¹ Kalunga ua lekele Yakomba. ''Katuka, uye ku Mbetele, uka kaleko, nakutunga mutula ua Kalunga, uje uali jomboluele kuli yove moua teuele munanoko Esau. ² ''Keho uahandekele na vaka limbo liendi na voshe muva kelekele kumo, Tunditheni tulungav vavo mukati keni, Liyeletheni naku dhala vudhalo viaku toka, ³ Keho tukatukeni tuye ku Mbetele. njika tungile Kalunga mutula. Uje uandji kuathele hama tanga atuyando tuange, '' uje uakele hamo kuoshe kuje kunjayile.'' ⁴ Ngoco vahanene Yakomba vioshe vi tutunga viavo vaje viova kele navio mumavoko avo, navilingua vije viva kele navio kamatui, Yakoma ua vishitikile muinthi lia citi cije kakele muhiehi Sekeme. ⁵ Muva ile Kalunga ua nehethele liova lia uililile m limbo liakama lije liakele muhiehi navo, keho vantu vaje kova Shuamangeyele vana vaYakomba. ⁶ Ngoco Yakomba uahetele ku Luze( ikeyo, Mbetele), yije yakele mulivu lia Kanana, endi na vantu voshe vakele nendi. ⁷ Uatungile mutala kumuhela uje na ku uluka EL-Mbetele, ngoco Kalunga uali jomboluele kuli ikeye, mukonda ua tevele kuli munaina. ⁸ Ndevola, nkuathi ya Lembeka uathsile, vamu shitikile kuci mbolongana dia Mbetele muithi lia citi cavushuka, eci vacitumbuile Allone-Mbakute. ⁹ Keho Yakomba uatundile ku Pandane-Alame, Kalunga uali jomboluelekuli ikeye lalo naku muvuavuetha. ¹⁰ Shuku uamu lekele nguendi, ''Lidhina liove yove Yakomba, vunoni lidhina liove koli kakala luhua Yakomba vaka kutumbula Isaleli. '' keho Kalunga ua muthanene Isaleli. ¹¹ Kalunga uamu lekele nguendi,'' Yange Kalunga uakama. Muli yove muka tunda mishovo vavingi vika lilanetha. Mushovo na mishovo vamu cifuti vika tundilila kuli yove, Nadhimiene dhose dhiks tundilila mukati kove nkata yeni. ¹² Njika kuhana cifuti cije condja hanene kuli Avilahama na Isake, ndji ka kuhanaco yove. nadhi ntekuluila dhove njika vahana cifuti kunima yove.'' ¹³ Kalunga uanthile uayile kumuhela kuje kova kele kuhandekela nendi. ¹⁴ Yakomba uahakele ngudhi mumu hela uje ka handekelelenendi Kalunga, ngundhi ya livue. Ua shuuililoho cikombelo cakunua na madhi. ¹⁵ Keho Yakomba ua lukile ua lukile lidhina muhela uje uova hankelele nendi na Shuku Mbetele. ¹⁶ Muvungendhi vuendi kutunda ku mbetele te vali hale na Efalata Lakele ua fulukile, ua vavalele muakama. ¹⁷ Endi tee noku ali vene mukuvavala kua kama,uje cifunguidhi ua handekele nendi. ''Keti ukale na liova, ngeci u vana mbututu ya dualume. ¹⁸ Nokutele Lakele ali mukuthsa, ua tutumuithile mbunga yendi muku huima. Ua lukile munendi lizhina Mben-ono, vunoni yishe ua mulukile Mbenjamini, ¹⁹ Lakele uathsile vamu shitikile kumu kulo uangila ya Efalate ( ikeyo vene Mbetelema). ²⁰ Yakomba uahetele ngundhi ha mbumbo. Chivuluitho ca mbumbo ya Lakele kuli tangua eli. ²¹ Yakomba ua javukile kuje uaka shimbikile mbalaka yendi ku nkandela ua kapashi ka Endele. ²² Isaleli tele noku kanda yili mucifuti cije, Luvene ua ndandele na Mbileha mukentu ua Ishe, na Isaleli ua viuvuile, Keho Yakomba ua kele natu keke likumi nava vali. ²³ Munendi ua ndualume ua hali Leya ikeye Luvene, na mbel ya Yakomba, na Simione, Na Levi, na Yandu, na Isake, na Zembulone. ²⁴ Munendi hali Lakele Yosfe, Mbenjamini. ²⁵ Vana vendi vaha hali Mbilema ngamba ya ndungo ya Lakele Ndane, na Nafutili. ²⁶ Vana va Zilipa ngamba ya ndungo ya Leya ngande, na Asele ava vakevo vana vavamala vaYakomba va themene ku Nandame-Alame. ²⁷ Yakomba uedhile kuli ishe, Isake, ku Mamela ku kuliate-alave (kanda ikeye lalo Hevelone). Kukeko kova tungile va Avilahama na Isake. ²⁸ Isake uovokele miaka cihita na makumi atatu na atanu. ²⁹ Isake uatulile mundhindhimue uathsile, mukonda vamu vandakanene kuva nkaka yavo, nendi tee oku nakulupa. Vana vendi va Esau na Yakomba vamu shitikile.