¹ Nja ia kele Yakama mucifuti. ² Yethile ha ntshimbu havakele ku Ingito, Ishe yavo ua handekele kuli vakevo, '' Kaye lalo; yeni lalo muka lande via kulia.'' ³ Yunda ua mulekele, '' Mumala uje lithingile kuu kamono cihanga cange kuvaga shongo yeni you. ⁴ Amba utuma munanentu netu, uka shelela naku kalanda via kulia. ⁵ Keho amba Kuu mutumu, kutuka shelela. Mumala ua handekele kuli ietu,'' Kuu kamona cihanga cange noho shongo yeni akale neni.'' ⁶ Isaleli ua handekele, '' Vika au nji pangethele via kuviha oo ua lekele mumala nguavo, uakala na shongo yeni ua mumala ueka?'' ⁷ Va handekele,'' Mumala uehuile via kuli ietu na vushoko vuetu, ua handekele, ' Nolo isho na muono uend? ua kalako na shongo yove ua mumala mukuavo ndi? Tuamulimbuilile kushuama ku mahula ano, Nga vati tua vuthivukile nguavo aka handeka,' Neha shingo yovekuno?'' ⁸ Yunda uahandekele kuli Isaleli ishe, '' Tuma mukuenje nange. Tuka katuka nakuya linga tukale namuono keti tutshe,tuva voshe, yove na vana vetu. ⁹ Njika pua ntombo yendi. Ku livoko liange uka mutumbula. Amba kunji kamu nehe kui yove na kumu neha kumesho ove, keho linga njika tambule mulonga kumiaka yoshe. ¹⁰ Nga etu kutua lilangele, Cili-Cilingeci nga tunaka hilukila kontsthimbu yamu Civali'' ¹¹ Ishe yavo Isaleli ua handekele navo,'' Nga vikala ngoco, Keho panga evi. Ambateni vushuka vua kutuvakana vua mucifuti muvitenga. Viambateni na kuvi tuala kuva mala ovu vuana--mathi amo, vuki, via kutova,na Mirra, Ndongo na Almonde. ¹² Keho tambula vimbongo vivali mulivoko liove. Vimbongo evi vaka hiluithile omo va vutuile vitenga vieni, viambate lalo mulivoko. Mpano Cakale ca kuivala. ¹³ Tambula lalo mukuenje uove ua mumala. Katuka na kuya lalo kuli mumala. ¹⁴ Keho Njambi muka ndhili yoshe ami hane ngothi kumesho a mumala, linga a kecele mukuenje uove mukuavo ua mumala Mbenjamini. Keho nga ange njina tshitha vana vange, nange njina tshitha.'' ¹⁵ Vamala vatambuile ovo vuana, na mumavoko avo vatamuile vimbongo Luvali-Luvali, Kum na Mbenjamine. Va katukile na kuya ku Ingito na kukemana kumesho a Yosefe. ¹⁶ Omo Yosefe ua muene Mbenjamine navo, ua handekele kuli ngamba ya njivo iendi, ''neheni vamala munjivo, tshiheni kathitu na kumu vuahetha, vamala valia nange ha kati ka litangua.'' ¹⁷ Ngamba ua pangele ngue omo ua mulekele Yosefe. Ua nehele vamala kunjivo ya Yosefe. ¹⁸ Vamala vakele na liova muomu vava nehele kunjivo ya Yosefe. Vahandekele, '' Muomu lia vimbongo evi vaka hiluithile muvinjeke vietu lua kuli vanga vatu kuvelethelemo, Linga va uane ngila yaku luitha ietu. Kuatha atu kuate na kutu tambula tuka pue vindungo, na kutambula vindongi vietu. '' ¹⁹ Keho va shuenene kuli ngamba ya limbo lia njivo ya Yosefe, keho va handekele nendi ha cikolo ca njivo. ²⁰ Na kuhandeka, '' Shukulu vange, teuthile nsthimbu ya kulivanga muku landa via kulia. ²¹ Keho via puile, omo tuahetele ku Cilombo, Keho tua vutuile vi njeke, na, Tala, nkala vimbongo via mumala via kelemu njeke ya kuvutula, vimbongo vietu ku citimo ca kushula. Tunaka vihiluitha mumavoko etu. ²² Vimbongo vikuavo vitua nehele mumavoko etu mukua kulanda via kulia. Kututhivuka nguavo, Iya nahaka vimbongo muvi njeke vetu.'' ²³ Ngamba ua handekele,'' Civovo cikale neni, keti mutue. Njambi yeni na Njambi ia isho kuatha ikeye nahaka vimbongo muvi njeke vieni. Njina uana vimbongo vieni. '' Keho ngamba ua tuhuile Simeone hanja kuli vakevo. ²⁴ Ngamba yalimbo ua tualele vamala munjivo ya Yosefe. uava hanene mema, keho vakushile mianja yavo. Ua hanene via kulia ku vindongi viavo. ²⁵ Va vuahethele vuana vua kuija kua Yosefe ha kati ka litangua, Omo vovuile nguavo va kulia kuje. ²⁶ Omo Yosefe uethile hembo, vanehelevuana ovu vua kele mumavoko avo munjivo, Keho vatshikile mavuli hatshi kulutue liendi. ²⁷ Ua vehuile via Cihindu cavo na kuhandeka, ''Ishe ieni ali vuino. mukulupe uje umua tumbuile? Nolo na muono uendi?'' ²⁸ Vahandekele, Ndungo iove ishe yetu ali vuino. Nolo ali na muono,'' Keho va tshikamene na kumu hana Kathingimiko. ²⁹ Omo ueshukile mesho endi ua muene Mbenjamane shongo yavo ua mumala, muna vaina ua mumala, Keho ua handekele,'' Ou yakeye mukuenje uove ua munike muakama uaa tumbuile kuli iange?'' Keho ua handekele, " Njambi akale na nkeke kuli yove,Munange." ³⁰ Yosefe ua tambuile na kutuha, ku nkondua yendi, uakele na vithiua muakama muomu liamukuenje uendi. Kunahu uatondele kumo aka lilila. Ua ile ku nkondua yendi na kuka lilila oko. ³¹ Ua kushile Cihanga cendi,keho ua tuhukile. Keho ua lipokuethele, na kuhandeka, " Aveleni via kulia.'' ³² Vangamba vahakelele Yosefe lika liendi nava muna ina navo lika liavo. Vaka Ingito valile kuje valile nendi na likaliavo muomu vaka Ingitu kuvathele kulia mbolo kumo nava Hevelu, Muomu aco cithila kuli vaka Ingito. ³³ Keho va munaina va tumamene kumesho endi, Mbeli kushuamako muvuva thema, nou ua munike muakama kushuama kuvu kuenje vuavo. Vamala viava komo kethele voshe kumo. ³⁴ Keho Yosefe ua tumine mitamba kuli vakevo ya viakulia via kele ku mesho endi. Keho mutamba ua Mbenjamene va vanuine na kujolela hamo nendi.