¹ Kunahu Yakomba vovuile kamajui vana va Labani. '' Yakomba ua tambuile vioshe via ishe yavo. Kutunda kuvukama vuava tatana uana vupite voshe. '' ² Yakomba ua muene kutala ca Labani kucihanga cendi. ua mune kukala cendi cina lenguluka ³ Kunahu Kalunga ua handekele na Yakomba, '' Hilika ku cifuti cava ka vu ishona vavuthamba vove, Ange njika kala nove.'' ⁴ Yakomba na tumu vaka thane Rachel na Leya kuliha liamuna viendi. ⁵ Na kuva leka nguendi, '' Njina mono kukala ca isho yeni na nge cinaluluka, vunoni Kalunga ou ua Tata ali hamo nange. ⁶ Mu thivuka nguendi ange njina kale na nandhili yoshemuku pangelaishoyeni. ⁷ Isho na njikuitha naku lundukila fueto yange thintsimbu likumi, Vunoni Kalunga ka muitha vethele anji vulumune. ⁸ Nga aka handeka nguendi, 'Tuthitu vacili vakale fueto yove? kunahu navi mpembe voshe vava ndende ava vana thema, Nga akahandeka nguendi,'' Na mavala mavala vika kala fueto yove; kunahu vimpembe vioshe vana theme vuma vala mavala. ⁹ Mungila eyi Kalunga na tambula vimuna vioshe ku vihana kuli yange. ¹⁰ Hantsimbu yaku livemba vimuna, nja muene munjothi cizamba ca mpembe ua landuele kuva mpanga cizamba ua mpembeua mavala mavala. '' ¹¹ Kangelu ua Kalunga ua nji lekele munjothi, Yakomba !' Yange uno.' ¹² Ua handekele, Tala mesho yove na kutala vizamba voshe va vimpembe ovo vali kulondua kuva mpanga. Vakele na mavala mavala, muomu njina mono vuima vioshe ovio Labani alikulinga kuli yove. ¹³ Ange Kalunga uaku Betel, kuje vaku vuavuethe ugundhi, Oku una lithingi nange. Kunahu katuka na kutha cifuti eci uhiluke ku cifuti cove cacithemua.''' ¹⁴ Lakele na Leya vamu kumbuluile nguavo, 'Etu kalivimo tuka hingako ku vuima via munjivo ya Tata? ¹⁵ Ka tulele le ngue vangendhi? Muomu ua tulandetha, navi mbongo viaco ua mana laya kuvilia. ¹⁶ Vaka kufuka voshe Kalunga uava tumbuile kuli Tata na ngeci vali vetu na vana vetu. Ngeci kunahu ovio vioshe Kalunga aku leka una the ku vipanga.'' ¹⁷ Kunahu Yakomba ua kutukile na va vendi na vakentu vendi ua londekele nava ngemule. ¹⁸ Ua shingile vimuna kulutue luendi, hamo na vitenga viendi, kumo na vafuko vua uanene mu Paddan Arum. Kunahu ua tuhukile mukuya ku cifuti ca ishe Isaka ku Kanana. ¹⁹ Omo Labani ua vile mu kukaneha vinzhi vendi, Lakele mu puanjele va Njambi veke vamu njivo ya Ishe. ²⁰ Yakomba nendi ua kuithile Labam ua Arameun, mu ka jena kumu leka ngueni ava. ²¹ Ua shatukile na viuma vioshe via fukile naku javuka ndonga vuasi-vuasi,na kushungama kumukinia uaku cifuti ca Gilead. ²² Mu litangua liamu citatu Laban vuma lekele nguavo Yakomba na teua. ²³ Kunahu ua tambuile va vusamba vendi kuya muku kava matangua atanu na avali mungila. Ua ka mukuatelele kututue ua mukinia uamu cifuti ca Gilead. ²⁴ Kanahu Kalunga Uendhile kuli Laban ua Aramean munjothi kuvutsiki naku muleka nguendi, ''Thangama muka handeka na Yakomba muamungulu keti muaku viha.' ²⁵ Laban ua kuatele Yakomba. Kunahu Yakomba ua hatele ci paka cendi ha mukinia ua cifuti ca Gilead. ²⁶ Labana ua handekele na Yakomba . '' Vika una panga,muka nji kuitha na kuhitula vana vange va vakentu ngue vaka ndhita? ²⁷ Muomu lia vika una teuela muvusueke naku jena kunji leka? Nga njina kushika uendi muacili hamo na kuimba naku kuthikila vingoma, na tulialia. ²⁸ Ku ua njitavethele njithsembe vatekulu vange na vana vange . Ngeci una panga vuheve. ²⁹ Njili nandhili muku kumuetha lamba, Vunoni Kalunga vua Isho na handeka nange ku vuthsiki na kuhandeka; Thangama muku handeka na Yakomba muamungulu keti muaku viha; ³⁰ Ngeci unayi muonu uana hiluka ku njivo ya Isho. Vunoni muomu lia viaka una puanjela va Njambi vange?'' ³¹ Yakomba uamu kumbuluile naku handeka na Laban. '' Muomu njianieke vana vove mudhili ngeci njina kenja muvisueke. ³² Ou voshe na kupuanja va Njambi vove kakovoka naua kemesho ava vuthamba vove, Tala mua cili nkala eci cove cili kuli yange uci none ko; Muomu Yakomba ka thivukile nguvo Lakele ikeye nava puanje. ³³ Labani ua kovelele muci paka ca Yakomba, namu cipaka ca Leya, namu cipaka ca vaje vantu vendi vavali va vakentu vunoni kavi uanene mo, Ua tuhukile mu cipaka ca Leyana ku kovela mu cipaka ca Lakele. ³⁴ Lakele ua tambuile va Njambi veka vamu njivo. Uavi haka kuinthsi ca lithala ca ngamelu, na ku tumama helu liavo. Labani ua thelela mu cipaka coshe, Vunoni kavi uanene. ³⁵ Ua kelele Ishe nguendi, '' Keti mukale navukulu muene uange, nguove konjimane kulutue luove muomu ange njili kuathila ,'' Mukemo ua thetelele vunoni ka uanene va Njambi veka vendi. ³⁶ Yakomba uakele navukalu na kulikuania na Labani, Uamu lekele nguendi.'' Ange vika mulonga uange, via kunji shuma shuma ngeci. ³⁷ Muomu una tondo vupite vuange voshe, Viuma vika una uanaovio vioshe una uana via mu njivo yove? Vihake aha kulutue lua vavusamba vetu, linga vatu hise tuva vavali. ³⁸ Mu miaka likumi na iavali njina kala nove. Vinzhi viove na mpembe viove, kunja vimbatele, nambe nga njilieho cizamba cavi mpembe viove. ³⁹ Vaje va lemanene kututhitu kunja ku nehelele vo. Tenga, ange njiva thimbatethe nkala aha uanji fuetethele nkala kathitu ua thimbalele, cikale nambe caku punda mutania nambe vutsiki. ⁴⁰ Ku mutania nja uemene litania, ku vutsiki nja kele kuyaya lithika na kuenda naku kotha kuahi. ⁴¹ Mu miaka oyo likumi na ivali njina kala muimbo liove, Njina kupangela miaka likumi na yiuana ya vana vove vavali va vakentu, na miaka yitanu na umo ya vimuna viove una lulula fueto yange hathinthsimbu likumi, ⁴² Mpano Njambi ua Tata yange, Njambi ua Avilahama na ou yovui lile Isaka liova, Vakele hamo nange, vusunga vene unji tuma njiye mavoko voko. Njambi na mono kayando kange na vati njina pange nandhili, na yendi na kuku payele ku vutsiki vuna hiti. ⁴³ Labani uamu kumbuluile naku leka Yakomba ,'' Vana va vakentu vana vange, va tekulu nava tekulu vange, na vimuna via vimuna viange. Vioshe ovio umona viange. Vunoni vika nji panga lelo kuli ovio vana vange va vakentu, ndi ku vana vavo aovo va na vembe? ⁴⁴ Ngeci tuye tuhake likuatathano, nove nange, na likelio lika vumbangi hakati kove na nge.'' ⁴⁵ Ngeci Yakomba ua nonene livue naku lihaka likate ngue ngundhi. ⁴⁶ Yakomba ua handekele nava vusamba vendi, '' Hakeni mavue kumo.'' Mukemo va tambuile mavue aco. ⁴⁷ Labani ua yilukile Jegar-SahaDutha, Vunoni Yakomba ua yilikile Galeed. ⁴⁸ Labani, ua handekele nguendi. '' A mavue anapu vumbangi hakti kange nove kulelo,'' lalo lithina va tumbula Galeed. ⁴⁹ Mukemo naua vali tumbula Mizipah, muomu Labani na handeka nguendi, Linga Kalunga atale ha kati kove nange, Omo yetu tuli lingila vukulu umo namu kuavo. ⁵⁰ Nga uka yandetha vana vange, ndi nga uka nona nkala mukentu uaku vana vange, nambe nga na umo uahi ali netu, tala Kalunga ikeye mbangi, hakati ketu nove nange.'' ⁵¹ Labani ua handekele na Yakomba nguendi, ''Tala mavue a, naku tala mavue, Oyo onjina hake hakati kove nange. ⁵² A mavue anapu vumbangi, na mavue anapu vumbangi nguange konji ka hiti kulutue lia mavue nove, nove naua kouka hiti kulutue lia mavue na mavue aco kuli yange,linga aka tu vulumuithe. ⁵³ Kalunga ua Avilahama, nava Njambi va Nahor, nava Njambi vava Ishe, vaka tuhithe ha kati ketu, Yakomba na lithingi muomu lia liova lia Ishe Isaka. ⁵⁴ Yakomba uahanene cikombeleyo ku mukinia na kuthana va vuthamba vendi nakule vakulia, Va liele na ku kala vutsiki vuoshe kumukinia. ⁵⁵ Ku cimene ca kama Labani ua hindukile, ua thsiemba va tekulu vendi na vana vendi na kuva vethikitha. Kunahu Labani ua tundileko na ku hiluka kuimbo.