¹ Keho Ndina ,muna Leya na Yakomba, uaile kuka li uana na vana vavakentu vamu cifuti. ² Keho Sekeme muna Hamole na Hiveu, muna mueno ua liala vamu cifuti cije, uamu muene. uamu tambuile uandande nendi, nakumushahuitha. ³ Ikeye mutima uendi uauhakele muli Ndina, muna Yakomba. ua yonguele muna mpuevo keho ua mu kuaniethele muamungulu. ⁴ Sekeme ua handekele naishe Hamole, nguendi, ''Njihuelenikoou muna mukentu apue mukentu uange. ⁵ ''Keho Yakomba uovuile nguendi munendi Ndina vana mu vihitha. Vana vendi vava mala vakale navimuna mulihia, Keho Yakoma ua kaniama kamane kuva kedhilile. ⁶ Hamole ishe ya Sekeme uaile kuli Yakomba uaka handeka nendi. ⁷ Vana va Yakomba vavamala vedhile kutunda mulihia muva viuvuile. Vamala va vavalethele vimbunga viavo. vakele navukalu muakama muomu ua shauthuile Isaleli mukundanda na muna Yakomba, muomu cuma oco ngakacathele kucipanga. ⁸ Hamole ua kuaniene navo nguendi, ''Munange Sekeme a yongola muneni. Njina kandelela muhaneniou apue mukentu uandi. ⁹ Tuliambateleni, tuhaneni vana veni vavakebtu,neni mutambule vana vetu va vavakentu. ¹⁰ Mukatunga netu,keho livu lika mi shokolokela kutungamo nakulandethela mo, na kufukila mo.'' ¹¹ Sekemeua handekele na ishe nava munaina va Ndina nguendi, ''Njuvuileni ko ngodhi, navioshe vimu kanjileka njika mi hana. ¹² Njihuleni vionda via vingi-vingi na vuana vuavingi ngue mumuvi yonguela, ange njimihana vioshe vimunjileka, vuno honi njihaneni muna mukentu apue mukentu uange, '' ¹³ Vana va Yakomba vavamala va tavako kuli Sekeme na ishe Hamole mukuvakuitha muomu Sekeme ua shauithile ndakadhi yavo Ndina. ¹⁴ Va handekele navo nguavo,'' Kuuatha kupanga cuima eci, kuhana ndakadhi yetu kunkala uoshe uva jeneka kulovala; muomu vikatu koletha shuama. ¹⁵ Etu kuliuva neni ni mpano hacuma cimo lika; Ambe va mi lovola ngue yetue, amba nklamumala mukati keni vamulovala. ¹⁶ Keho tukamihana munetu, netu lalo tuka li tambuila vana veni vavakentu,keho tukatunga neni na kupua vantu vamo lika. ¹⁷ Vunohoni ambe kumutuvu linga vami lovole, etu keho tuka tambula ndokadhi yetu tukaya.'' ¹⁸ Majui ava ajanguilithile Hamole namona Sekeme. ¹⁹ Muna liala ka hitithile nthimbu kupanga viva handekele, muomu ua hakele muakama kumbunge muna Yakomba uamukenntu, keho lalo muomu yakeye yuva thingimikile muakama munjivo ya ishe. ²⁰ Hamole namu nendi Sekeme vaile ku cikolo ca limbo liava naku handeka navamala va mulimbo liavo,nguavo, ²¹ ''Vamala ava vali na civova netu, keho tuva tavetheleni va tunge mucifuti cetu na kukapangelamo yoshe ndando yavo, muomu cili, cifuti cakama navo vahathe kutungamo. Tu tambuleni vana vava kentu vapue vakentu vetu, navo lalo yuvahane vana vetu. ²² Mpamo mungila imo lika vakatava vamala kutunga netu na kupua tuvantu vamolika; Ambe nkala mumala muli yetu vamulova,ngue muva va lovala vakevo. ²³ Nkuma vuima viavo na vitenga viavo-tuthitu tuavo tuoshe kuvika pu vietu? Keho tuliuvueni navo, linga va tunge mukati ketu.'' ²⁴ Vamala voshe vamuimbo vatolilile va Hamole na Sekeme, mona. Nkala liala vamu lovuele. ²⁵ Ha litangua liamu citatu, avo oho te nolo vali mukuvavala, vavali va hali vana va Yakomba [Simione na Levi, va ndualume va Ndina], Nkala uoshe ua tambuilemuele uendi keho va kaluithile limbo eli lia kele nava ka kuli nuinga,keho va thsihile vamala voshe. ²⁶ Va thsihile Hamole na munendi Sekeme na na muele. Vatambuile Ndina vamutunditha kunjivo ya Sekeme vaya nendi. ²⁷ Vana va Yakomba vakuavo vendhile kuvi mbi na kuluitha limbo nakutambula mo vitenga via mulio,muomu va shauithile ndokadhi yavo. ²⁸ Va tambuile vutanga vua vinjui, vutanga vua dhingombe, vindongi viavo, na uioshe via mulimbo na muhia ahamuyehi nalimbo na vufuko vioshe. ²⁹ Vana vavo voshe na vakentu vavo voshe va vakuatele. Vakatambuile na vuima vioshe via kele muvinjivo. ³⁰ Yakomba uahandekele na Simione na Levi nguendi, '' Munanji nehela vitanga, mukunjilingithavakanjindhindaantu ua mucifuti cino, vaka Kanana na vaPelez. Etuco tuva vandende mukutu tanda. Amba vali kunguiya kumo vanjiluithe, vanji dhimitha, nange na njivo yange.'' ³¹ Vuno honi Simione na Levi nguavo, '' Ngoco honi Sekeme nga ka pangethashongo yetu ngue cikuindhi ndi?''