¹ Ava vakevo vaka limo Esau( Vamuthana lalo Endome). ² Esau ua tumbuile vakentu vaku Kanana, ava vakevo vakentu vendi; Anda muna Elone ka Hiteu ; Ohilivama muna Ana, mutekulu ua mukentu ua Ziveone ka Heveu; ³ Na Mbasemate,muna Isamael ua mukentu, mukuenje ua Neyavot ua mukentu. ⁴ Anda ua themene Elifaze kuli Esau, na Mbasemathe ua themene Leuele. ⁵ Oholivama ua themene Yeuse, Yalame, na Kola. Ava vakevo vana va Esau vavamala vava themene kuli ikeye kumuhela ua Kanana. ⁶ Esaua ua tumbuile vakentu vendi, vana vendi vava mala, vana vendi vava kentu, na vantu voshe vakle muimo liendi, vimuna viendi tuthitu tuendi tuoshe, na viuma vioshe evi ua fukile, evi via kunguiyile Livu lia Kanana,keho uayile hale kutunda kuli munaina Yakomba. ⁷ Ua vipangele evi muomu vufuko vuavo vua kele vua vuingi kuatha kuahi vakale hamo. Kumuhela kuje vatungile kuviathele kuva kuatetha muomu lia vufuo vuavo. ⁸ Keho Esau, ou vathuvukile nguavo Endome, uatungile muvi ndundu via cifuti ca Seile. ⁹ Ava vakevo vaka limo lia Esau, vashukulu yava Endomeu mucifuti ca vindundu ca Seile. ¹⁰ A a akeo akele mathina aa vana va Esau vavamala; Elifaze muna Anda ua mumala,mukentu ua Esau; Leuele muna Mbasemate ua mumala, mukentu ua Esau. ¹¹ Vana va Elifaze vakele Temane, Omale, Zefo, Ngetame na Kenaze. ¹² Timena, mukentu ua cihaleko ua Elifaze, muna Esau ua mumala, ua themene Amaleke. Ava vakevo vatekulu va Anda vavamala, mukentu ua Esau. ¹³ Ava vakevo vakele vana va Leuele vavamala; Nahate, Zela, Sama, Na Miza. Ava vakevo vatekulu va Mbasemate vavamala,mukentu ua Esau. ¹⁴ Ava vakevo vana va Oholivama vavamala,mukentu ua Esau, ou uakele muna Ana ua mukentu na mutekulu ua Ziveone. Ua themukile kuli Esau Yeuse, Yalame na Kola. ¹⁵ Ava vakevo vakele vamo va mushovo ua Kulimo lia Esau; Vakalimo lia Elifaze;Mbeli ya Esau; Temane, Omale, Zefa, Kenaze. ¹⁶ Kola, Ngatame na Amaleke. Ava vakevo vaka mushovo ua limo lia Elifaze kumuhela ua Endome. Vakevo vatekulu va Anda. ¹⁷ Ava vakevo vakele vaka mushovo ua Leuele,muna Esau ua mumala; Nahate, Zela, Sama, Miza. ¹⁸ Ava vakevo vaka mushovo ua limo lia Leuele mumuhela ua Endome. Vakele vatekulu va Mbasemate vava mala, mukentu ua Esau. Ava vakevo vaka mushovo ua Ohilivama, Mukentu ua Esau; Yeusa, Yalame, Kola. Ava vakevo vaka mushovo ua limo lia mukentu ua Esau Ohilivame, muna Ana ua Mukentu. ¹⁹ Ava vakevo vana va Esau vavamala (Ava vava thivukile nguavo Endome), Na ava vakevo vimiene viavo. ²⁰ Ava vakevo vana va Seile ka Holeu, vandambo va cifuti; Lotane, Sovate, Zeveone, na Ana. ²¹ Ndisone, Ezele, Ndisane. Ava vakevo vakavushoko vua Holeu, vaka vundambo via Seile mucifuti ca Endome. ²² Vana va Lotane vavamala vakele Holi na Hemale, na Timena ua kele mukuenje ua Lotane. ²³ Ava vakevo vana va Sovale; Alevane, Manahate, Evale, Sefo na Oname. ²⁴ Ava vakevo Ziveone; Aya na Ana. Ou ikeye Ana ou ua uanene muta ua kuhianguka mumu thenge, Omo uaku lithile vi ndongi via Ziveone Ishe. ²⁵ Ava vakevo vana va Ana; Ndisone na Ohilivama, muna Ana ua mukentu. ²⁶ Ava vakevo vana va Ndisone vavamala; Hemendane, Esevane, Itelane na Kelane. ²⁷ Ava vakevo vana va Ezele vavamala; Mbilehane, Zavane na Akan. ²⁸ Ava vakevo vana va Ndisone vavamala ; Uze na Alane. ²⁹ Ava vakevo vaka vushoko vua Holeu; Lotane, Sovale, Zeveone na Ana. ³⁰ Ndisone, Ezele, Ndisane; Ava vakevo vaka vushoko vua Holeu, Kushuama omo vali Shuama muvushoko vuavo mucifuti ca Seile. ³¹ Ava vakevo vimiene vathikile mucifuti ca Endone kulutue nkala vimiene vathikile vana va Isaleli. ³² Mbela muna mbeole ua mumala,ua thikile Endome, na lithina lia limbo liendi liakama lia kele Ndinehava. ³³ Omo Mbela ua tshile, keho Yovane muna Mbozela ua mumala, ua thikile mucifuti cendi. ³⁴ Omo ua thsile Yovane, Husame ou uakele ua kucifuti ca Temanita, ua thikile mu cifuti cendi. ³⁵ Omo Husame ua thsile, keho Handande muna Mbendande ua mumala ou ua tuvakanene va mindiane mucifuti ca Moave, ua thikile mucifuti. Lithina lia limbo lia kama lia kele Avite. ³⁶ Omo Handande ua thsile, keho Samela ua ku Maseleke ua thikile mu muhela uendi. ³⁷ Keho omo Semela uathsile, keho Saulu ua ku Lehovote ia ndonga ua thikile. ³⁸ Omo Saulu ua thsile, Mbale-hanane muna Akevoi ua mumala ua thikile mucifuti. ³⁹ Omo Mbele-hanane muna Akevle, uathsile, Keho Handale ua thikile mucifuti cendi. Lithina lia mukentu uendi lia kele Pau. Muna Matelende ua mukentu, mutekulu ua Me-zehave. ⁴⁰ Aa akeuo akele mathina ava vantu vakama muvushoko vakalimo lia Esau, kushuama kuma vushoko vavo na kuvifuti viavo, mathina avo ; Timena, Aleva, Yetete, ⁴¹ Ohilivama, Ela, Pinone, ⁴² Kenaze, Temane, Mivezale, ⁴³ Mangendiele, Ilame. Ava vakevo vakele vakuluntu va mushovo ia Endome, kushuama kutungithi iva tungile mulivu liva fukile. Ou uakele Esau, Ishe yava Endomeu.