¹ Keho Josefa kahathele kuli takametha endi vavena kulutue luavoxe vakuavo vaje vemanene hamo nendi. Uatambakanene nguendi, "Nkala uoshe andjitunde." Keho naumo uahi uemanene hamo naJosefa muajombolokele kuvakuavo. ² Keho uatamekele kulila, vakaIngito vovuile vije, nandjivo yaFalao vovuileko. ³ Josefa uahandekele kuvakuluntu vendi nguendi, "Ange yange Josefa. Tata nolo ayoya?" Vamunaina kovathele kumukumbulula, vakele naliova navua kuluholo luendi. ⁴ Keho Josefa uahandekele na kuvamunaina nguendi, "Shueneni kuno muhiehi nange, asikisi," Vejile muhiehi, Uakuaniene nguendi,"Ange yange mukuendje ueni uje umua landethele kuIngito. ⁵ Mualolokeci muluvale ndi mulihandukithe enivavena ngueni muandjilandetha ange oku, muomu shuku ualivangele kundjituma yange oku nguendi miono yeni yikayoye. ⁶ Muomu mualolo ndjala miaka ivali inakala mucifuti, ngeci koili miaka itanu eyi yova yeneka kupululandi kuhela. ⁷ Kalunga uanjitumine kulutue lueni njakumikaleleho hano hanthsi, nakumiohiela namuono nakuovoka kuakama. ⁸ Keci yeni muanjituma kuno vunoni Kalunga, nakunjipuitha ishe yaFalao, muene uavinjivo evi, nakutumina cifuti coshe caIngito. ⁹ Yeni kuli tata mukavaleke ngueni, 'Shuku uanjihana yange kukala mucifuti caIngito coshe. Ijeni kuli yange, keci mukale namalanga. ¹⁰ Muakutunga mucifuti canjosene, muakukala muhiehi nange, eni vavena navana veni navatekulu veni navinjui vieni navingombe vieni navioshe muafuka. ¹¹ Yange vavena njakukulela, muomu nolo koili miaka itanu yanjala, viahi uyongola nove vavena, nanjivo yove, nevi viakukundama vioshe. ¹² "Taleni mesho eni munamono, namesho amukuendje uange Mbenjamini, ngeci yange vavenya njihandeka nendi. ¹³ Yenimukambulule kuli tata kuthsimana kuange omu mu Ingito, naviuma vioshe vimumona. Mukadhambuleko kuka vaneha kuno." ¹⁴ Endi ualihondeeye munthingo ya mukuendje uendi Mbenjamini na kulila, na Mbenjamini nendi ua lihondeeye munthingo yendi. ¹⁵ Uathsembele vakuluntu vendi voshe na kuvalililla ha vinthingo. Kunima mba honi vahandekele nendi vakuluntu vendi na mukuendje uendi. ¹⁶ Movovuile mudhimbu ouo muimbo lia Falao nguavo: Vakuluntu va Yosefe na mukuendje vaneja Falao na vantu vendi vajolelele. ¹⁷ Falao uahandekele na Yosefe nguendi, leka vakuluntu vove, lingeni mukutile vinkutila vieni, na kuya kujcifuti ca Kanana, kuimbo lieni, ¹⁸ Muka shake ishe yeni na vinjivo vieni, mukenje kuli yange. Ange njimihane via cili via cifuti ca Ingito na kulia via madthi acifuti.' ¹⁹ Mukemo mouvaleka nguove: vapange ngeci, mutambule matemba mukalondekemo vana veni na vakentu veni, mukashake isho yeni mukenje. ²⁰ Keci muluvale mukonda lia viuma vieni via kuimbo, muomu evi via vuahelamo mucifuti ca Ingito vioshe, vieni via kukala. ²¹ Vana va Isaleli valingilemo, keho Yosefe ua vahanene matemba ngue honi mua mulekele Falao na nkuta ya mungila. ²² Endi ua vahanene nkala muntu cikovelo caciha. Vunoni Mbenjameni ua muhanene vihita vitatu havimbongo na vikovelo via viha. ²³ Keho ishe ua vatumine likumi lia vindongi vije viva pelekele naviuma via kuvuaha mu Ingito; na vindongi via vikentu likumi vije viva pelekele vimbuto, namboloto na viakulia via ishe via nkuta. ²⁴ Ngoco uatumine vakuluntu vendi mungila na kumutha. Keho endi uava kuanyene nguendi, "keti mulikuanyene mungila." ²⁵ Avo vatundile mu Ingito na kuija ku cifuti caKanana, kuli ishe yavo Yakomba. ²⁶ Vamulekele nguavo, "Yosefe noloali namuono, na ikeye muka kutumina cifuti ca Ingito." muono uendi uakathumukile, muomu ikeye kavathselelele. ²⁷ Avo vamulekele majui oshe ahandekele Yosefe. Omuo Yakomba uamuene matemba atumine Yosefe muku mutuala ikeye. Na cithithimbi ca Yakomba ishe yavo cathimpile. ²⁸ Isaleli nguayo, "Vinapumo. Yosefa munange kanda ali namuono. Njiya njika mumone kulutue njikathse."