna handeka. ³¹ Isaleli nguendi,'' Lisinge nange, Ualisingile nendi. keho isaleli ua kulumanene kumitue ya mu hela uendi.