¹ Mukemo Yosefe ua shikile lilenga lia njivo yendi, ngeundi, " shulitha vithaku via ava vamala na viakulia, kushuama kundhili yavo, Keho vimbongo viavo vihake mumulungu ua vithaku viavo. ² Haka nganja yange, nganja ya Palata, mumulungu ua thaku ya nkomba ya limo liavo, na vimbongo viendi via ndano ya mbuto.'' lilenga lia vipanga ngue mua lekele Yosefe. ³ Kucimene-mene, vamala ua va lingille vaye, navindongi viavo. ⁴ Muva tuhukile muimbo vuno honi kuvendele muhato ualaha, Yosefe ua leka Lilenga liendi nguendi, '' Hinduka, shuama vaje vamala, mukava uana, yaka handeke navo nguove,' Vika muna pangela via kuvihia kuvia cili? ⁵ Eyi nkuma keci nganjayekunuina muene uange? Ayo lalo keci yakeyo yakatahethetha? Via kuvihia muna panga, ece cuima cimuna panga ca kuvihia. '' ⁶ Linga lia kava uanene keho uaku va leka meji oo. ⁷ Vamu leka nguavo,'' Vika via kuhandekela ngoco muene uetu? Etu vindungo viove kutuatha kupanga cuma oco. ⁸ Tala, dhimbongo dhio tua uanene mumilungu ya vithaku vietu, tuaka vi tundithile kucifuti ca Kanana tuamihiluithilile vio lalo. Vati honi mutu ne kupuanja Palata na olu kunjivo ya muene uove? ⁹ Ambe kuli umo uetu uyi uanena, athse, netu lalo tukapue vindungo via muene.'' ¹⁰ Lilenga ngualio, " Ngeci vikale ngue mumuna vihandeka. uoshe unji uanena nganja aka pua ndungo yange, keho eni vakuavo nji miecela.'' ¹¹ Keho muntu-kumuntu uadhambuile na kutula thaku yendi hanthsi. ¹² Lilenga ua talele muvi thaku. ua tamekele namukuluntu uavo. ua ka manetha na kathila-ntjongo, Keho nganja ua iuanene muthaku ya Mbenjameni. ¹³ Keho va tauuendhele vidhala viavo. nkala umo ua londekele vutengi vuendi hacitongi keho va hilukile kuimbo kua kele Yosefe. ¹⁴ Yunda na va muanaina vedhile kunjivo ya Yosefe. Endite kanda kali, va kotamenene hamavu kuluholo luendi. ¹⁵ Yosefe uava lekele nguendi. '' Cuma cika eci cimuna panga? Muna dhivuka ngueni ange liala umo uakutaho ndi?'' ¹⁶ Yunda nguendi," Vika tukuleka muene uetu? Vika tuhandeka? Ndi vati tuatha kuli thambuetha etu vavenia? Njambi na mono laja kuvihia kuli muvindungo viove, Tala, etu tu vindungo via muene eutu,netu nou uavana uanena nganja. '' ¹⁷ Yosefe nguendi, "Viahi vinjatha kupangako. Lila ou uva na uanena nganja, Ikeye aka pua ndungoyange, vuno honi eni vakuavo, yemuyeni kuli isho yeni nacivova.'' ¹⁸ Mukemo Yunda muamu shuenenene hamuyehi na kuhandeka nguendi," Muene uange, njina kukandelela utave ndungo yove a handeka lijui mumatui ove, Keho keci u tavethele vukulu uove vu shukumine ndungo yove, muomu ove ualipua na Falao. ¹⁹ Muene uange uehuile ndungo yendi, nguendi, ' Muakala na isho yeni ndi na muna noko ueni?' ²⁰ Etu tua tava kuli muene uetu nguetu, " Tua kala na Tata yetu, na kulupa, na mona ua muvukulupe vuendi, ua kanike. Vuno honi munaina ua thsa, keho hali vaina ikeye lika na thalaho, na ishe ua mu Yongola. ²¹ Keho ua leka vindungo viove nguove, Yemu ka muneha linga njaku mumone," ²² Kunima liovio, tua handekelekuli muene uange nguetu, kamukuenje kahatha kuthedha ishe. Muomu ambe a muthedha ishe kuatha athse.' ²³ Keho ua lekele vindungoviove nguove, 'Mpano shongo yeni akeja neni, ambe ngoco kumua kunjimono lalo.' ²⁴ Keho ngeci viakele nguavo mutuaile kuli ndungo yove Tata, tua ka mulekele maji a muene uange. ²⁵ Tata yetu ua ka handekele nguendi, 'Yemikaye lalo,yemukalande viakulia. ' ²⁶ Keho etu nguetu, ' Kutuatha kushelela. Ambe shongo yetu ayo netu, keho tu shelela, muomu kutu ka mono cihanga cauje lila kamane tuye na shongo yetu.' ²⁷ Ndungo yove tata uatulekele nguendi, ' Muna vidhivuka laja ngueni vavali lika va pua hali mukentu uange. ²⁸ Umo uavo ua njithile, keho nja handeka nguange, ' Cili vana mu papola hahandende-hahandende, nakumona kunja mu muene tutunda oho.'' ²⁹ Ngeci ambe lalo munjinieka ou, Keho ka aka vetua, muka shuluitha vuele vuange vua kutoka na vuthiua ku kuthsa.' ³⁰ Ngeci, honi, munji ka heta kuli tata ndungo, na kanike uahi, nomu mua haka muono uendi muli yakeye, ³¹ Vika kala honi, ambe aka mona nguendi muna mukuenje uahi, akathsa. Vindungo viove vika neha vuele vua tata ndungo yove na vuthiua kukuthsa. ³² Muomu ange ndungo yove njina ka thselethele Tata nguange, ' Ambe kunji ka muhiluitha kuli yove, keho njika uana mulonga kuli Tata.' ³³ Ngeci, honi, njina kandelela njita venathale yange njipue ndungo yove, ou kamukuenje aye nava munaina. ³⁴ Muomu vati njiya kuli tata amba muna mukuenje uahi? Niiteua kuka mono viakuvihia ovio vikeja hali tata.''